ခေတ်သစ်မသိုးထမင်း၊မသိုးဟင်းဝယ်သိမ်းကြမလား ?

 

 

 

ကျမတို့ငယ်ငယ်တုန်ုးကနားထောင်ခဲ့ရတဲ့ပုံပြင်တွေမှာ ခရီးဝေးသွားတဲ့အခါ မသိုးထမင်း၊ မသိုးဟင်း သယ်ဆောင်ပြီး ခရီးထွက်ကြတာနားထောင်ခဲ့ရပါတယ်။ အဲ့ဒီအချိန်တုန်းက စက်ပစ္စည်းတွေ မတည်ထွင်နိုင် သေးတဲ့အတွက် ခရီးမတွင်တဲ့ နွားလှည်တွေ၊ရွက်လှေတွေနဲ့သွားကြရပြီး၊ ကမ္ဘာပေါ်မှာ လည်း လူဦးရေ မများသေးတာကြောင့် လမ်းခရီးမှာ စားစရာ ရောင်းမဲ့ သူဝေးလို့ လူသူတစ်ယောက်မှ တောင်မတွေ့နိုင်တာကြောင့် လမ်းမှာစားဖို့ မသိုးထမင်း၊ မသိုးဟင်းတွေ သယ်ဆောင် သွားကြရတယ်လို့မှတ်သား ရ ပါတယ်။

မသိုးထမင်းဆိုတာက ထမင်းကိုနေရောင်မှာခြောက်အောင်လှမ်းထားပြီး ရေနဲ့စိမ်လိုက်တဲ့အခါ ထမင်းပြန်ဖြစ်သွားပါတယ်။ ဟင်းဆိုတာကတော့ ငါး၊အသားတွေကိုဆားနဲ့နယ်ပြီး အခြောက်ခံထားတာပါ။ စားချင်တဲ့အခါ ဖုတ်၍ဖြစ်စေ၊ဟင်းချက်၍ဖြစ်စေ စားကြပါတယ်။

         ယခုလို စက်ပစ္စည်းတွေပေါ်များတဲ့အခါမှာ ကမ္ဘာ့တောင်စွန်းကမြောက်စွန်းကို နာရီပိုင်းအတွင်း ရောက်နိုင်ခြင်း၊ နေရာတကာ ဥပမာ ကောင်ကင်မှာပျံနေတဲ့ လေယဉ်တွေ၊ ပင်လယ်ထဲသွားနေတဲ့ သင်္ဘောတွေထဲမှာတောင် စားစရာ မျိုးစုံရနိုင် တာကြောင့် ရှေးတုန်းကလို မသိုးထမင်း၊ မသိုးဟင်း သယ်ဆောင်ပြီးခရီးထွက်စရာမလိုလို့ မသိုးထမင်း၊ မသိုးဟင်းဟာ ယခုခေတ်အတွက် မလိုအပ်တော့ဘူးလို့ထင်ခဲ့ပါတယ်။

         ဒါပေမဲ့ အံ့သြစရာ ခေတ်သစ် မသိုးထမင်း၊ မသိုးဟင်းတွေ ပေါ်ပေါက်လာပြီးခေတ်စားလာတာတွေ့ရပါတယ်။ ခေတ်သစ် မသိုးထမင်း၊ မသိုးဟင်းတွေက lyophilization ခေါ်တဲ့ အအေးခံခြင်းဖြင့် အစား အစာတွေမှာရှိတဲ့ ရေကို ခြောက်စေတာဖြစ်ပါတယ်။ အသီးအနှံတွေကစပြီး ချက်ပြုတ်ပြီး သားဟင်းလျှာ တွေ အထိရှိပါတယ်။ အသီးအနှံတွေကို အခြောက်အတိုင်းစားနိုင်သလို၊ရေစိမ်ပြီးလည်းစားနိုင်ပါတယ်။ ဟင်းတွေကတော့ ရေရောလိုက်ရင်ချက်ပြီးသားဟင်း အဖြစ်သုံးဆောင်နိုင်ပါတယ်။ lyophilization နည်းနဲ့ပြုလုပ်ထားတဲ့အစားအစာတွေမှာ conservative ခေါ်တဲ့ အစာတွေ ကြာကြာခံအောင် ဓါတုပစ္စည်း တွေ မထဲ့ထားတဲ့အပြင်၊ အအေးခံတဲ့နည်းဖြစ်လို့ အစားအစာမှာပါတဲ့ ဗီတာမင်လို့ ပျက်ဆီးလွယ်တဲ့ အာဟာရ ဓါတ်တွေလည်း မပျက်မစီးပဲကျန်နေတဲ့အတွက် ကျန်းမာရေးအတွက်လည်း ကောင်းမွန် တယ်လို့ဆိုပါ တယ်။ သာမန် အသင့်စားလို့ရတဲ့ ဟင်းလျှာတွေ (ready made dishes) တွေထက် အထားခံနိုင်လို့

စားသုံးနိုင်တဲ့ သက်တမ်း (Expire date ) ကို ၂၅ နှစ်အထိပေးတယ်လို့ဆိုပါတယ်။ ready made dishes တွေထက်ဈေးအနည်းငယ်ကြီးသော်လည်း၊ ယခုရာစုနှစ်များမှာ မကြာခဏဖြစ်ပွါးတဲ့ သဘာဝ ဘေးများနှင့် ကမ္ဘာတစ်ဝှမ်း တွေ့ကြုံ နေရတဲ့ စီးပွါးရေးကျဆင်းမှုများကြောင့် အချို့မိသားစုများ တစ်နေ့ အလုပ် ပြုပ်ရင်၊(၀ါ) သဘာဝဘေးအန္တရာယ် နဲ့ကြုံတွေ့ရင် အငတ်ဘေးမတွေ့ရအောင်ဆိုတဲ့ ရည်ရွယ်ချက် နဲ့ ၀ယ်ယူ စုဆောင်းကြတာကြောင့် ယခုအခါ အရောင်း ၄ ဆ ခန့်တိုးတက်ခဲ့တယ်လို့ဆိုပါတယ်။

Lyophilization နည်းဟာ ဒုတိယကမ္ဘာစစ်မှာစတင်ပေါ်ပေါက်လာပါတယ်။ စစ်အတွင်း ဒါဏ်ရာ ရသူများအား ကုသရန် သွေးများအမေရိကန်မှ ဥရောပသို့ပို့ရာ ရေခဲသေတ္တာနှင့် အအေးခန်းသယ်ဆောင်မှု (cold chain) များမပြုလုပ်နိုင်သဖြင့် သွေးများပျက်စီးရာမှစတင်ပေါ်ပေါက်လာပါတယ်။ နောက်ပိုင်းမှာ ပင်နစလင်ဆေးများ (penicillin)၊ အရိုးများကို သယ်ဆောင်ရန်အသုံးပြုခဲ့ကြပါတယ်။ ယခုနောက်ပိုင်း မှာတော့ အအေးခန်း မလိုသော နည်းအဖြစ် ဇီဝပစ္စည်းများ သိမ်းဆည်း၊သယ်ဆောင်ရန်၊ကာကွယ်ဆေးများ (vaccine)၊ အရေပြားတုပြုလုပ်ခြင်း၊ ကြွေထည်မြေထည်ပြုလုပ်ခြင်း၊ ရေဆိုပျက်စီးသွားသောအရေးကြီး သည့်စာရွက်စာတမ်းပြန် လည်ပြုပြင်ခြင်း၊ စသည်များမှာပါအသုံးပြုကြပါတယ်။

 

ကျမ်းကိုး
http://en.wikipedia.org/wiki/Freeze-drying