မြန်မာအများစုက အုံးသီးမှာ ပြည့်ဝ အဆီတွေပါလို့ သွေးအဆီများစေတယ် သွေးတိုးရောဂါရှိသူများ အတွက် မကောင်းဘူးလို့ယူဆပါတယ်။ ကျမ ရန်ကုန်မှာဆေးခန်းဖွင့်စဉ်က ကျမရဲ့ သွေးတိုးလူနာတစ်ဦး အလှူမှာ အုံးနို့ခေါက်ဆွဲ စားပြီးတိုင်းသွေးတိုးလို့ဆေးခန်းကိုရောက်လာလေ့ရှိပါတယ်။ ကျမကိုယ်တိုင် လည်း အုံးနို့ခေါက်ဆွဲစားပြီးရင် သွေးတက် လေ့ရှိပါတယ်။ ဒါပေမဲ့ ယိုးဒယားတွေကတော့ ဒီအချက်ကို လက်မခံပါဘူး။ သူတို့ အစာတော်တော်များများမှာ အုံးသီး ပါကြောင်းပြောဆိုပါတယ်။ ယခု အင်တာနက်မှာ ရှာကြည့်တော့ အုံးသီးမှာ ပြည့်ဝ အဆီပါပေမဲ့ အဲ့ဒီအဆီတွေက အရွယ် အားဖြင့် အလတ်စားသာ ရှိကြပါ တယ်။ ကျမတို့ ခန္ဓာကိုယ်က အဆီအသေးနဲ့ အလတ်စားတွေကို အလွယ်တကူခြေဖျက် နိုင်တာမို့ အရွယ်ကြီးမားတဲ့ တိရစ္ဆာန်အဆီတွေလို သွေးအဆီကို မများစေတာကြောင့် နှလုံးရောဂါစတာတွေကို မဖြစ် စေနိုင်ရုံသာမက အဆီဓါတ်ကိုပင်ထိန်းနိုင်၊ကျစေနိုင်တယ်လို့ဆိုပါတယ်။
ဒါဆိုရင် မြန်မာပြည်က အုံးနို့ခေါက်ဆွဲဟာ အုံးနို့ကြောင့်မဟုတ်ပဲ ခေါက်ဆွဲမှာထဲ့တဲ့ ဆိုဒါတွေ ကြောင့်ဖြစ်မယ် ထင်ပါတယ်။ ဆိုဒါဆိုတာလည်း ဆားတစ်မျိုးဖြစ်တာမို့ ကိုယ်တွင်း ဆားဓါတ်ကို များ စေနိုင်ပါတယ်။ ကြားရတာတော့ မြန်မာပြည့်က ၀ိသမာလောဘသားတွေက စားဆိုဒါတောင်မထဲ့ပဲ ဈေးအလွန်ပေါတဲ့ အ၀တ်လျော်ဆိုဒါ တွေသုံးကြ တယ်တဲ့။
အုံးသီးဟာကမ္ဘာပေါ်မှာရှိသမျှအစားအစာတွေထဲမှာ
အာဟာရအရှိဆုံးအစာဖြစ်တဲ့အပြင် ကိုယ်ခန္ဓာကို ကုသ ပေးနိုင်တဲ့အစွမ်းလည်းရှိပါတယ်။
အောက်ပါအချက်များက အုံးသီးစားသင့်ကြောင်း ဖေါ်ပြပါတယ်။
၁။ ဗီတာမင်၊ သတ္ထုဓါတ်တွေနဲ့ antioxidants များစွာပါရှိခြင်း။
ဗီတာမင်၊ သတ္ထုဓါတ်တွေဟာ ကိုယ်ခန္ဓာရဲ့ ကျန်းမာဖို့လိုအပ်တဲ့အပြင် antioxidants တွေက ကိုယ် ရောင်ရမ်းခြင်းနဲ့ စိတ်ပင်ပမ်းမှု့ များကို တိုက်ထုတ်ပေးပါတယ်။
၂။ အမျှင်ဓါတ်များစွာပါရှိခြင်း။ အုံးသီးမှာပါဝင်တဲ့ အမျှင်ဓါတ်တွေဟာ ခြေချက်လို့မရပါဘူး။ ဒါကြောင့် သူတို့ကြောင့် ကိုယ်ခန္ဓာမှာ စွမ်းအင်တွေ မရရှိပဲ ဗိုလ်ပြည့်တဲ့ခံစားမှုကိုဖြစ်စေပြီး၊၀မ်းမှန်စေပါတယ်။
၃။ အုံးသီး၊အထူးသဖြင့် အုံးဆီဟာ အနာများကိုလျှင်မြန်စွာကျက်စေပါတယ်။
၎။ အုံးသီးမှာ သဘာဝ အစာခြေ အင်ဇိုင်း enzymes များပါဝင်တဲ့အတွက် အုံးသီးကိုခြေချက်ရန် ပင်ကရိယ (pancreas) မှအစာခြေရည်များထုတ်ရန်မလိုပဲ ၎င်းဘာသာအစာခြေတဲ့အတွက်အစာလမ်းကြောင်းအတွက် ဆေးသဖွယ်ဖြစ်ပါတယ်။
၅။ အုံးသီးမှာ အဆီ ၃ မျိုးပါဝင်ပါတယ်။ lauric acid, caprylic acid, capric acid တို့ဖြစ်ပါတယ်။ သူတို့က ရောင်ရမ်း ခြင်း အမျိုးမျိုးကို ထိန်းနိုင်တဲ့အတွက် bacteria, virus, fungus ရောဂါပိုးများကို ကာကွယ် နိုင်စွမ်းရှိပါတယ်။
၆။ အုံးသီးဟာကျန်းမာရေးအတွက်ကောင်းမွန်ပါတယ်။ ဘာကြောင့်လည်းဆိုတော့ သူ့မှာအလတ်စား အရွယ် ပြည့်ဝ အဆီတွေပါရှိပါတယ်။ အဲ့ဒီအဆီတွေကို ကိုယ်ခန္ဓာကအလွယ်တကူခြေဖျက်နိုင်ပါတယ်။ အဲ့ဒီအဆီတွေက သွေးထဲမှာ ရှိတဲ့ အဆီဓါတ်ကို ထိန်းခြင်းဖြင့်နှလုံးရောဂါဖြစ်ပွါးမှုကို လျော့နည်းစေ ပါတယ်။ ၎င်းအပြင် အဲ့ဒီအဆီတွေက စားသောက် သမျှအစာတွေကို ကိုယ်ခန္ဓာထဲကို အလွယ်တကူ စုပ်ယူစေခြင်းအားဖြင့်အစာလမ်းကြောင်းနဲ့ တစ်ကိုယ်လုံးရဲ့ ကျန်းမာ ရေးကိုကုသပေးပါတယ်။ အထူးသဖြင့် နာတာရှည်ရောဂါသည်များကိုသက်သာစေပါတယ်။ အစာလမ်းကြောင်းမှာဖြစ်တဲ့ ရင်ပြည့်ခြင်း၊ လေချုပ်ခြင်း၊၀မ်းချုပ်ခြင်း၊၀မ်းလျောခြင်း၊ကြွက်တက်ခြင်းများကိုသက်သာစေပါတယ်။ အဲ့ဒီအဆီတွေက တခြား အဆီတွေလို အသဲနဲ့ ပင်ကရိယ ဆီရောက်စရာမလိုတဲ့အတွက် အခြားဆီတွေလို ကိုယ်ခန္ဓာရဲ့ အဆီအဖြစ်ကို မပြောင်းလဲပါဘူး။ ဆိုလိုတာက အုံးသီအဆီက ကိုယ်အလေးချိန်ကိုမတိုးစေပါဘူး။
ရ။ အုံးရည်မှာ သတ္ထုဓါတ်များစွာပါရှိပါတယ်။ အုံးရည်မှာပိုတက်ဆီရန်များစွာပါဝင်ပြီး၊ မန်ကနီဆီရန် သိပ် မများပါဘူး၊ တခြားသတ္ထုဓါတ်များလည်းများစွာပါတဲ့အတွက် ၀မ်းလျော်ရောဂါသည်များနဲ့ မီးလောင်ခံရ သောလူနာများ၊ အားကစား ကြောင့်ချွေးထွက်များသူများအတွက် အလွန်ကောင်းမွန်ပါတယ်။ အုံးရည်မှာ သဘာဝအချိုဓါတ်ပါရှိတဲ့အတွက် အားကစား သမားများအပါအ၀င် လူတိုင်း၊ အသက်အရွယ်တိုင်းအတွက် စက်ရုံထုတ်အချိုရည်တွေထက်ပိုမိုကောင်းမွန်ပါတယ်။
၈။ အုံးဆီဟာ အပူဒါဏ်ကိုခံနိုင်ပါတယ်။ ၅၀၀ C အထိအပူပေးနိုင်ပါတယ်။ ဒါကြောင့် အကျော်ကျော်ရာ
မှာ၎င်း၊ မုန့်လုပ်ရာတွင်၎င်း အသုံးပြုသင့်ပါတယ်။
၉။ အုံးသီးဟာ ကြွက်သားများတည်ဆောက်ဖို့အတွက်အထောက်အကူပြုတာကြောင့် ပိန်ချုံးချည့်နဲ့သောလူနာများ အတွက်သင့်တော်ပါတယ်။
၁၀။ အုံးနို့ဟာ လည်ချောင်းနာရောဂါနဲ့ အစာအိမ်ရောဂါများကိုသက်သာစေပါတယ်။
၁၁။ အုံးရည်ဟာကျောက်ကပ်ရောဂါသည်များအတွက်ကောင်းမွန်ပါတယ်။
၁၂။ အုံးရည်ဟာ အရေပြားကျန်းမာရေးကိုအထောက်အကူပြုတာကြောင့် ကျောက်ကြီးရောဂါ၊ ရေကျောက်ရောဂါ၊ ၀က်သက်ရောဂါများမှာ အရေပြားပေါ်က အဖုအပိန့်များကို သက်သာစေပါတယ်။
၁၃။ အုံးရည်ကို သံကောင်စသည့်ဝမ်းတွင်းသံများကိုသေစေနိုင်ပါတယ်။
၁၄။ အုံးရည်ဟာ အစာအိမ်နဲ့ဆီးလမ်းကြောင်းပြဿနာများကိုသက်သာစေပါတယ်။
၁၅။ အုံးရည်ဟာ ဆီချိုရောဂါသည်တွေအတွက်သင့်တော်တယ်လို့ဆိုပါတယ်။
၁၆။ လေ့လာချက်များက AIDS ရောဂါသည်တွေရဲ့ ပိုးများကိုလျော့ကျစေတာတွေ့ပါတယ်။
၁၇။ အုံးသီးမှာပါဝင်တဲ့ အိုင်အိုဒင်းဓါတ်က လည်ပင်းကြီးရောဂါကိုကာကွယ်ပေးပါတယ်။
၁၈။ အုံးဆီဟာ အရေပြားနဲ့ ဆံပင်များသန်မာစေသည့်အပြင် အောက်ပါ ရောဂါများကိုလည်း သက်သာစေပါတယ်။
(၁) စိတ်ပူပန်ခြင်း Stress
(၂) နှလုံးရောဂါ Heart Diseases(၃) သွေးအဆီများခြင်း High Cholesterol Levels
(၄) ကိုယ်အလေးချိန်များခြင်း Too Much Weight
(၅) ကျောက်ကပ်ပြဿနာ Kidney Problems
(၆) အစာမကြေခြင်း Poor Digestion
(၇) ဇီဝဖြစ်ပျက်မှုနှေးကွေးခြင်း Low Metabolism
(၈) သွေးတိုးခြင်း High Blood Pressure
(၉) ခုခံအားနည်းခြင်း Low Immunity
(၁၀) သွားပြဿနာများ Dental Problems
(၁၁) အရိုးပါးခြင်း Low Bone Density
(၁၂) ကင်ဆာ Cancer
(၁၃) အိုလွယ်ခြင်း Premature Aging
(၁၄) ပင်ကရိယရောင်ခြင်း Pancreatitis
၁။ ကဆီ ဓါတ် (Carbohydrates ) - 15.23 gm
၂။ သကြားဓါတ် (Sugars) - 6.23 gm
၃။ အမျှင်ဓါတ် (Dietary Fiber) - 9.0 gm
၎။ ပြည့်ဝ အဆီ (Saturated Fat )- 29.70 gm
၅။ တစ်ခုချင်းရှိသော ပြည့်ဝ အဆီ (Monounsaturated Fat ) - 1.43 gm
၆။ အတွဲလိုက်ရှိသော ပြည့်ဝ အဆီ (Polyunsaturated Fat) - 0.37 gm
၇။ အသားဓါတ် Protein - 3.3 gm
၈။ ဗီတာမင် Thiamin (Vitamin B1) - 0.066 mg
၉။ ဗီတာမင် Riboflavin (Vitamin B2) - 0.02 mg
၁၀။ ဗီတာမင် Niacin (Vitamin B3) - 0.54 mg
၁၁။ ဗီတာမင် Pantothenic Acid (Vitamin B5) - 0.300 mg
၁၂။ ဗီတာမင် Vitamin B6 - 0.054 mg
၁၃။ ဗီတာမင် Folate (Vitamin B9) - 26 μg
၁၄။ ဗီတာမင် Vitamin C - 3.3 mg
၁၅။ သတ္ထု ဓါတ် Calcium - 14 mg
၁၆။ သတ္ထု ဓါတ် Iron - 2.43 mg
၁၇။ သတ္ထု ဓါတ် Magnesium - 32 mg
၁၈။ သတ္ထု ဓါတ် Phosphorus - 113 mg
၁၉။ သတ္ထု ဓါတ် Potassium - 356 mg
၂၀။ သတ္ထု ဓါတ် Zinc - 1.1 mg
၂၁။ စွမ်းအင် Energy - 350 kcal (1480 kJ)
၁။ http://lifestyle.iloveindia.com/lounge/benefits-of-coconut-1718.html
၂။ http://www.be-healthy-with-coconuts.com/coconut-nutrition.html
၃။http://scientificlogic.blogspot.fr/2010/05/coconut-or-rice-water-for-diarrhoea.html
No comments:
Post a Comment