လေဥနဲ့သက်သတ်လွတ်။

 ပြင်သစ်သူငယ်ချင်းက သူမွေးထားတဲ့ သာလီကာမလေးတစ်ကောင်က သူ့ ဥတွေ အကောင်မပေါက်လို့ စိတ်ဓါတ်ကျနေတဲ့အကြောင်းပြောတာကိုနားမလည်တဲ့ မြန်မာသူငယ်ချင်းရယ် မြန်မာပြည်မှာ သက်သတ်လွတ်စားတယ်ဆိုတဲ့ သူတွေ ယခုအခါ ကြက်မွေးမြူရေးကရောင်းတဲ့ လေ ကြက်ဥ ဆိုတာ စားကောင်း မစားကောင်းအငြင်းပွါးနေကြလို့ ကျမသိလောက်ဒီဆောင်းပါးကိုရေးလိုက်ပါတယ်။ ကျမတို့ပတ်ဝန်ကျင်မှာရှိတဲ့တိရိစ္ဆာန်တွေထဲက နိ့တိုက်သတ္တ၀ါတွေဖြစ်တဲ့ ဆင်၊မြင်း၊ကျွဲ၊နွား၊ခွေး၊သိုးဆိတ်၊၀က်၊ကြွက် စတာတွေက အကောင်လိုက်မွေးပါတယ်။
ကြက်၊ဘဲ၊သာလိကာ စတဲ့ ငှက်တွေက ဥ ဥပြီး ၊ဥကမှ အကောင်ပေါက်ပါတယ်။ ဥမှာမှ အဖိုမျိုး နဲ့ပေါင်းပြီးသောဥ နဲ့ အဖိုမျိုးနဲ့မပေါင်းသောဥ (fertilized and unfertilized egg ) ရယ်လို့ရှိပါတယ်။ အဖိုးမျိုးနဲ့ပေါင်းထားတဲ့ ဥ ကနေ အကောင်ပေါက်ပါတယ်။ အဖိုးမျိုးနဲ့မပေါင်းတဲ့ဥ က အကောင်မပေါက်ပါဘူး။ မြန်မာတွေခေါ်တဲ့ လေဥပါ။ တနည်းအားဖြင့် အဖိုးမျိုးနဲ့မပေါင်းတဲ့ဥ က အမမျိုးဥ (ovum) ပါ။ fertilized and unfertilized egg ကိုအပြင်ပမ်းအားဖြင့် ခွဲခြား၍မရပါ။ ယခုခေတ်ကြက်မွေးသူများက ကြက်ဥရောင်းရန်ရည်ရွယ်လျှင်ကြက်မ များသာမွေးပါတယ်။ ဥမရဘဲ အစာသာကုန်မည့်ကြက်ထီးများနဲ့ရော်မမွေးပါ။

ငါးနဲ့ ဖါးများကတော့ အမမျိုးဥ (ovum ) များကို ငါးမနဲ့ဖါးမများက ရေထဲသို့ဥချပြီး ၄င်း အ မဥများပေါ်သို့ငါးထီးနဲ့ဖါးထီးများက ၄င်းတို့၏ အဖိုမျိး (sperm) များကိုပက်ဖြန်းပေးပါသည်။ (ovum နဲ့sperm များရေထဲတွင်ပေါင်းစပ်ကြပါတယ်။

မြွေမျိုးသည် ငှက်များကဲ့သို့ ဥ ဥပြီး၊ဥမှအကောင်ပေါက်ပါသည်။ သို့ရာတွင် မြွေဟောက်နှင့် အချို့မြွေများသည် (0voviviparous) မြွေမ၀မ်းတွင်းတွင်အရင်ဥပြီး ၄င်းဥများဝမ်းတွင်းတွင်ပင်အကောင်ပေါက်သဖြင့်
အမြင်အားဖြင့် အကောင်လိုက်မွေးပါသည်။ လွန်ခဲ့သောနှစ်များစွာက DMR မြွေဟောက်သုတေသနတွင်တာဝန်ထမ်းဆောင်စဉ် လယ်သမားတစ်ဦး မြွေရိုက်သတ်ပြီး ခါးပိုက်ဆောင်တွင်ထဲ့ထားရာမှ မြွေသေအမမှ မြွေပေါက်စလေးတွေထွက်လာပြီးကိုက်သဖြင့်သေဆုံးခဲ့ဘူးပါသည်။ မြွေဟောက်များ အကောင် ၁၀-၂၀ အထိပေါက်ပြီး၊ မြွေပေါက်စများတွင်လဲအဆိပ်ရှိပါတယ်။

သက်သတ်လွတ်စားရာတွင် စားသူရဲ့ အဓိပ္ပါယ်ဖေါ်မှုပေါ်မူတည်၍အမျိုးမျိုးကွဲပြားပါသည်။
 မြန်မာနိုင်ငံရှိအများစုက သတ္တ၀ါကိုသတ်ပြီးမှရရှိနိုင်သော သတ္တ၀ါ၏်အသားအသွေးများကို မစားကြပါ။ တိုကြောင့်သတ္တ၀ါမသတ်ဘဲရသောနွားနို့ကိုသောက်နိုင်ပါသည်။ ဤသို့ဆိုပါက အကောင်မပေါက်နိုင်သောကြက်မ၏လေဥသည်လည်းစားကောင်းပါသည်။ တချို့က ၄င်းကိုသက်သတ်လွတ်ဟုမခေါ်သင့်ပဲ အသားလွတ်ဟုခေါ်သင့်သည်ဟုဆိုပါသည်။

 ပြင်သစ်သက်သတ်လွတ်ကတော့ ရေသတ္တ၀ါများဖြစ်သော ငါး၊ပုဇွန်၊ခရုစသည်များစားနိုင်ပါသည်။

ရှမ်းပြည်တွင်တွေ့ရသောရှမ်းတရုတ်များကမူ ရေသတ္တ၀ါသာမက၊နွားနို့စသောတိရိစ္ဆာန်မှရသောနို့များ၊ အညှောင့်ထွက်သော ကြက်သွန်နီ၊ ကြက်သွန်ဖြူများပါမစားကြပါ။ထိုသူများတွင် အာဟာရချို့တဲ့သောရောဂါများဖြစ်သည်ကိုတွေ့ရပါတယ်။

  မွေးစကပင် သက်သတ်လွတ်စားသောမဂိုလူများမှာမူမြန်မာများကဲ့သို့ သတ္တ၀ါအသားများမစားသော်လဲ
ပဲအမျိုးမျိုးနဲ့၊နို့နဲ့နို့ထွက်ပစ္စည်းများစားသုံးသဖြင့် အာဟာရချို့တဲ့သည်ကိုမတွေ့ရပါ။

ဗဟုသုတကြွယ်ဝကြပါစေ။