ခေတ်သစ်လိမ်နည်း။

 

 

ပါရီမြို့နဲ့ကီလိုမီတာ ၄၀၀ ဝေးတဲ့ မြို့ငယ်လေးမှာ မာရီနဲ့ နစ်ကိုလားတို့ စိုက်ပျိုးမွေးမြူရေးနဲ့ ပျော်ရွှင်စွာနေကြ ပါတယ်။ မာရီနဲ့ နစ်ကိုလားတို့ လက်ထပ်ခဲ့တာ ၁၀ နှစ်ရှိပါပြီ။ မာရီမှာ ယခင် အိမ်ထောင်နှင့်ရသော သမီးငယ် ရှာလော့ ၄ နှစ်လည်းပါလာပါတယ်။ နစ်ကိုလားအနေနဲ့ ရှာလော့ကို မိမိသမီးရင်းကဲ့သို့ ချစ်ပါတယ်။ ရှာလော့ကလည်း ငယ်စဉ် ကပင် နစ်ကိုလားလက်ပေါ်ကြီးပြင်းလာတာမို့ ဖခင်အရင်းကဲ့သို့ ချစ်ခင်ပါတယ်။

တစ်နေ့မှာတော့ နစ်ကိုလားတို့အိမ်ကို ဆိုဖီရောက်လာပါတယ်။ ဆိုဖီက မာရီနဲ့လက်မထပ်ခင်က နစ်ကိုလားနဲ့ အတူနေထိုင်ခဲ့ပါတယ်။ ၅ နှစ်ခန့်အတူနေထိုင်ကြပြီး သဘောချင်းမတိုက်ဆိုင်လို့ လမ်းခွဲခဲ့ ပါတယ်။ ဒါပေမဲ့ ဆိုဖီက နစ်ကိုလားဟာ မိမိနှင့်လည်းဆက်လက်ပေါင်းသင်းခဲ့လို့ သားတစ်ယောက် တောင်ရခဲ့ကြောင်း ထိုသား မှာ ယခုအခါ ၃နှစ်သား ပင်ရှိပြီးဖြစ်ကြောင်း။ သား မွေးပြီးကထဲက နစ်ကိုလာ ခြေလှမ်းပျက်ပြီး မိမိတို့သားအမိဆီမလာတဲ့အပြင် ၎င်းတို့ သားသမီးကိုပစ်ထားခဲ့ကြောင်း ထိုကြောင့်မိမိတို့သားအမိအား ထောက်ပံ့ကြေးပေးရန် တရားဆွဲမည်ဖြစ်ကြောင်း ပြော ဆိုပါတယ်။

         နစ်ကိုလားက မိမိနှင့်မပတ်သက်သည်မှာ ကြာပြီဖြစ်ကြောင်း မာရီနဲ့လက်ထပ်ပြီးကထဲက မတွေ့ကြောင်း ယခုသားမှာလည်းမိမိ၏ သားမဖြစ်ကြောင်းငြင်းဆိုပါတယ်။ ယခုလို သိပ္ပံပညာထွန်းကားသော ခေတ်တွင် မတရား စွပ်ဆွဲ၍မရကြောင်း မိမိ၏သား မဟုတ်ကြောင်း သွေးစစ်မည်ဖြစ်ကြောင်း ပြောဆိုပါ တယ်။ ဆိုဖီကလည်း နစ်ကိုလားရဲ့ သားဖြစ်တာကြေင့် သွေးစစ်ရန်သဘောတူကြောင်းပြောဆိုပါတယ်။

နှစ်ဦးနှစ်ဖက်သဘောတူတာကြောင့် DNA technology ဖြင့် ဖခင်ဟုတ်မဟုတ် စစ်ဆေးရန် ရုံးတော်၏ ဆုံးဖြတ်ချက်ကိုသဘောတူကြပါတယ်။

ဒီနေ့ဟာ အဖြေရမဲ့နေ့ဖြစ်ပါတယ်။ နစ်ကိုလားအနေနဲ့ ဆိုဖီရဲ့မတရားစွပ်ဆွဲမှု ကြောင့် စိတ်အ နှောက် အယှက် ဖြစ်မှုမှကင်းဝေးရတော့မယ်လို့ ၀မ်းသာနေခဲ့ပါတယ်။ ရုံးတော်မှ အဖြေ စာ ရောက် လာပါပြီ။ ဒါပေမဲ့ ထင်ထားတာနဲ့ ဗေါင်ပြန် နစ်ကိုလာ ဟာ သားဖြစ်သူရဲ့ ဖခင်ပါတဲ့။ နစ်ကိုလား မိမိ မျက်စိကိုပင်မယုံနိုင်တော့ပါ။ မိမိ မဖေါက်ပြန်တာမိမိ အသိဆုံးပါ။ ဒါပေမဲ့ ဘာကြောင့် မိမိသားဖြစ်နေရ တာလဲ။ ရုံးကိုသွားရောက်စုံစမ်းတော့လည်း အဖြေမမှားကြောင်း ခါခါစစ်ဆေးထား ကြောင်းသိရပါတယ်။

ဆိုဖီစွပ်ဆွဲတုံးက မာရီမယုံခဲ့သော်လည်း ယခုလို သွေးစစ်ချက်က နစ်ကိုလား ရဲ့သားပါဆိုတော့ ဆိုဖီပြောတာ အမှန်ပဲဖြစ်ရပါမယ်။ မိမိနှင့် ၁၀ နှစ်ပေါင်းသင်းခဲ့ပေမဲ့ နစ်ကိုလာ မိမိအပေါ်သစ္စာ ဖေါက် သည်ကိုတော့ ဘယ်လိုမှ ခွင့်မလွှတ်နိုင်ပါ။ မိမိသမီး ရှာလော့အတွက်လည်းထဲ့စဉ်းစားရပါမယ်။ ၎င်းရဲ့ သမီးရင်းမဟုတ်တဲ့အတွက် သမီး အပေါ်မှာ ရော်သစ္စာရှိပါ့မလား။ အကောင်းဆုံးကတော့ နစ်ကိုလာနဲ့လမ်းခွဲတာအကောင်းဆုံးလို့ ဆုံးဖြတ်လိုက်ပါတယ်။

         နစ်ကိုလာအနေနဲ့လည်း ဘယ်လိုဖြေရှင်းရမှန်းမသိတော့ပါ။ မိမိနဲ့မပတ်သက်ခဲ့တာကြာပြီဆိုတာ မိမိလည်း သိတယ်။ ဆိုဖီလည်းသိပါတယ်။ ဒါပေမဲ့ဘာကြောင့် မိမိရဲ့သားဖြစ်နေရတာလည်း။ နစ်ကိုလာ ရှေးဖြစ်များ ကိုပြန် လည် စဉ်းစားရာက လွန်ခဲ့တဲ့ ၁၃ နှစ်လောက်က အပြင်းအထန်ရောဂါခံစားခဲ့ရတာ သတိရမိပါတယ်။ အဲ့ဒီရောဂါကြောင့်

ဆေးအပြင်းတွေစားသုံးရမည်ဖြစ်ကြောင်း၊ဆေးတွေကပြင်းတာကြောင့်နောက်ပိုင်းမှာမြုံသွားနိုင်တာကြောင့် ၎င်းရဲ့ ယောက်ျားမျိုး (sperm) များကိုထုတ်သိမ်းထားရန် ဆရာဝန်မှအကြံပေးသဖြင့် ၎င်း၏ ယောက်ျားမျိုး များကို ဆေးရုံမှာ သိမ်းခဲ့တာအမှတ်ရမိပါတော့တယ်။ အဲ့ဒီအချိန်က ဆိုဖီနဲ့အတူနေထိုင်နေတာမို့ ဆိုဖီ လည်းဒီအကြောင်းတွေသိပါတယ်။

နစ်ကိုလာ လည်း ဆေးရုံသို့သွားပြီး မိမိရဲ့ ယောက်ျားမျိုးများကိုမည်သူတောင်းယူခဲ့ကြောင်းစုံစမ်းရာ မိမိ လက်မှတ် အတုထိုးပြီး ဆိုဖီယူခဲ့ကြောင်းသိရပါတယ်။ ယောက်ျားမျိုးများကိုတောင်းယူတဲ့ form တွင် ထိုးထားသော လက်မှတ်တုနဲ့ ဆိုဖီရဲ့ လက်ရေးတို့ တူကြောင်း လက်ရေး expert ရဲ့မှတ်ချက်၊ဆေးရုံမှ ဆိုဖီ ယောက်ျားမျိုးများကို လာယူတာ မှတ်မိ တာကြောင့် ဆိုဖီကိုယ်တိုင် နစ်ကိုလာရဲ့ ယောက်ျားမျိုးများခိုးယူပြီး သားမွေးခဲ့တာပေါ်ခဲ့ပါတယ်။

နစ်ကိုလာနဲ့မာရီတို့မိသားစုလည်းပြန်လည်းပေါင်းသင်းပြီး ယခင်က အတိုင်း ပျော်ရွှင်စွာ နေထိုင်ကြပါတယ်။ ဆိုဖီကတော့လိမ်လည်မှု၊ ယောက်ျားမျိုးများခိုးယူမှုနဲ့ရုံမှာတရားဆွဲခံရပါမယ်။

 
     ဘယ်လောက်ဉာဏ်ကောင်းတယ်၊ပိပိရိရိလိမ်ညာနိုင်တယ်ထင်ပေမဲ့ အမှန်တရားကို ဘယ်လိုမှ
ဖုံးကွယ်လို့မရပါဘူး။

ကျမ်းကိုး
ပြင်သစ် TV မှထုတ်လွှင့်သော တကယ့်ဖြစ်ရပ်များမှ ဇတ်လမ်းတစ်ခုအား သင့်လျော်အောင် ဘာသာပြန် ပါသည်။