ကျနော်က ဦးမောင်မောင်ရဲ့အဆုတ်ပါ။

ကျနော်က ဦးမောင်မောင်ရဲ့ ညာဘက်အဆုတ်ပါ။ ကျနော်က ဘယ်ဘက် အဆုတ် ထက်ကြီးတာမို့ အဆုတ်ကိုယ်စားပြောခြင်းဖြစ်ပါတယ်။ ကျနော့်မှာ အပိုင်း(lobe) ၃ပိုင်းရှိပြီး၊ ကျနော့်မိတ်ဆွေ ဘယ်ဘက် အဆုတ်မှာ အပိုင်း၂ ပိုင်းပဲရှိပါတယ်။ ဦးမောင်မောင် ကျနော်တို့ ကိုမြင်ရင် အံ့သြသွားမယ်။ သူက ကျနော် တို့ကို ဟောင်လောင်းပေါက် ဘော်လုံးတွေသူ့ရင်ပတ် ထဲမှာချိတ်ထားတယ်လို့ထင်တာ။ ကျနော်တို့က ဟောင်လောင်းပေါက်မဟုတ်ပါဘူး။ ကျနော် တို့ ကိုဖြတ်ကြည့်ရင် ရာဘာ ရေမြုပ်လိုမျိုး တွေ့ရပါမယ်။ (မြတ်ဘုရားက အဆုတ်ကို မညီမညာ ဖြတ်တောက်ရာရှိသော မုန့်အပိုင်းအစတွေနဲ့ တူတယ်လို့ ဟော တော် မူခဲ့ပါတယ်)

ကျနော်က ပန်းရောင်မဟုတ်ပါဘူး။ ဦးမောင်မောင် ခလေးဘ၀တုန်း ကတော့ ဟုတ် တယ်။ အခုတော့ တစ်သန်းရဲ့လေးပုံတစ်ပုံ စီးကရက်တွေရယ်၊ တစ်ဘီလီရံရဲ့ တစ်ဝက်ခန့် သော ညစ်ညမ်းတဲ့ မြို့လေထုကြောင့် စိတ်ဝင်စားစရာမကောင်းတဲ့ အမည်းစက်တွေနဲ့ မီးခိုး ရောင်ဖြစ်နေပါပြီ။

ဦးမောင်မောင်ရဲ့ရင်ပတ်ထဲမှာ သပ်သပ်စီခွဲခြားထားတဲ့ အလုံပိတ်အခန်း ၃ခန်း ရှိပါ တယ်။ တစ်ခန်းက နှလုံးအတွက်၊ တစ်ခန်းက ကျနော့် အတွက်၊ ကျန်တစ်ခန်း က ကျနော့် မိတ်ဆွေ ဘယ်ဘက် အဆုတ်အတွက်ပါ။ ကျနော်က အခန်းလုံးပြည့် လွတ်လွတ် လပ်လပ် တွဲလောင်းဆွဲနေပါတယ်။ ကျနော့် ကိုယ်အလေးချိန် ၅၀၀ ဂရမ်ရှိပါတယ်။ ကျနော့်မှာ ကြွက်သားတွေမရှိပါဘူး။ ဒါကြောင့် ကြွက်သား အားကိုးပြီး ဘာမှ တက်တက်ကြွကြွ မလုပ်နိုင် ပါဘူး။ ကျနော့်အခန်းထဲမှာ လေဟာနယ် အနည်းငယ်ရှိ ပါတယ်။ ဒါကြောင့် ဦးမောင်မောင်ရဲ့ ရင်ပတ် ပြန့်ကား(expand) သွားရင် ကျနော်လည်းလိုက် ပြန့်ကား ပါတယ်။ ဦးမောင်မောင် အသက်ရှုထုတ်လိုက်ရင် ကျနော် ပျော့ခွေ (collapse) သွားပါ တယ်။ တကယ်က ဆန့်လိုက်၊ ရှုံ့လိုက် လုပ်တဲ့ စက်ပါပဲ (recoil machine)။ တကယ်လို့ ဦးမောင်မောင်ရဲ့ ရင်ပတ် ဒါဏ်ရာ ရပြီး ဖေါက်မိသွားရင် ကျနော့် လေဟာနယ် ပျက်သွားပါတယ်။ အနာကျက်ပြီး လေဟာနယ် ပြန်မဖြစ်မချင်း ကျနော်ပျော့ခွေကျကာ ဘာအလုပ်မှ မလုပ်နိုင် တော့ပါဘူး။

ကျနော့်ကိုအနားကပ်သေသေချာချာကြည့်ပါ။ ဦးမောင်မောင်ရဲ့ ၁၀ စင်တီမီတာရှည်တဲ့

လေပြွန်ဟာ အောက်ပိုင်းမှာ နှစ်ခွဖြစ်သွားပါတယ်။ တစ်ခုကကျနော့်အတွက် ကျန်တစ်ခုက ကျနော့် မိတ်ဆွေ အတွက်။ အဲ့ဒီလေပြွန်က ကျနော့်ကိုယ်ထဲမှာ သစ်ပင်ဇောက်ထိုး ထားသလိုထပ်ပြီး ခွဲသွား တယ်။ အဲ့ဒီ လေပြွန်တွေက လေသယ်တဲ့ လေပိုက်ရိုးရိုးတွေပဲ။ တကယ် အလုပ် လုပ်တာက နောက်ဆုံး သပျက်သီးလို အလွန်သေးငယ်တဲ့ လေအိပ်ကလေးတွေပါ။ သူတို့တွေအားလုံးကိုဖြန့်ခင်း လိုက်မယ်ဆိုရင် တင်းနစ်ကွင်းတစ်ဝက်လောက်ရှိမယ်။

 

          လေအိပ်ကလေးတိုင်းကို ပင့်ကူမျှင်လို သွေးကြောမျှင်လေးတွေနဲ့ ဖုံးအုပ်ထားတယ်။  နှလုံးက မှုတ်ထုတ်လိုက်တဲ့ သွေးတွေ သွေးကြောမျှင်တွေထဲရောက်လာတယ်။ အဲ့ဒီမှာ သွေးဥနီတွေ တစ်လုံးချင်း တန်းဆီပြီး တစ်စက္ကန့်လောက် သွားကြတယ်။ အဲ့ဒီအချိန်မှာ အလွန် ထူးခြားတဲ့ ဖြစ်ပျက်မှုတွေဖြစ်ပွါးတယ်။ လေအိပ်ကလေးတွေရဲ့ အလွန်ပါးလွှာတဲ့ အရေပြား (membrane) ကနေ ကာဘွန်ဒိုင်အောက်ဆိုက် အဆိပ်ဓါတ်တွေ လေအိပ်ထဲစိမ့်ဝင်သွားတယ်။ တချိန်ထဲမှာ သွေးဥနီတွေက လတ်ဆပ်တဲ့ အောက်ဆီချင် ဓါတ်ကိုစုပ်ယူသွားကြတယ်။ ဓါတ်ငွေ့ ဖလှယ်ရာဆိုင် လိုပါပဲ တစ်ဘက်က အပြာရောင်သွေးတွေဝင်လာ ကြပြီး အခြား တစ်ဘက်က ချယ်ရီနီရောင်သွေးတွေပြန်ထွက်သွားကြတယ်။

         

ဦးမောင်မောင်ရဲ့အရေးကြီးတဲ့ အင်္ဂါတွေ အထူးသဖြင့်နှလုံးက အောတို (auto) အလုပ် လုပ်တယ်။ များသောအားဖြင့် ကျနော်တို့လည်း အောတို ပါ။ ဒါပေမဲ့ စိတ်ကြိုက်လည်း လုပ်နိုင် တယ်။ ခလေးဘ၀တုန်းက ဦးမောင်မောင် စိတ်ဆိုးပြီး အသက်မရူပဲအောင့်ထားတဲ့အခါ သူ အပြာရောင် ပြောင်းသွားတယ်။ သူ့အမေက အလွန်အမင်းစိတ်ပူသွားတယ်။ ဒါပေမဲ့ သူ ဒုက္ခ မရောက်ခင် ကျနော်တို့က အောတို အသက်ပြန်ရူတယ်။ သူကြိုက်ကြိုက် မကြိုက်ကြိုက် အသက် ပြန်ရူမှာ။

ကျနော်တို့ရဲ့ အောတို အသက်ရူတဲ့ စင်တာ (auto respiratory centre) က ဥဏှောက်ရဲ့ အောက်၊ ကျော်ရိုးထဲက လာတဲ့ နပ်ကြောမကြီးနဲ့စုံတဲ့ medulla oblongata မှာရှိတယ်။ အလုပ်လုပ်တဲ့ ကြွက်သားတွေက အောက်ဆီဂျင်ကိုမီးရှိုပြစ်ပြီး ကာဘွန်ဒိုင် အောက်ဆိုက် အဖြစ်ပြောင်းလိုက်တယ်။ ကာဘွန်ဒိုင်အောက်ဆိုက်က အက်စစ်သတ္တိရှိတာမို့ သူတို့များ လာတာကို အသက်ရူတဲ့စင်တာက သိတယ်။ စင်တာက သိတာနဲ့ ကျနော့်တို့ကို မြန်မြန် ရှုခိုင်း တော့တာပဲ။ အက်စစ်သတ္တိတွေ ပိုများလာရင် ဥပမာ ဦးမောင်မောင် အားကစား လုပ်တဲ့ အခါ မျိုးမှာ ကျနော့်တို့ကို မြန်မြန်နဲ့ ပြင်းပြင်းရှုခိုင်းတယ်။

          ဦးမောင်မောင် အေးအေးဆေးဆေးလှဲနေတဲ့အခါ တစ်မိနစ်ကို လေ ၉ လီတာပဲ လိုပါ တယ်။ ထိုင်ရင် ၁၈ လီတာ၊ လမ်းလျှောက်ရင် ၂၇၊ ပြေးရင် ၅၆ လီတာလိုပါတယ်။ ဦးမောင်မောင်က စားပွဲ ကုလားထိုင်မှာ ထိုင်အလုပ်လုပ်သူမို့ သူ အောက်ဆီဂျင်သိပ်မလိုပါဘူး။

သာမန်အားဖြင့် သူတစ်မိနစ်ကို ၁၆ ခါ ရှုပါတယ်။ တစ်ခါရူတိုင်း လေ လီတာဝက် ရှုသွင်းပါ တယ်။ အဲ့ဒီလေက ကျနော့်ကို ဖေါင်းရုံဖောင်းစေပါတယ်။ ဒီထက် ၈ ဆ ကျနော်ဖေါင်းနိုင် ပါ တယ်။ အဲ့ဒီလို အများဆုံးဖေါင်းရင်တောင် လေ အားလုံးကျနော့်ဆီမရောက်ပါဘူး။ သုံးပုံ တစ်ပုံက လေပိုက်တွေ ထဲမှာ ပဲ ရှိနေ ပါတယ်။

ကျနော်က အပူပိုင်းဇုံက ဆိုဆွတ်နွေးထွေးတဲ့ လေမျိုး ကြိုက်တယ်။ ဒီလို စပယ်ရှယ် လေမျိုး ရအောင် စင်တီမီတာအနည်းငယ်လေး ထဲမှာ လုပ်ရတာ တော်တော် ပညာသား ပါ တယ်။ ဦးမောင်မောင်ရဲ့ မျက်လုံးကိုစွပ်ဆိုစေတဲ့ မျက်ရည်အိပ်များ၊ အဆိုဓါတ်ထုတ်တဲ့ သူ့နှခေါင်းနဲ့ လည်းချောင်းထဲက ချွဲအိပ်တွေက တစ်နေ့ကို အရည် လီတာဝက်လောက် ထုတ်ပေးခြင်းဖြင့် ကျနော်လိုအပ်တဲ့ ဆိုဆွပ်တဲ့လေ ကိုရစေပါ တယ်။ အဲ့ဒီနေရာတွေမှာရှိတဲ့ သွေးကြောတွေက အေးတဲ့နေ့တွေမှာ ကြုံ့ခြင်း၊ ပူတဲ့နေ့တွေမှာ ချဲ့ခြင်းဖြင့် လေရဲ့ အပူချိန်ကိုထိန်းပေးပါတယ်။

ပတ်ဝန်းကျင်က ကျနော့်ကို ဒုက္ခအတော်များများရောက်စေနိုင်ပါတယ်။ နေ့တိုင် ဦးမောင်မောင် ရူသွင်းတဲ့ လေထဲမှာ ဘက်တီရီးယား ၊ဗိုင်းရပ် စတဲ့ပိုးတွေပါလာပါတယ်။ နှခေါင်းနဲ့ လည်းချောင်းမှာရှိတဲ့ lysosome ခေါ်တဲ့ ဓါတ်တစ်မျိုးက အဲ့ဒီပိုး တော်တော် များ များကိုဖျက်စီးပေးပါတယ်။ ကျန်တဲ့ ကျနော့် ဆီရောက်လာတဲ့ပိုးတွေကိုတော့ ကျနော် တာဝန် ယူနိုင်ပါတယ်။ ကျနော့်မှာ phagocytes ခေါ်တဲ့ ပိုးသတ်တဲ့ ပတ်တရောင် (patrol) တွေရှိပါ တယ်။ သူတို့က ပိုးတွေကိုစားသောက်ပြစ်လိုက်ပါတယ်။

          ညစ်ညမ်းတဲ့လေကတော့ ကျနော့်အတွက် တကယ့်ရန်သူပဲ။ ကျန်တဲ့ အင်္ဂါတွေက အကာ အကွယ် ရှိတယ်။ ကျနော်က ဦးမောင်မောင်ရဲ့ အပြင်မှာ ပတ်ဝန်းကျင်ရဲ့  အန္တရာယ်တွေကြားမှာ။ ကျနော်က နုညံ့တယ်။ နိုင်လွန် တွေကိုတောင် အရည်ပျော်စေတဲ့ nitrogen dioxide lead, sulphur dioxide, benzopyene, တွေရဲ့ ပတ်ဝန်းကျင်မှာနေရတာ။ ကျနော်ရဲ့ လေ သန့်ရှင်းတဲ့အလုပ်က နှခေါင်းက စတယ်။ နှခေါင်းထဲက အမွှေးတွေက အမှိုက်ကြီးတွေကို ဖယ်ပေးတယ်။ နှခေါင်း၊လည်းချောင်းနဲ့ လေပြွန်တွေက ထွက်တဲ့ ဆီးကပ်တဲ့ချွဲတွေက အမှိုက် အသေးတွေကို ခြင်ကပ်တဲ့စက္ကူတွေလို ဖယ်ရှားပေးတယ်။ ဒါပေမဲ့ တကယ့် လေ သန့်ရှင်းရေး ကို cilia လို့ခေါ်တဲ့ မှန်ဘီးလူးအောက်မှာသာ မြင်နိုင်တဲ့ အလွန်သေးငယ်တဲ့ အမွှေးလေးတွေက လုပ်ရတာ။ ကျနော်ရဲ့ လေပြွန်တွေမှာ သူတို့တွေ မီလီယျံ ပေါင်းများစွာ ရှိတယ်။ သူတို့က လေမှာ ယိမ်းနေတဲ့စပါးပင်တွေလို တစ်စက္ကန့်မှာ ၁၂ ကြိမ်လှုပ်ရှားခြင်းဖြင့် အောက်မှာရှိတဲ့ အချွဲတွေနဲ့ အမှုံတွေအမှိုက်တွေကို လည်းချောင်းရောက်အောင် အပေါ်ဘက်ကို တွန်းတင် ပေးတယ်။ လည်းချောင်းကျတော့ သူတို့ကိုမျိုချလိုက်တယ်။ တကယ်လို့ စီးကရက်ငွေ့တွေနဲ့ ညစ်ညမ်းတဲ့လေတွေ cilia တွေပေါ်ရောက်လာရင်သူတို့ရဲ့ လှုပ်ရှားမှုတွေရပ်ကုန်တယ်။ စီးကရက်ငွေ့တွေနဲ့ ညစ်ညမ်းတဲ့ လေတွေ ဆက်လက်ရှိနေရင် cilia တွေပျက်စီးပြီး သေဆုံး ကုန်တယ်။ cilia သေသွားရင်အစားပြန် မရတော့ဘူး။ ဦးမောင်မောင် အနှစ် ၃၀ စီးကရက် သောက်ခဲ့တာမို့ သူ့မှာ cilia တွေ မရှိသလောက်ကိုနည်းကုန်ပြီ။ သူ့ရဲ့ အချွဲထုတ်တဲ့ နေရာက လည်း ၃ဆလောက်ထူလာပြီး ချွဲတွေ မထုတ်နိုင်တော့ဘူး။ ဒါတွေကို ဦးမောင်မောင်လုံးဝ မသိ ဘူး။ တကယ်တော့ သူရေနစ်တော့မှာ။ တကယ်လို့သာ လုံလောက်တဲ့ ချွဲတွေ လေအိပ်တွေထဲ ကိုကျသွားရင် ရေတွေ အဆုတ်ထဲဝင်သလိုပဲ အသက်ရှုရပ်သွားမှာ။ ဒီအန္တရာယ်က ကာကွယ် ပေးနေတာက သူ့ရဲ့ နားငြီးစရာကောင်းတဲ့ဆေးလိပ်သောက်သူတို့ရဲ့ချောင်းဆိုးသံပဲ။ ချောင်းဆိုးခြင်းက အသံတိတ် cilia တွေရဲ့ အလုပ် ကိုဝင်လုပ်ပေးရတာ။ ဦးမောင်မောင်အနေနဲ့ သတိပြု ရမှာက ကျနော်တို့အနေနဲ့ လေသန့်ရှင်းရေး အလုပ်လုပ်ဖို့ ဒီတနည်းပဲရှိတော့တယ် ဆိုတာပဲ။ ဒါကြောင့် ချောင်းဆိုးပျောက်ဆေးတွေ မသောက်ဖို့လိုအပ်တယ်။

          မကြာခဏ ဦးမောင်မောင် အမှိုက်တွေရှုသွင်းတတ်တယ်။ တစ်ချို့အမှိုက်တွေက ကျနော်တို့ရဲ့ လေပြွန်တွေကိုပိတ်ပြစ်တယ်။ တစ်ချို့က ကျနော်တို့ကိုအနာရွတ်ဖြစ်စေတယ်။ ကျနော်တို့ရဲ့နုနယ်တဲ့ လေအိပ်တွေရဲ့နံရံမှာရှိတဲ့ ရှုံနိုင်၊ဆန့်နိုင်တဲ့ သတ္တိ (elasticity) ကို ပျက်စီးစေတယ်။ အဲ့ဒီအခါမျိုးမှာ အသက် ရှုထုတ်လိုက်ပေမဲ့ ကျနော်တို့ ပြားချပ်မသွားဘူး။ ဆိုလိုတာက အသက်ရူသွင်းလို့ ရတယ်။ ဒါပေမဲ့ ရှုထုတ်လို့မရဘူး။ ကာဘွန်ဒိုင်အောက်ဆိုက် တွေ လေအိပ်တွေထဲမှာ ကျန်နေတယ်။ အောက်ဆီဂျင်နဲ့ လဲလှယ်လို့မရဘူး။ အကျိုး (result) ကတော့ emphysema ခေါ်တဲ့ အဆုတ်ဖေါင်းတဲ့ရောဂါဖြစ်တယ်။ ဦးမောင်မောင် မသိပေမဲ့ သူ့ရဲ့ လေအိပ် မီလီယျံပေါင်းများစွာမှာ ဒီအခြေအနေ ဖြစ်နေပြီ။ ဦးမောင်မောင်က စားပွဲမှာ ထိုင်လုပ်ရတဲ့သူမို့ လေ သိပ်မလိုအပ်တာမို့ သူထိုင်နေတဲ့အခါ ဒုက္ခ မပေးပေမဲ့ သူနည်းနည်း လေး လှုပ်ရှားတာနဲ့ အသက်ရှုမ၀ ဖြစ်လာတာ သူသတိထားမိလာတယ်။ အဲ့ဒါကျနော်ရဲ့ သတိပေးချက်ပဲ။ သူ့အနေနဲ့ ကျနော်တို့ကိုနည်းနည်း ဂရုစိုက်သင့်ပြီ။ လေကောင်း လေသန့် ရှုပေးဖို့ လိုတယ်။ အကောင်းဆုံးကတော့ဆေးလိပ်ဖြတ်ဖို့ပဲ။ အဲ့ဒါတွေမလုပ်နိုင်ဘူးဆိုရင် သိပ်ဈေးမကြီးတဲ့ လေသန့်ရှင်းတဲ့စက်တစ်လုံးသူအိပ်ခန်းထဲမှာ ထားရင် အနည်းဆုံး ၈ နာရီ ကျနော်တို့နားရတာပေါ့။ နောက်တစ်လုံး သူ့ရုံခန်းမှာထားရင် နောက်ထပ် ၈ နာရီနားရတာပေါ့။

သူလေ့ကျင့်ခန်း နည်းနည်းနဲ့ အစားအသောက်ဂရုစိုက်ရင်တော်တော်ကောင်းမှာ။ ကိုယ်လက်သွေးပူလေ့ကျင့်ခန်း၊လမ်းလျှေက်ခြင်း၊လှေခါးတက်ခြင်း စတာတွေကအသက်ပြင်း ပြင်း ရှုစေခြင်းဖြင့် လေများများဝင်စေတယ်။ ဒီ့အပြင် ကျနော်တို့ အတွက် အထူး လေ့ကျင့်ခန်းတွေလည်းရှိ တယ်။ များသောအားဖြင့် ဖြေးဖြေးနဲ့ ပြင်းပြင်းရှုတာ ကောင်းတယ်။ လေ များများဝင်ပြီး ဓါတ်ငွေ့ လှဲလှယ် ဖို့အချိန်ပိုရစေတယ်။

ခလေးငယ်တွေနဲ့ အိုပရာသီးချင်းဆိုသူတွေလို ဗိုလ်နဲ့ရှုတာပိုကောင်းတယ်။ ဒီနည်းမှာ ရင်ပတ် ကြီးကျယ်သွားတာမဟုတ်ပဲ၊ diaphragm လို့ခေါ်တဲ့ ရင်ပတ်နဲ့ဗိုလ်ကို ကာထားတဲ့ ခန်းဆီးလို အသားပြား ကြီးကိုအောက်ကိုနှိမ့်ချလိုက်တာ။ ဒါကြောင့် အသက်ရှုတဲ့အခါ ဗိုလ် ဖေါင်းလာတာ (မဟာစည်ဆရာတော် ဘုရားရဲ့ ဖေါင်းတယ်ပိန်တယ်ဆိုတာ ဗိုလ်နဲ့ အသက်ရူတဲ့ နည်းပဲ)။ ဒီနည်းမှာ လေတွေ ကျနော်တို့ရဲ့ အောက်ဆုံးလေအိပ်တွေအထိ ရောက်တယ်။ သူ ဒီနည်းကို လေ့ကျင့်သင့်တယ်။

          ဦးမောင်မောင်အနေနဲ့ နေ့စဉ် အိမ်သန့်ရှင်းရေးလိုမျိုးလုပ်သင့်တယ်။ သူထင်တာက အသက်ရှု ထုတ်လိုက်ရင် ကျနော့်မှာ ဘာမှ မကျန်တော့ဘူးလို့။ အဲ့ဒါ လုံးဝမဟုတ်ဘူး။ သူ့ အနေနဲ့ ပါးစပ်ကနေ လေတွေကို တတ်နိုင်သမျှမှုတ်ထုတ်ရမယ်။ တကယ်လို့ သူ့နှခန်းကို စုထား (purse)  မယ်ဆိုရင် သူ လေ ပိုပြီးမှုတ်ထုတ်နိုင်မယ်။ ဆေးလိပ်သောက်နေတုံး သူ့ ပါးစပ်စုပြီးလေမှုထုတ်ရင်သူအံ့သြပြီးရပ်သွားမှာ။ ဘာလို့လဲဆိုတော့ ဆေးလိပ်ငွေ့တွေ သူ့ ပါးစပ်ထဲက ထွက်လာတာ သူမြင်ရလိမ့်မယ်။ အဲ့ဒီဆေးလိပ်ငွေ့ တွေက သာမာန်အားဖြင့် အဆုတ်ထဲမှာကျန်နေတာ။ 

          ကျန်တဲ့အင်္ဂါတွေက အဆိပ်တွေကို ဖယ်ရှားနိုင်တယ်။ ကျနော်တို့မှာ အဲ့ဒီလို ဖယ်ရှားနိုင်စွမ်း မရှိဘူး။ ဒါကြောင့် အခုခေတ်လေထုညစ်ညမ်းမှုကြောင့် အဆုတ်ရောဂါ တွေကြောက်ခမန်းလိလိ အဖြစ်များလာတာ။

J.D.RADCLIFF ရဲ့ I AM JOE’S BODY ကိုသင့်လျော်အောင်ဘာသာပြန်ပါသည်။