လူ့ဗိုက်ကို ပိတ်စလို သဘောထားသူများ။

    အူအတက်ရောင်ရောဂါကို ကြားဖူးတဲ့သူ များပါတယ်။ ဒါပေမဲ့ အသေးစိတ် သိသူတော့ နည်းမယ်ထင်ပါတယ်။ လွန်ခဲ့တဲ့ နှစ်ဦးပိုင်က ရန်ကုန်ပြန်လည်စဉ် ဂျာနယ်ထဲမှာ အူအတက် ရောင်တဲ့ လူငယ်တစ်ယောက် ခွဲစိပ်ကုသရာက သေဆုံးသွားတဲ့အတွက် ဂျာနယ်မှာ မိသားစုနဲ့ ဆရာဝန်တို့ အပြန်အလှန်ရေးကြတာ ဖတ်ရလို့ ဒီဆောင်းပါးလေးကိုရေးဖို့ ဆုံးဖြတ်မိတာပါ။

    အူအတက်ရောင်တဲ့ ရောဂါဟာ ပျမ်းမျှအားဖြင့် လူတစ်ထောင်မှာ ၁.၄ ယောက်သာ ဖြစ်ပါ တယ်။ ၁၅-၂၄ နှစ်မှာ အများဆုံး ဖြစ်ပါတယ်။ (အချို့သော မြန်မာ ခွဲစိပ်ဆရာဝန်များက အူအတက် ရောင်ရင် သေနိုင်တယ်လို့ ချိန်းခြောက်ပြီး၊ ဗိုလ်ခွဲခ ပိုက်ဆံရအောင်၊ အူအတက် အကောင်း တွေကို ခွဲစိပ်ကြခြင်း၊ မှဲ့များ၊ အမျိုးသမီးတွေရဲ့သားအိမ်ကိုလည်း ခလေးမယူတော့ ဘူး ဆိုရင် ကင်ဆာဖြစ်နိုင်တယ်လို့ ချိန်းခြောက်ပြီး၊ လူ့ဗိုက်ကို ပိတ်စလို သဘောထားပြီး ခွဲ နေကြတယ်ဆိုတဲ့ အကြောင်းဝမ်းနည်း ဖွယ်ရာကြားသိရပါတယ်။

   အဲ့ဒီလို ခွဲတဲ့အတွက် မလိုအပ်ပဲ လူနာဟာ မေ့ဆေးရဲ့ အန္တရာယ် ကိုခံရပါတယ်။ မေ့ဆေးပေး ခံရတဲ့ သူတွေ မေ့ဆေးကြောင့် မလိုအပ်တဲ့ ဆိုးကျိုးတွေအပြင် အခန့်မသင့်ရင် သေနိုင်ပါတယ်။ ဒါကြောင့် ခွဲစိပ်ခံရမဲ့သူတိုင်းကို မခွဲခင်၊ ခွဲစိပ်ဖို့သဘောတူတယ်ဆိုတဲ့ အကြောင်း လက်မှတ်ထိုး ခိုင်းတာ ပါ)။ အခြားသော ရောဂါကြောင့် ဗိုက်ဖွင့်ရလို့ တလက်စထဲ အူအတက် အကောင်းကို ခွဲထုတ်တာ မျိုးကို မဆိုလိုပါဘူး။ ဒါတောင်မှ လူနာဟာ မေ့ဆေး အကြာကြီး အပေး ခံရလို့ ရှိနေတဲ့ ရောဂါ ပိုဆိုးနိုင်တယ်ဆိုရင် မလုပ်သင့်ပါဘူး)။

   လူနာကိုကုသတဲ့ အခါ မှာ လူနာရရှိမဲ့ အကျိုး (Benefits) နဲ့ ဆိုးကျိုး(side effects) တွေကို အမြဲ ချိန်ရပါတယ်။  အကျိုးများမဲ့ ကုသမှုကို သာ ပြုရပါတယ်။ လူနာရဲ့ အသက်ရှင်ရေး (life and death) အတွက် ဆိုရင်တော့ ဆိုးကျိုး (side effects) တွေရှိပေမယ့် ကုသရပါတယ်။ တလက်စထဲ ဆရာဝန်လုပ်နေသူတွေရော  ဆရာဝန်လုပ်စားဖို့ ရည်ရွယ်တဲ့သူတွေကော  သတိပေးချင်တာက သူဌေး ဖြစ်ချင်ရင် ဆရာဝန်အလုပ် မရွေးချယ်ပါနဲ့ ဆိုတာပါပဲ။ လူနာ အပေါ် စိတ်ကောင်းထားပြီး ဆရာဝန် လုပ်သူအနေနဲ့ သူဌေးမဖြစ်နိုင်ပါဘူး။ ဖြစ်အောင် လုပ်ရင်တော့ အ၀ီစိ ရောက်ဖို့ပဲ ရှိပါတယ်)။ သူဌေးဖြစ်ချင်ရင် စီးပွါးရေးလုပ်ပါလို့ အကြံပေး ချင်ပါတယ်။

    အူအတက်ရောင်ရောဂါဆိုတဲ့အတိုင်း အူအတက်ခေါ်တဲ့ အူမကြီးရဲ့ အတက်ကလေးလို ဖြစ် နေတဲ့ အူအသေးလေးရဲ့ အခေါင်းလေးပိတ်သွားပြီး၊ အူထဲကပိုးတွေကြောင့် အူရောင် လာခြင်း၊ အူနံရံပေါက်ခြင်းတို့ကြောင့်သေဆုံးတဲ့ အထိ ဖြစ်စေတဲ့ ရောဂါ ဖြစ်ပါတယ်။ အဲ့ဒီ အခြေအနေ အထိ မရောက်အောင် လိုအပ်တဲ့ အချိန်မှာခွဲစိပ်ကုသနိုင်အောင်လို့ ဆေးကျောင်းသားဘ၀မှာ အစဆုံး သင်ရတဲ့ ရောဂါ ဖြစ်ပါတယ်။ ဒီရောဂါဟာ ဆရာဝန် တစ်ယောက်အတွက် အလွန် အရေးကြီးတဲ့ ရောဂါဖြစ် တာကြောင့် ဒီရောဂါအကြောင်း ဂဃနဏ မသိတဲ့ ဆေးကျောင်းသား စာမေးပွဲ ကျပါတယ်။

အူအတက် ပိတ်စေတဲ့ အကြောင်းတွေကတော့ အူထဲမှာရှိတဲ့ သံကောင်များ၊ ဇီးစေ့ကဲ့သို့သောအစာအိမ်က မချက်နိုင်တဲ့ မာကျော်သောအစာများ၊ (ကျမငယ်ငယ်က မေမေက အူအတက် ရောင် ဖြစ်မှာစိုးလို့ ဇီးသီးစားရင် ဇီးစေ့ မျိုမချရဘူးတဲ့။ စပ်စုတဲ့ကျမက ဘာကြောင့်လဲလို့ မေးတဲ့ အခါ။ မေမေက အူအတက် ရောင်တာ ရှင်းပြလို့ နားလည်မှာ မထင်လို့။ ဗိုလ်ထဲမှာ ဇီးပင် ပေါက်မှာစိုးလို့ လို့ပြောခဲ့ပါတယ်။

    ဒါပေမဲ့ ဇီးသီးကြိုက်တဲ့ ကျမကတော့ အဲ့ဒီအချိန်က စပြီး ဇီးသီးစေ့တွေကို မျိုမျို ချပါတယ်။ ကျမတွေးတာက ဗိုလ်ထဲမှာ ဇီးပင်ပေါက်ရင် ပါးစပ်က ဇီးသီးတွေ အရံသင့် ခူးစားရုံပဲဆိုပြီး မျိုချခဲ့တာပါ။ ခလေးအတွေးနဲ့ လူကြီးအတွေး မတူတာ တခါတရံ ဆန့်ကျင်ဘက်ဖြစ်တတ်တာကို သတိထားပြီး ခလေးတွေ နားလည်အောင် အမှန် အတိုင်းရှင်းပြသင့်ပါတယ်။ ကံကောင်းထောက်မစွာ ကျမ အူအတက်ရောင်ရောဂါ မရခဲ့ပါဘူး)။

မွေးရာပါ အချို့လူတွေရဲ့ အူအတက်က အူမကြီးနောက်မှာ ခေါက်နေတာမျိုး၊ အူအတက် အခေါင်းက သာမန်ထက် ပိုသေးတာမျိုး၊ ၀မ်းချုပ်တက် သူများမှာ မာကျော်သော ဆမြင်းတုံး များကြောင့် အူအတက်ပိတ်တာမျိုး ဖြစ်တတ်ပါတယ်။

အူအတက်ရောင်ရောဂါလက္ခဏာများ။
     သေချာတဲ့ လက္ခဏာ (Typical symptoms ) တွေကတော့ ရုပ်တရက် ညာဘက်ဗိုလ် အောက်ပိုင်း နာခြင်း၊ လေမလည်ခြင်း၊ အဖျား အနည်း ငယ်ရှိခြင်း၊ ပျို့အံ့ခြင်း။ ဗိုက်အနားက ကိုင်လျှင် ပိုနာခြင်း၊ (လေနာက ဗိုလ်ကိုဖိရင်သက်သာပါတယ်) တို့ဖြစ်ပါတယ်။ ဒါပေမဲ့ များသောအားဖြင့် Typical symptoms တွေ မပြတတ်ပါဘူး။ ကျမ မေမေ အသက် ၆၀လောက်က အူအတက်ရောင်ပါတယ်။ မနက်ကအကောင်း ကျမ အလုပ်သွားနေစဉ် နေ့ခင်းလောက်မှ ဗိုလ်ကနာလာလို့ အိမ်နားကဆေးခန်းသွားပြတော့ ရိုးရိုးလေနာတာထင်ပြီး အနာ သက်သာဆေး ထိုးပေးလိုက်ပါတယ်။ ကျမညနေ အိမ်ပြန်ရောက်လို့ စမ်းကြည့်လိုက်တော့ အူအတက်ရောင်မှန်းသိလိုက်ပါတယ်။ ဒါနဲ့ ချက်ချင်း ခွဲစိပ်ဆရာဝန် ဆီခေါ်သွားပါတယ်။

   ခွဲစိပ်ဆရာဝန် စမ်းကြည့်တော့လည်း အူအတက်ရောင်တယ်ဆိုတာ ထောက်ခံပါတယ်။ ဒါပေမဲ့ အူအတက် ရောင်တာ တော်တော် ကြာသွားတဲ့ အတွက် အူအတက်ရဲ့ နံရံကိုဖေါက်သွားပြီး ဆိုတဲ့ လက္ခဏာ(အူအတက်ကို အလုံးအနေနဲ့ စမ်းမိခြင်း) ကိုတွေ့ရတဲ့ အတွက် ကိုယ်ခန္ဓာက
သူ့ဘာသာ ကုသနေပြီး။ ခွဲစိပ်ဖို့ မသင့်ဘူး။ အရောင်သက်သာအောင်နဲ့ ပိုးတွေ မပွါးရအောင် ပိုးသတ်ဆေးပေးခြင်း၊ အူထဲကိုအစာတွေ မရောက်အောင် အစား မစားစေခြင်းနဲ့ လူနာရဲ့ အခြေအနေကို ဂရုစိုက်စောင့်ကြည့်ရမှာဖြစ်ပါတယ်။

    အဲ့ဒီလိုကုသခဲ့တဲ့ အတွက် မေမေ အသက် ချမ်းသာရာ ရခဲ့ပါတယ်။ တကယ်လို့ အလုံးမစမ်းမိပဲ ခွဲစိပ်မိတယ်ဆိုရင်တောင် အူအတက်ကို မထိမကိုင်ပဲ ဗိုက်ပြန်ပိတ်ရမှာပါ။ Masterly inactivity (ကိုယ့်လက်ကို ချုပ်ထိမ်းပြီး ဗိုက်ပြန်ပိတ်ပါ ဆိုတဲ့ အကြောင်းကို သေသေချာချာ သင်ခဲ့ရပါတယ်)။ ဒါကြောင့် အူအတက်ရောင်တိုင်း ခွဲရမှာမဟုတ်ပါဘူး။ ခွဲသင့်တဲ့အချိန်မှ ခွဲရမှာပါ။ ယခုအခါ ဗိုလ် CT scan နဲ့ အူအတက်ရောင်ခြင်း (appendicitis)ကို ၉၅% အထိ (sensitivity & specificity) တိကျစွာ တွေ့နိုင်တဲ့ အတွက် ပြင်သစ်ကဲ့သို့သော တိုးတက် သည့်နိုင်ငံများတွင် ခွဲစိပ် ကုသ ခြင်းထက် ပိုးသတ်ဆေး များဖြင့် ကုသခြင်းဖြင့်သာ ကုသကြတဲ့ အတွက် ခွဲစိပ်ကုသမှု ၇၀% အထိ လျော့ကျ သွား တယ် လို့ဆိုပါတယ်။

ဆရာဝန်များ စောင့်ထိမ်းရမည့်ကျင့်ဝတ်များ ( medical ethics) ကိုစောင့်ထိမ်းနိုင်ကြပါစေ။

ကျမ်းကိုး
၁။ http://www.ncbi.nlm.nih.gov/]http://www.ncbi.nlm.nih.gov/
၂။ ပြင်သစ် television channel 2 နံနက်ပိုင်းသတင်း။Tele matin/ sante/