:include data='blog' name='google-analytics'/>

Friday, June 1, 2012

တို့ဆေး။

ဟိုတလောက visiting card တွေမှာ BURUNDANGA ဆေးသုပ်ထားပြီး၊ အမျိုးသမီးတွေ ဓါတ်ဆီဆိုင်မှာ ဓါတ်ဆီထဲ့နေတုန်းပေးပြီး၊ အဲဒီအမျိုးသမီးဆေးကြောင့် ကား မမောင်းနိုင်တဲ့ အခါနောက်က လိုက်ပြီး ဒုက္ခပေးတတ်ကြောင်းဖတ်လိုက်ရတော့ မြန်မာပြည်မှာခေတ်စားတဲ့ တို့ဆေး ဆိုတာသတိရပြီး BURUNDANGA ဆေးအကြောင်းရှာကြည့်မိပါတယ်။

ရန်ကုန်မှာမကြာခဏဆိုသလို၊ တစိမ်းတစ်ယောက်ကလက်တို့ပြီး၊ ၀တ်ထားတဲ့ လက်ဝတ် လက်စား တွေ၊ ပိုက်ဆံတွေပေးခိုင်းတဲ့အခါ တဘက်လူရဲ့ ပြောစကားကိုမှင်သက်မိပြီး တစ်သွေမသိမ်းလိုက်နာကြပြီး၊ အဲ့ဒီလူထွက်သွားမှပြန်သတိလည်လာတယ်လို့ကြားရပါတယ်။ အထက်လမ်းနည်းလိုလို၊ အောက်လမ်းနည်း လိုလိုနဲ့ ဘာကြောင့်မှန်း သေသေချာချာမသိရလို့၊ ယုံရအခက်၊ မယုံရအခက်ဖြစ်ခဲ့ ပါတယ်။

          လက်စသတ်တော့ သူက ဆုပ်လည်းဆူး၊ စားလည်းရူး ဆိုတဲ့ ပဒိုင်းသီးအပင်ကရတဲ့ scopolamine ဆေးဖြစ်နေပါတယ်။ ဒီဆေးက အလွန်သေးငယ်တဲ့ ပမာဏနဲ့ အကျိုးသက် ရောက်စေတဲ့ ဆေးဖြစ်ပါတယ်။ ဒီဆေးကိုစားလို့၊ သောက်လို့ပဲဖြစ်ဖြစ်၊ အကြောထဲ ပဲထိုးထိုး၊ အရေပြားမှာ စက္ကူနဲ့ပဲကပ်ကပ်၊ မျက်စဉ်းပဲ ခပ်ခပ်၊ နှခေါင်းကပဲရူရူ၊ အစွမ်းပြတဲ့ ဆေးလည်း ဖြစ်ပါတယ်။ သူ့မှာ အရောင်အဆင်း၊ အနံ့ အရသာမရှိပဲ၊ ရေမှာလွယ်ကူစွာပျော်ဝင်လို့ လည်း အစားအစာတွေမှာ အလွယ်တကူဆေးခပ်လို့ရပါတယ်။

          ဒါကြောင့် ဆေးရည်ကိုလက်မှာသုပ်ပြီး၊ နှောက်ယှက်လိုသူရဲ့အသားကိုတို့ပြီး၊ ဒါမှ မဟုတ် ဆေးမှုံကိုမျက်နှာပေါ်မှုတ်ထုတ်ပြီး သူလိုတာခိုင်းခဲ့တာကိုးလို့ သဘော ပေါက် ပါ တော့တယ်။

ရွှေပေလွှာ (Chain letters) ဆိုတဲ့ ယခုရသောစာကို ဘယ်နှစ်စောင်ဝေပါ။ ဘယ်သူ ကဝေလို့ ထီပေါက်သွားတာ၊ ဘယ်လို ကောင်းကျိုးရသွားတာ၊ မဝေလို့ ဘယ်လိုဒုက္ခရောက် သွားတယ်ဆိုတဲ့ စာတွေ ရခဲ့ဖူးမှာပါ။ တကယ်က ရွှေပေလွှာ တွေမဟုတ်ပါဘူး။ အဆိပ် ပေလွှာ တွေပါ။ အဲ့ဒီစာတွေမှာလည်း ဒီဆေးကိုသုပ်လေ့ရှိတယ်လို့ဆိုပါတယ်။
         
၂၀ ရာစုနှစ်အစပိုင်းက ချက်ကိုစလိုဗက်နိုင်ငံတော်လုပ်ကြံမှုတွင် ဖြောင့်ချက်ရအောင် ဖမ်းမိသော သူလျှိုများမှာ ဒီဆေးကိုအသုံးပြုပြီးစစ်ဆေးခဲ့ကြတယ်လို့သိရပါတယ်။

          ၂၀၁၁ နှစ်မှာ ယိုးဒယားနိုင်ငံကို ရောက်လာတဲ့ ကမ္ဘာလှည့်ဧည့်သည်တွေရဲ့ အစာထဲ မှာအဲ့ဒီ ဆေးထဲ့ပြီး ၎င်းတို့ကိုလုယှက်ခဲ့တယ်လို့ဆိုပါတယ်။

          ဒီဆေးက ဥဏှောက်ရဲ့ ကိုယ်ပိုင်ဆန္ဒကိုဖယ်ပြစ်ပြီး၊ တပါးသူပြောသမျှကို ရုပ်သေး ရုပ်လို လိုက်လုပ်စေခြင်းဖြစ်ပါတယ်။ ကိုယ့်ကိုယ်နဲ့သူများဆန္ဒဖြစ်သွားတာပါ။

          ဒီဆေးလွန်ရင်သေဆုံးသည်အထိဖြစ်နိုင်ပါတယ်။ ဒါပေမဲ့ ဒီဆေးမှာကောင်းကျိုး တွေလည်းရှိပါတယ်။ သုံးတဲ့လူပေါ်မူတည်တာပါ။ ဒီဆေးကို-

၁။ ကားမူးတာ၊သင်္ဘော၊လေယဉ်မူးတာတွေမှာသုံးလို့ရပါတယ်။
၂။ ကိုးကိန်း၊နံပတ်၎ ဆွဲတဲ့သူတွေဆေးဖြတ်တဲ့နေရာများမှာလည်းသုံးနိုင်ပါတယ်။
၃။ Aquagenic pruritius ခေါ်ယားနာရောဂါ။
၎။ တံတွေးအဆမတန်ထွက်သော ALS ရောဂါ။
၅။ Depression စိတ်ဓါတ်ကျရောဂါများမှာလည်းအသုံးပြုနိုင်ပါတယ်။

အဲ့ဒီဆေးပင်မျိုး အမျိုးတူ ၅မျိုးရှိပြီး၊ ဥရောပနဲ့ အာရှမှာ ပေါက်ရောက်သော အမြဲစိမ်းလန်း အပင်မျိုး ဖြစ်ပါ တယ်။ အပွင့်တွေက အဖြူ၊ အ၀ါ၊ အညိုရောင်များဖြစ်ပြီး၊အသီးမှာဆူးများပါ ပါတယ်။ အချို့နေရာမှာ အလှစိုက်လေ့ရှိပါတယ်။ Columbia နိုင်ငံမှာတော့ လမ်းပေါ်မှ ဒုစရိုက်သမားများ အသုံးအများဆုံး သော ဆေး ဖြစ်တယ်လို့ဆိုပါတယ်။


ကျမ်းကိုး
http://en.wikipedia.org/wiki/Scopolamine

No comments:

Post a Comment