ရောဂါဗေဒဆရာဝန်ကြီးလား ? တိရိစ္ဆန်ကုဆရာဝန်လား ?

လွန်ခဲ့သောနှစ်များစွာက အောက်မြန်မာပြည် DMR (Department of Medical Research) ရောဂါဗဒ ဌာန (Pathology Research Division ) မှာတာဝန်ကျနေတုန်း ငါးတွေရဲ့ကိုယ်မှာ အကွက်ကွက်နဲ့ရောဂါတွေဖြစ်ပြီးလူတွေ ကြောက်လန့်ပြီး ငါးမစားရဲ ဖြစ်ကြတော့ Director General (DG) ဆရာဝန်ကြီး က ရောဂါဗေဒ ဌာန၊ပိုမွားဗေဒဌာန (Bacteriology) နဲ့ ဗိုင်းရပ်စ် (Virology) က ဌာနခွဲမှုး (Deputy Director) တွေ ကိုခေါ်ပြီး ငါးတွေမှာ လူကိုကူးဆက်မဲ့ ရောဂါတွေ၊ ပိုးတွေ ရှိမရှိစစ်ခိုင်းပါတယ်။ တကယ်က ဒါတွေက တိရိစ္ဆာန်ဆရာဝန်တွေ တတ်သိပြီး၊သူတို့နဲ့ဆိုင်တာလေ။ ဒါပေမဲ့ ကိုယ့်ဆရာကခိုင်းတော့လည်း တတ်သလောက်လုပ်ကြရတာပေါ့။ လူကိုကူးဆက်နိုင်တဲ့  ရောဂါတွေ၊ ပိုးတွေမရှိဘူးဆိုတဲ့အဖြေရတော့ DG ဆီ သွားသတင်းပေးကြပါတယ်။ DG လည်းဝမ်းသာအားရဖြစ်ပြီး သက်ဆိုင်ရာကတဆင့် လူထုကို အန္တရယ်မရှိကြောင်း ငါးတွေကိုစိတ်ချစွာစားသုံးနိုင်ကြောင်း အသိပေးပြီး ကျမတို့ကိုလည်းသူ့အိမ်မှာ ငါးများများနဲ့ချက်ထားတဲ့ မုန့်ဟင်းခါးနဲ့ဇည့်ခံခဲ့ပါတယ်။

ငါးပြဿနာဖြစ်ပြီးတော့ ပထမဦးဆုံးအကြိမ် ကြက်ရောဂါတွေ ဖြစ်ပြန်ပါတယ်။ ဒီတခါလဲ DG က သူ့လက်အောက်က Pathology ,Bacteriology and Virology ဌာနမှုးတွေခေါ်ပြီး စမ်းသပ်ခိုင်းပြန်ပါတယ်။ ငါးပြဿနာလိုပဲ။ စားသုံးသူလူထုအတွက်အန္တရယ်မရှိဘူးဆိုတဲ့အဖြေကို DG ကိုသွားပြောကြပေမဲ့ ဒီတခါတော့ ထင်ထားတဲ့ ကြက်သားဒါန်ပေါက်တော့ မစားရပါဘူး။

နောက်တခါထူးထူးခြားခြားကံထူးတာကတော့ ကျမတစ်ယောက်ထဲပါ။ ပြဿနာက သစ်တောဝန်ကြီးက
ဆင်ဖြူတော်စီမံကိန်းကို Artificial insemination နဲ့လုပ်ချင်ပါတယ်တဲ့၊ အောင်မြင်ရင် ဆင်မွေးမြူရေးလုပ်ပြီးနိုင်ငံခြားကိုရောင်းစားမယ်တဲ့ အဲ့ဒီအတွက် ဆင်ရဲ့ သုတ်ပိုး (sperms) တွေ ကျန်းမာခြင်းရှိမရှိ စစ်ဆေးပေးပါတဲ့။ မြတ်စွာဘုရား ! ကျမအနေနဲ့လူ sperms တွေကိုသာ sterility test အနေနဲ့စစ်ဖူးတာ ဆင်ရဲ့ sperms တော့ စစ်ဖို့နေနေသာသာ စဉ်းတောင်မစဉ်းစားဖူးဘူး။ အင်း ဒါပေမဲ့ သူ့ဆန်စားရဲမှဆိုသလို ခိုင်းလာတော့လည်းလုပ်ရမှာပေါ့။  ဒါပေမဲ့ တိရိစ္ဆာန်ဆရာဝန်ယူလာတဲ့ ဆင်ရဲ့ sperms တွေကို မှန်ဘီးလူးအောက်မှာကြည့်လိုက်တော့ လားလား ! အရွယ်ရော်၊ ပုံသဏ္ဍန်ရော်၊ လှုပ်ရှားမှု့ ရော်အားလုံး လူအတိုင်းဖြစ်နေပါတယ်။ မပြောရင် လူ sperms နဲ့တောင်မခွဲနိုင်ပါဘူး။ ပုံပြင်ထဲက လူမင်းသမီးနဲ့ခြေသ့င်္ ညားပြီး လူမင်းသားမွေးတယ်ဆိုတာတကယ်လား ?

ကံကောင်းထောက်မစွာ အဲ့ဒီတခါပဲ စစ်ဆေးပေးရပြီးနောက်မစစ်ရတော့ပါဘူး။ ဆင်တွေကအလွန်အရှက်အကြောက်ကြီးတယ်တဲ့ လူမြင်ရာမှာဘယ်တော့မှ မဖွယ်မ၇ာမလုပ်ဘူးတဲ့။ ကိုယ်ခန္ဓာကလဲကြီးတော့ Artificial insemination လုပ်လို့မရဘူးတဲ့ ၊ဒါကြောင့် ၀န်ကြီးရဲ့ အကြံကြီးကိုစွန့်လွှတ်လိုက်ကြရတယ်တဲ့။ မမြင်ရတဲ့ ဆင်တွေကို အဝေးကနေ ကျေးဇူးတင်မိပါတယ်။