တစ်နေ့တစ်မျိုးမရိုးရတဲ့ ကျမဘ၀

တစ်နေ့နေ့လယ် ရဲမှုး တစ်ဦးကျမတာဝန်ကျရာစပ်စံထွန်းဆေးရုံ အရေးပေါ်ဌာနကိုရောက်လာပါတယ်။ ဒီတခါ သူနဲ့အတူထမ်းစင်ပါမလာလို့ ၀မ်းသာမယ်ကြံကာရှိသေးတယ်။ သူက အလောင်းယူလာဖို့ မလွယ်လို့ သူနဲ့တောထဲကိုလိုက်ခဲ့ဖို့ပြောပါတယ်။ ဘယ်တတ်နိုင်မလဲ သူ့ဆံစားရဲရမှာပေါ့၊ လူနာရှင်းတုန်း လိုက်သွားပါတယ်။ တောလမ်းဘေးမှာအလောင်းတစ်လောင်းတွေ့လို့ ကျမကိုလာခေါ်တာပါ။ ဆရာမလေးက တစ်ယောက်ထဲလိုက်သွားမှာစိတ်မချပုံရပါတယ်။ ဒါပေမဲ့ အရေးပေါ်မှာ ကျမနဲ့ဆရာမပဲရှိတာ ၊ဆရာမကိုခေါ်သွားလို့လဲမဖြစ် လူနာလာရင်ဒုက္ခ။ တစ်ယောက်ထဲဖြစ်မှာကိုယ်ကသာစိတ်ပူနေတာ တကယ်က အဖေါ်က ၄-၅ ယောက်တောင်ရှိတယ်။ သူတို့က မိသားစုထဲက တစ်ယောက်ယောက်ပျောက်နေလို့ အလောင်းကို လိုက်ကြည့်ကြတာ။ အလောင်းက တောလမ်းလေးဘေးခြံပုပ်နားမှာပါ၊ အဝေးကနေ အပုပ်နဲ့ကထောင်းနေပါတယ်။ ဒီအပုပ်နံကြောင့် အလောင်းကိုလမ်းသွားတွေတွေ့သွားတာပါ။ အလောင်းနား ရောက်တော့ အလောင်းပေါ်မှာနားနေတဲ့ ခြင်မည်းတွေထပျံကြတာ ကြောက်စရာတောင်ကောင်းတယ်။ အလောင်းက တစ်ပတ်နီးပါးလောက်ရှိပါပြီး တစ်ကိုယ်လုံးဖေါင်ပြွ့ပီး ၊ အရေပြားကလဲ ညိုမဲနေတာ နဂိုအသားရောင်က ဖြူသလားမည်းသလားမသိနိုင်တော့ပါဘူး။ ပိုဆိုးတာက အလောင်းမှာခေါင်းရော၊ လိင်အင်္ဂါတွေပါ ဖြတ်ထားပါတယ်။ အတူလိုက်ပါလာတဲ့ သူတွေလဲ သူတို့အမျိုးလားဆိုတာတောင်မသိနိုင်တော့ပါဘူး။ တောင်ကြီးမှာက လှိုတွေဂျောက်တွေများတာကြောင့် ခေါင်းတွေ၊လိင်အင်္ဂါတွေကို့ ဖြတ်ပြီး လှိုတွေဂျောက်တွေထဲပြစ်လိုက်ပြီး အခုလို အလောင်းကိုအစဖြောက်တယ်လို့ပြောပါတယ်။
ပါရမီရှိတဲ့သူဆိုရင် တစ်ထိုင်ထဲနဲ့ တရားရ ရမှာ။ ကျမတော့ အလောင်းဖြင်တုန်းခဏပဲ သ့ဝေဂရပြီး ပြီးသွာတာပဲ၊တစ်ခုတော့ရှိတယ်။ သံအင်းဂူမှာ အသုဘဘာဝနာရု့တုန်းက တော့ ပြောသမျှ အသုဘ အလောင်းပုံတွေကတော့ ဓါတ်ပုံကြည့်ရသလို ပေါ်ပေါ်လာတယ်။ အဆိုးထဲက အမြတ်လို့ပဲဆိုရမယ်ထင်ပါတယ်။ 

ဆရာဝန် ဆရာမတွေလဲ ပုထုဇဉ်တွေမို့

၁၉၇၇ လောက်က တောင်ကြီးမှာ Physician Conference လုပ်ပါတယ်၊ အဲ့ဒီမှာ ဘိန်း ( N0 3) ကနေ N0 4 ဖြစ်အောင် သန့်စင်ပြုလုပ်ပုံ၊ N0 5 , N0 6 အထိသန့်စင်နိုင်ကြောင်း။ သို့သော် သန့်စင်အောင်လုပ်ြခင်း ကြောင့်ဆေးရဲ့ အာနိသင် သိပ်မတိုးတက်သော်လည်း ကုန်ကျစရိတ်ကအလွန်များတဲ့အတွက် N0 4 အထိသာပြုလုပ်ကြကြောင်း ။ ဘိန်း ကနေ N0 4 ပြောင်းတဲ့ အခါမှာတော့ အာနိသင်တွေ အလွန်ပြောင်းသွားကြောင်း ဘိန်းက ယောကျာ်းများမှာသာ Euphoria ခေါ် သာယာစရာ ခံစားမှူတွေပေးပြီး အမျိုးသမီးတွေမှာတော့ Euphoria မရတာမို့ မိန်းမဘိန်းသမားရှားကြောင်း၊ ဘိန်းဆွဲသူများအနေနဲ့ဆေးဖြတ်လွယ်ကြောင်းစိတ်ကြံ့ခိုင်သူများဆေးမဆွဲကြောင်း၊ N0 4 ကတော့ အမျိုးသမီးရောအမျိုးသားပါ  Euphoria ရတာကြောင့် အမျိုးသမီးပါဆေးဆွဲကြကြောင်း၊ N0 4 မှာစိတ်ဓိတ်ဘယ်လောက်ခိုင်ခိုင် ၂ ခါ ၃ ခါ လောက်နဲ့ဆေးဆွဲနိုင်ကြောင်းရှင်းပြပြီး N0 3, N0 4, N0 5, N0 6 တို့ကိုပလပ်စတစ်အိပ်များဖြင့်ထုပ်ထားပြီး ပရိတ်သတ်အတွင်းလက်ဆင့်ကမ်း၍ ကြည့်စေပါတယ်။ ဒါပေမဲ့ အဲ့ဒီ sample ဆေးတွေ ပရတ်သပ်ထဲမှာတွင်ပျောက်သွားပါတယ်။
စပ်စံထွန်းဆေးရုံမှာလည်း မီးတ၀က်တပြက်မီးလောင်ထားတဲ့ ဆိုဖါတစ်ခုရှိပါတယ်။ တာဝန်ကြတဲ့ ဆရာဝန်နဲ့ဆရာမ နှစ်ယောက် ဆေးဆွဲပြီး ဆေးရူပြီးဇိမ်ကျနေစဉ် ဆိုဖါကိုမီးလောင်သွားတယ်လို့ပြောပါတယ်။

မြန်မာဗုဒ္ဓဘာသာတိုင်းကြားဖူးကြတဲ့ဇတ်တော်ကြီးဆယ်ဘွဲ့ထဲက သုဝဏ္ဏသာမဇတ်တော်ကြီးမှာ
သုဝဏ္ဏသာမ၏ဖခင်ဖြစ်သူနဲ့ မိခင်တို့တောထွက်တရား အားထုတ်ကြရာ အကြင်လင်မယား အဖြစ် မနေထိုင်ကြခြေ ။ မကြာခင် မိခင်ဖခင်တို့ မျက်စိကန်းပြီးဒုက္ခရောက်ကြမည်ကိုသိသော သိကြားမင်းက ၎င်းတို့အားပြုစုရန် ခလေးမွေးရန်ပြောဆိုသော်လည်း၎င်းတို့စောင့်နေသောသီလကို မဖျက်လိုကြ ကြောင်းသိရသဖြင့် သီလဖျက်ရန်မလိုသောနည်းဖြင့် သားသမီးရစေရန်နည်းပေးခဲ့ပါတယ်။ အဲ့ဒီနည်းကတော့ ဖခင်ဖြစ်သူ ဒုကူလ ရသေ့က မိခင်ဖြစ်သူ ပါရိကာရသေ့မ ဥတုလာသောအခါ၌ ချက်ကိုလက်ဖြင့်သုံးသပ်ခိုင်းသည်။  ထိုသို့ပြုခြင်းဖြင့် သုဝဏ္ဏသာမ အားဖွါးမြင်တယ်ဆိုတာ အားလုံး သိကြမှာဖြစ်ပါတယ်။ ဒီနည်းကို ဖတ်ရစဉ်က သံသယတွေများစွာဖြစ်ခဲ့ပါတယ်။ လူဆိုတာ ယောက်ျား၊ မိန်းမတို့ ဆက်ဆံမှသာ ပဋိသန္ဓေစွဲယူနိုင်ကြောင်းသိနေလို့ဖြစ်ပါတယ်။ ယောက်ျား၊မိန်းမအနေနဲ့လည်း ယောက်ျားအနေနဲ့ ယောက်ျားမျိုးခေါ်တဲ့ စပန်း (sperm) နဲ့ မိန်းမရဲ့မျိုးဖြစ်တဲ့ အိုဗန် (ovum)တို့ ထုတ်နိုင် တဲ့သူဖြစ်ဖို့လိုပါတယ်။ ယောက်ျားများအနေနဲ့ ကျန်းမာရေးကောင်းနေရင် အလွန်အသက် အရွယ်ကြီး တဲ့အခါကလွဲရင် sperm များထုတ်နိုင်ပြီး၊ အမျိုးသမီးများမှာတော့ ကျန်းမာရေးကောင်းရုံ သာမက ဥတုရာသီး မဆုံးတဲ့အရွယ်ဖြစ်ရမည့်အပြင်၊ ovum များအမြဲတိုင်းထွက်နေတာမဟုတ်ဘဲ၊ လစဉ်
ဥတုရာသီလာပြီးနောက်တစ်ပတ်အတွင်းသာ ovum များထုတ်လုပ်တာဖြစ်ပါတယ်။

ဒါကြောင့် ယောက်ျား၊မိန်းမတို့ ဆက်ဆံတိုင်း ပဋိသန္ဓေမစွဲယူနိုင်ပဲ sperm နဲ့ ovum တို့ထုတ်လုပ်တဲ့ အချိန်မှာဆက်ဆံမှသာ ပဋိသန္ဓေစွဲယူနိုင်ပါတယ်။ ဒါတွေက DNA ခေါ်တဲ့ မျိုးရိုးဗီဇတွေအကြောင်း သိပ္ပံပညာက မသိသေးတဲ့အချိန်ကဖြစ်ပါတယ်။ အခု ၂၁ ရာစုနှစ်မှာ လူအပါဝင် သတ္တ၀ါ တွေဟာ
ဗီဇဆိုတဲ့ DNA တွေကြောင့်ဖြစ်ကြတာဆိုတာသိလာပါတယ်။ ဒါကြောင့် DNA တစ်ခုရှိရင်အဲဒီ DNA
ကနေ လူတစ်ယောက်၊သတ္တ၀ါတစ်ကောင်ကိုပြုလုပ်နိုင်ပါတယ်။ Colone ဆိုတာ DNA တစ်မျိုးထဲက လုပ်ထားတဲ့ သတ္တ၀ါတွေကိုခေါ်ပါတယ်။ DNA တစ်ခုထဲကလုပ်ထားတာမို့ အဲ့ဒီ သတ္တ၀ါတွေဟာ လုံးဝတူကြပါတယ်။ (identical) ။

DNA တွေက ကိုယ်ခန္ဓာက ဆဲလ် (cell) တွေမှာရှိပါတယ်။ ကိုယ်ခန္ဓာက ဆဲလ် တွေကလည်း အမြဲသေနေကြပြီးသေတဲ့ ဆဲလ်တွေနေရာမှာဆဲလ် အသစ်တွေကအစားထိုးနေကြပါတယ်။
အရေပြားဆဲလ် အသေတွေကအမြဲလိုအရေပြားက ထွက်နေပါတယ်။ ဒါကြောင့်လက်နဲ့ကိုင်တဲ့
ပစ္စည်းတွေမှာ ကိုင်သူရဲ့ ဆဲလ်တွေကပ်နေတာမို့ယခုခေတ်မှာ လူသတ်မှုလိုရာဇ၀တ်မှုတွေမှာ အမှုဖြစ်တဲ့နေရာမှာကျန်ခဲ့တဲ့ လူသတ်သမားရဲ့ ဆဲလ်မှာပါတဲ့ DNA ကိုစမ်းသပ်ခြင်းဖြင့်သိနိုင်ပါတယ်။

ဒါကြောင့် ဖခင်ဖြစ်သူ ဒုကူလ ရသေ့က မိခင်ဖြစ်သူ ပါရိကာရသေ့မ၏ ဥတုလာသောအခါ၌ ချက်ကို လက်ဖြင့် သုံးသပ်ခြင်းဖြင့် သုဝဏ္ဏသာမ ကိုဖွါးမြင်ခဲ့တယ်ဆိုတာ ဖြစ်နိုင်တယ်ဆိုတာနားလည် ရ ပါတော့တယ်။ 

အမှန်တရားသိနိုင်သောအသိဥာဏ်များတိုးပွါးနိုင်ကြပါစေ။

    တစ်နေ့မှာ ဓါတ်ခွဲခန်းကို လဘက်ခြောက် အနည်းငယ် ခတ်ထားတဲ့ လဘက်ခြောက်ရေ ထည့်ပြီး ဆီးစစ်ရန် ဆိုပြီး ပို့လာပါတယ်။ လာပို့သူကို ခေါ်မေးတော့ အလုပ်ဝင်ဖို့ ဆေးစစ် ခိုင်းလို့ ဆေးကျရင် အလုပ် မရမှာစိုးလို့ လုပ်မိ ပါတယ်လို့ ပြောပါတယ်။

   ဆီးက အရောင်အားဖြင့် လဘက်ခြောက်ရေနဲ့ တူပေမဲ့ အသေအချာ ကြည့်ရင် လဘက်ခြောက်ရေလို ကြည် မနေပါဘူး။ အဆတစ်ထောင် ချဲ့ထားတဲ့ မှန်ဘီးလူး အောက်မှာဆိုရင် ဆီးလမ်းကြောင်းက ကြွေကျလာတဲ့ အသားစများ အပြင်၊ ကိုယ်ခန္ဓာ အတွက် အန္တရာယ် ရှိလို့ ထုတ်ပြစ်တဲ့ ခရစ်စတယ် (Crystal) များကိုပါ တွေ့ရပါ တယ်။

     ဆီးစစ်ခြင်းဖြင့် ရောဂါတော်တော်များများကို သိနိုင်ပါတယ်။အထူးသဖြင့် ဆီးလမ်းကြောင်း ပိုးဝင်သော ရောဂါများ၊ကျောက်ကပ်နဲ့ ဆီးလမ်းကြောင်း မှာဖြစ်တဲ့ ကင်ဆာရောဂါ၊ လိင်ရောဂါ၊ ဆီးချိုရောဂါ၊ အသဲရောဂါ၊ သွေးရောဂါ၊ အချို့သော အဆစ်အမြစ်ရောဂါ၊ နှလုံးရောဂါ စသည်များ အပြင် ကိုယ်ဝန်ရှိမရှိ၊ တို့ကိုပါသိရှိ နိုင်ပါတယ်။

(ကန်တော့နော်) မတ်ခွက် တစ်ခွက်စာခန့် ဆီးရရင် စစ်ဆေးဖို့ လုံလောက် ပါတယ်။

     အပြင်ကပိုးတွေ စစ်မဲ့ဆီးထဲ မပါစေဖို့ ဆီးသွားနေစဉ် အလယ်မှဆီး (ပထမထွက်လာတဲ့ ဆီးမှာ ဆီးသွားတဲ့ အင်္ဂါက ပိုးတွေ ပါနိုင်လို့ပါ) ကို သန့်ရှင်း ခြောက်သွေ့တဲ့ ပုလင်းထဲသို့ တိုက်ရိုက် ပေါက်ထဲ့ ရပါမယ်။ ပုလင်း မှောက်ခြင်း ဖိတ်ခြင်း မဖြစ်စေဖို့ အရစ်ရှိတဲ့ ပုလင်းကို သုံးရပါမယ်။ 

ဆီးပုလင်း အပြင်ကိုလည်း မပေစေရန်နှင့် ကူးဆက်တတ်တဲ့ ရောဂါပိုးတွေ မပြန့်ပွါးစေဖို့ သုတ်သင်ပြီး၊ စက္ကူ (၀ါ) ပလပ်စတစ် အိပ်မှာထည့်ပြီး ယူသွား သင့်ပါတယ်။

   ဆီးရောဂါ ဖြစ်စေတဲ့ ပိုးတွေဟာ ကျမတို့ ပတ်ဝန်ကျင်မှာ အလွန်များတာမို့ ဆီးယူတဲ့ နေရာမှာ အလွန်သတိထား ရပါမယ်။ တကယ်တော့ ကျမတို့ အူထဲမှာ သဘာဝ အလျောက် ရှိနေတဲ့ပိုးတွေ အကြောင်းတစ်ခုခုကြောင့် ဆီးလမ်းကြောင်းထဲ ရောက်သွားလို့ ဆီးပိုး ရောဂါ ဖြစ် ရတာ များပါတယ်။

    ဆီးရောဂါမရှိတဲ့လူ (၀ါ) သတ္တ၀ါရဲ့ ဆီးမှာ ဘာပိုးမှ မရှိပါဘူး။ ဒါကြောင့်များ ရှင်တော် ဘုရားက သူရဲ့သား ရဟန်းတွေ အတွက်ဆေးကို နွားကျင်ငယ်ရေနဲ့ ဆေးဘက်ဝင်တဲ့ အခါးဓါတ် ပါတဲ့ ဇီးဖြူ၊ ဖန်ခါး၊သျှစ်သျှသီးတွေနဲ့ ဖော်စပ်ခိုင်းခဲ့ တာလားလို့ စဉ်းစား မိပါ တယ်။ကျမသာ စွမ်းနိုင်ခဲ့ရင် မြတ်ဘုရားရဲ့ဆေးနည်းကို သုတေသန ပြုချင်ပါတော့တယ်။

အပြင်ပိုးတွေပါရင် ဆီးရောဂါ ဖြစ်စေတဲ့ပိုးလို့ အဖြေမှား သွားနိုင်ပါတယ်။ ဒါကြောင့် ပြင်ပပိုး တွေမပါဖို့ အလွန်အရေးကြီး ပါတယ်။

ရောဂါဖြစ်စေတဲ့ ပိုးတွေကို တွေ့ရဖို့ အတွက် လတ်လတ် ဆတ်ဆတ် ဆီးရမှကောင်းပါတယ် ဒါကြောင့် ဆီးကို ဓါတ်ခွဲခန်း ရောက်မှ ယူသင့် ပါတယ်။ ဆီးမှာရှိတဲ့ပိုးတွေကို မွေးပြီး သူတို့ကို သတ်နိုင်တဲ့ ဆေးတွေ (Sensitive Drugs)  ရှာဖို့ ဆိုရင် တော့ အထူးပိုးသတ်ထားတဲ့ ပုလင်း (sterile bottle) ကို ဓါတ်ခွဲခန်းက တောင်းယူရပါမယ်။

      ကိုယ်ဝန် ရှိမရှိ စစ်ချင်တာ ဆိုရင်တော့ ဆီးကို ခြောက်သွေ့တဲ့ ပုလင်းသန့်သန့်နဲ့  ယူလို့ ရပါ တယ်။ကိုယ်ဝန်ရှိလို့ ထွက်လာတဲ့ ဟိုမုန်း (Hormone) တွေက ပတ်ဝန်ကျင်မှာ မရှိလို့ပါ ။ ဟိုမုန်း ဓါတ်တွေက ပဋိသန္ဓေရှိပြီး ၄ ပတ်ကြာမှ ဆီးထဲမှာစစ်ဆေး လို့တွေ့ နိုင်ပါတယ်။ တစ်နည်းအားဖြင့်ဓမ္မတာလာရမည့်ရက် မလာရင်စစ်ဆေးတွေ့ရှိ နိုင်ပါတယ်။ ဒါပေမဲ့ လူနာက ဓမ္မတာလာရမည့်ရက် အမှတ်မှားရင် ဖြစ်စေ၊ဓမ္မတာ မှန်မှန် မလာသူဖြစ်ရင်၊ ဒါမှမဟုတ် သန္ဓေသားကကြီးထွားမှု နှေးရင်လဲ၎ပတ်နဲ့ မတွေ့နိုင်ပါဘူး။အဲ့ ဒီလိုအခါမျိုးမှာ နောက်တစ်ပတ် ကြာမှ ပြန်စစ်ဆေး သင့်ပါတယ်။ယခုအခါ မိမိဖာသာ စစ်ဆေး နိုင်တဲ့ စမ်းသပ် ပစ္စည်းများ အလွယ်တကူ ၀ယ်ယူစစ်ဆေး နိုင်ပါတယ်။

   ဆီးချိုရောဂါအတွက်စစ်မယ်ဆိုရင်လဲ ဆီးကို သန့်ရှင်းခြောက်သွေ့တဲ့ ပုလင်းနဲ့ယူ လို့ရ ပါတယ်။ကိုယ်တိုင် စ်ဆေးနိုင်တဲ့ ပစ္စည်းများကိုလည်း အလွယ်တကူ ၀ယ်ယူ စစ်ဆေး နိုင်ပါ တယ်။ ဒီမှာ သတိထား ရမှာက အစာစားချိန်နဲ့ ဆီးယူတဲ့ အချိန်ပါပဲ။ အစာ စားပြီး တစ်နာရီ၊ နှစ်နာရီမှာ ဆီးထဲမှာ သကြားဓါတ် အများဆုံးပါ ပါတယ်။

   ကျောက်ကပ်ရောင်တဲ့ ရောဂါကြောင့် ဆီးထဲမှာပါတဲ့ အသားဓါတ် တွေကိုစစ်ဆေးချင် တယ် ဆိုရင်လဲ ဆီးချိုအတွက်စစ်သလို ကိုယ့်ဘာသာ စစ်ဆေးတဲ့ပစ္စည်းတွေ ၀ယ်ပြီး စစ်ဆေး နိုင် ပါတယ်။

   ဆီးထဲမှာသွေး ရှိမရှိ စစ်ချင်တယ် ဆိုရင်တော့ ဓါတ်ခွဲခန်းရောက်မှ ဆီးယူတာ  အကောင်း ဆုံး ပါ။သွေးတွေ ဆီးထဲ ရောက်တာနဲ့ မိနစ်ပိုင်း အတွင်း ပေါက်ကွဲ ပျက်စီးကုန်လို့ပါ။

ကျန်းမာရေးဗဟုသုတပြည့်စုံနိုင်ကြပါစေ။

TB ရောဂ့ဘယ်လိုပျောက်

ကျမ TB ရောဂါဖြစ်တာ၊ TB ဆေးတွေရဲ့ဘေးထွက်ဆိုးကျိုးတွေကြောင့်ကျမ ဆေး ၃ မျိုးလုံး မသောက်နိုင်ပဲ၊ အားအပျော့ဆုံး isoniazid တစ်မျိုးပဲ သောက်နိုင် တာမို့ ဆေးယဉ် မှာ ကြောက်ရတဲ့ အကြောင်းတွေ၊ ဒီကြားထဲ inferon shock ရပြီး သေမလိုဖြစ်ခဲ့တာတွေကို (သေကံ မရောက်သေးလို့သက် မပျောက်ခဲ့တာလား) မှာတင်ပြထားပါတယ်။

ရန်ကုန်ရောက်တော့ မဂိုလမ်းမှာကိုယ်ပိုင်ဆေးခန်းဖွင့်ထားတဲ့ TB အထူးကုဆီသွားပြပါတယ်။ သူရဲ့ လူနာစောင့်တဲ့ အခန်းမှာ အမွှေးတိုင်အခိုးတွေနဲ့မွှန်နေပါတယ်။ သိရတာကသူက နတ်ကနား လည်း   ကတဲ့ အခြောက်ဆရာဝန်တဲ့။ ကျမရဲ့ ဓါတ်မှန်ကိုကြည့်ပြီး၊ အဆုတ်အသားထဲမှာ TB ရောဂါမရှိဘူး။ TB အဆုတ်ရေ၀င်တာ (Pleural effusion) က (hyperseneitivity Reaction) ခေါ်တဲ့ ကျမကိုယ်က ရောဂါ ကိုပြန်တိုက်တာအရှိန်လွန်သွားလို့ ဖြစ်တာပါ။ isoniazaid တစ်မျိုးပဲသောက်လည်းရပါတယ်တဲ့။ သူ့ရဲ့ထူးဆန်းတဲ့ အသွင်အပြင်နဲ့အပြုမူတွေကြောင့် သိပ် မထင်မကြီးပေမဲ့၊ သူပြောတာဟုတ်နိုင်တယ်။ မဟုတ်လည်း ကျမ ဘာမှလုပ်လို့မှ မရတာကြောင့် isoniazid တစ်မျိုးပဲသောက်နေခဲ့ပါတယ်။

မေမေကတော့ တစ်ရပ်ကွက်ထဲမှာနေတဲ့ ကျမရဲ့ငယ်သူငယ်ချင်းပြောတဲ့ နတ်ဆရာကိုသွားပြဖို့တိုက်တွန်းတာနဲ့ မေမေစိတ်ချမ်းသာအောင်ရယ်။ ဘယ်လို နတ်ဆရာက ကုတယ်ဆိုတာလည်းသိချင်တာနဲ့လိုက်သွားပါတယ်။

နတ်ဆရာဆိုတာက ကျမတို့နေတဲ့ ကျောက်မြောင်းဈေးလမ်းရဲ့အနောက်ဘက်ကသူဌေးတွေနေတဲ့ ဖိုးစိန်လမ်း (မင်းသားကြီးဦးဖိုးစိန်တို့နေခဲ့တဲ့လမ်း) ကအိမ်ပါ။ အဲ့ဒီက အိမ်တွေကခြံနဲ့ဝင်းနဲ့တိုက်အိမ်တွေပါ။ အိမ်ပိုင်ရှင်တွေက ရုံးမှာအလုပ်လုပ်ကြတဲ့ ရုံးဝန်ထမ်းအရာရှိတွေလို့ပြောပါတယ်။ အိမ်ရဲ့ဧည့်ခန်းမှာ နတ်ရုပ်တွေအများကြီးရှိနေပါတယ်။ နတ်ကနေသူ၊နတ်မေးနေသူတွေလည်းရှိနေကြပါတယ်။ နတ်ရုပ်တွေ ရှေ့မှာတင်ထားတဲ့ ငွေစက္ကူတွေ၊ စားစရာတွေလည်း အများကြီးပါပဲ။ ကျမ၊မေမေနဲ့သူငယ်ချင်းတို့ကို ရောက်ရောက်ချင်း ဒန်ပေါက်စားမလားဆိုပြီးဒန်ပေါက်လာကြွေးပါတယ်။ နတ်တင်ထားတဲ့ဆီက ယူကြွေး တာပါ။ ကျမတို့အရင်ရောက်နေတဲ့သူတွေ တစ်ယောက်ပြီးတစ်ယောက်မေးကြပါတယ်။ အားလုံး နီးပါးက မှောင်ခိုကုန်ကူးကြမဲ့သူတွေပါ။ သူတို့အလုပ်အဆင်ပြေဖို့၊ အဖမ်းမခံရဖို့ဆုတောင်းပြီး၊ အလုပ်အောင်မြင်ရင် ဘယ်လို ကန်တော့မယ်ဆိုပြီး ဂတိပေးနေကြတာ ကြားနေရ ပါ တယ်။

အဲ့ဒီအချိန်ကမှောင်ခိုခေတ်စားတဲ့အချိန်ပါ။ ၁၀ ယောက်သွားရင် ၁-၂ ယောက်က သူ့ဘာသာ အဆင်ပြေမှာပါ။ ဒါပေမဲ့ နတ် မတာဆိုပြီး လာကန်တော့ကြလို့ ဒီအိမ် ဆန်းပွင့် နေတာလို့ မြင်မိပါတယ်။ တိုက်အိမ်နဲ့ခြံဝင်းရဲ့ ဟိတ်ဟန်၊ လာတဲ့သူတွေကို ကြွေးမွေးဧည့်ခံတာတွေက အထင်ကြီးစေပါတယ်။ တကယ်က သူများ နတ်တင်ခဲ့တဲ့ဟာတွေ သူတို့လည်းစား၊ ပိုတာ ရောက်တဲ့သူ အထင်ကြီး အောင်ကြွေး တာပဲ။

နတ်ဝင်သယ်တွေ တစ်ယောက်ပြီးတစ်ယောက်ဝင်ပူးကြတယ်။ မနှဲလေး ပူးရင် ခလေးလိုချွဲပြစ်တဲ့ အသံထွက်လာတယ်။ အဲ့ဒါပြီးတော့ နောက် တစ်ယောက်က နောက် နတ်တစ်မျိုးဝင်ပြန်တယ်။ ဒီနတ် ကျတော့ ထူးဆန်းတယ်။ ဘာစကားမှ မပြောဘူး။ ၀ူးဝူးဝါးဝါးနဲ့ အ အ လိုပဲ။ ကျမ နတ် ဗဟုသုတ သိပ် မရှိပေမဲ့။ အ အ နတ် တော့ မကြားဖူးပါဘူး။ နတ်ဝင်ရောင် ဆောင်တဲ့သူ အသံဖျက် မပြောတတ်လို့ဖြစ် ရမယ်။ နောက်တစ်ချက်က အိမ်တိုင်းမှာ အိမ်စောင့်နတ်ရှိတယ်။ ဒါကြောင့် နတ်ကနားပေးရင် နတ်မျိုး စုံလာလို့ရအောင် အိမ်အပြင်မှာပဲ နတ်ကနားပေးရတယ်လို့မြင်ဘူး၊ကြားဘူးပါတယ်။ အခုအိမ်ထဲမှာ ဆယ့်နှစ်ရာသီ ၊နတ်ပေါင်းစုံဝင်နေတာ မဖြစ်နိုင်ဘူးလို့စဉ်းစားနေတုံး ကျမ အလှည့် ရောက်လာ ပါတယ်။

မေမေက ကျမကျန်းမာရေးအကြောင်းပြောပြပါတယ်။ နတ်ဆရာက ကျမမျက်စေ့ထဲကို ရေမန်း ထဲ့ပြီး နတ်ပြုစားထားသလားဆိုတာစမ်းမဲ့အကြောင်းပြောပါတယ်။ ရေမန်းဆိုတာ သောက်ရေကို နတ် တင်ပြီးကျမမျက်စေ့ထဲ ခတ်ကြည့်ရုံပါဆိုလို့ ကျမ လက်ခံလိုက်ပါတယ်။ ပထမရေမန်းက နတ်ပြုစား ထားရင် စပ်မယ်လို့ပြောပါတယ်။ မျက်စေ့ထဲ ရေထဲ့တာမို့ ဘယ်စပ်မလဲ။ စပ်လဲ ကျမက မစပ်ဘူးလို့ပြောဖို့ ဆုံးဖြတ်ပြီးသားပါ။ မစပ်ဖူးဆိုတော့။ နောက် ရေမန်း ထပ်ထဲ့ပါမယ်။ အဲ့ဒါကျတော့ မစပ်ရင် နတ်ပြုစား တယ်ပေါ့။ ဒီရေ ဒီရေပဲ ထဲ့ တာ အတူတူပဲပေါ့။ ဒါပေမဲ့ စပ်တယ်လို့ပြောလိုက်တယ်။ အဖြေထုတ်လိုက်တော့ နတ်မပြုစားဖူးပေါ့။ ကျမ အဖြေကို နတ်ဆရာရော ကျမရောသိတယ်။ ဒါပေမဲ့နတ်ဆရာက ကျမ မယုံဘူး။ လှည့်စားပြီး ပိုက်ဆံညှစ်လို့ မရဘူးဆိုတာ အကဲခတ်မိတယ် (လူလိမ်ဆိုတာ လူပဲခတ်ပညာတတ်မှ လုပ်လို့ရတာ)။ ဒါကြောင့် နတ် မပြုစားပါဘူး။ ရိုးရိုးပါလို့ အဖြေ ထုတ် လိုက်တယ်။ သူငယ်ချင်းက ရောက်လက်စနဲ့ သူ့အတွက်နတ်ဗေဒင်မေးတယ်။ နတ်က ကျမတို့ကို ရစရာသိပ်မရှိလို့ ၀တ်ကျေတမ်းကျေပဲ ဖြေတယ်။ သူငယ်ချင်းရဲ့အိမ်မှာ ဖိနပ်စုတ်နဲ့ ထီးပျက် ရှိကြောင်း သူတို့ကို သူများ (သို့) လွင်ပစ်လိုက်ဖို့ပြောပါတယ်။ မြန်မာပြည်မှာ ဖိနပ်စုတ်နဲ့ ထီးပျက်မရှိတဲ့ အိမ်ရှိလို့လား။ အဲ့ဒီအချိန်က ဖိနပ်နဲ့ ထီးတွေဈေးကြီးတာမို့ တော်ရုံပျက်လည်း အိမ်နားမှာ သုံးလို့  ရတယ်ဆိုပြီး မပစ်ပဲ ထားကြတာပဲ။ လမ်းရောက်တော့ သူငယ်ချင်းက မှန်ကြောင်းပြောလာပါတယ်။ သူမကကျမနဲ့ ၁၀ တန်း တူတူအောင်ပါတယ်။ BSc ပါ။ အဲ့ဒီအချိန်က အလုပ်တွေသိပ်မရှားသေးလို့ ရုပ်ရှင်ရုံမှာ မာန်နေဂျာလုပ်နေပါတယ်။ သူလို ခေတ်ပညာတတ်တစ်ယောက်ကတောင်ယုံတယ်ဆိုတော့။ ပညာမတတ်တဲ့ အများစု အထူးသဖြင့်တောရွာ တွေက လူရိုးလူအ တွေအလိမ်ခံရတာမဆန်းပါဘူး။

တိုက်ဆိုင်လာလို့ ကျမသိတဲ့ လိမ်နည်းလေးတွေ ပြောပြချင်ပါတယ်။ ပေါ်တော်မူဘုရားအဖြစ်လိမ်တာဖေါ်ပြပြီးပါပြီ၊ နောက်တမျိုးက ဖိုထိုးရင်ရွှေဖြစ်တဲ့နည်းပါ။ ၀တ်ဖြူစင်ကြယ်ဝတ်ပြီးဖြစ်ဖြစ်၊ ရသေ့ပုံဖြစ်ဖြစ်ဝတ်ပြီး လိမ်လို့ရတဲ့နည်းပါ။ ဖိုထိုးတဲ့သူတွေကိုအယုံသွင်းပြီး၊ အလိမ်ခံမဲ့ ယုံလွယ်တဲ့ သူကို အသေအချာ သိမ်းထား တဲ့ ဆေးချောင်းကိုပေးပါတယ်။ အဲ့ဒီဆေးချောင်းကို ဖိုထဲ ဘယ်နေ့ဘယ်ရက် ဘယ်လိုထိုးရမယ်ဆိုပြီး လွယ်လွယ်ထိုးလို့ မရအောင်ပြောရပါတယ်။ ပြီးမှ နက္ခသင့်တဲ့ရက်မှာ ထိုးဖို့ ဆေးချောင်းကို ကပ်ပြီး ပေးပါ တယ်။ အဲ့ဒီဆေးချောင်းကို ရရချင်းဖိုထဲ ထဲ့ထိုးခိုင်းပါတယ်။ ဖိုထိုးတာနဲ့ မျက်စေ့ရှေ့မှာတင် ရွှေချောင်းလေး ပေါ်လာပါမယ်။ တကယ့် ရွှေပါ။ ဘယ်လိုလုပ်ထားသလဲဆိုတော့ တီကောင်ကိုရွှေမှုံတွေကြွေးထားပြီး အခြောက်ခံထားတာပါ။ ဖိုထိုးတဲ့အခါတီကောင်ရဲ့အသားတွေကြွေသွားလို့ သူစားထားတဲ့ရွှေတွေက တီကောင်ကိုယ် အတိုင်းအချောင်းကလေးဖြစ်ကျန်နေတာပါ။

ကျမ TB ရောဂါလည်း ဆေးတစ်မျိုးထဲနဲ့ပျောက်သွားပုံရပါတယ်။ ကျမအဆုတ်ထဲက ရေတွေ တစ်ဖြည်းဖြည်းခြောက်လိုက်လာပြီး အနာရွတ်တွေဖြစ် နေတာမို့ ရင်ပတ်ထဲမှာ အတွင်းကနေကြိုးနဲ့ဆွဲနေသလိုမျိုးခံစားရပါတယ်။ ဓါတ်မှန်ပြန်ရိုက်ကြည့်တော့ အဆုတ်ထဲကရေတွေမရှိတော့ပါဘူး။ လူလဲနေကောင်းလာပါတယ်။ နတ်ပြုစားတယ်ဆိုပြီး ကုခဲ့ရင်၊ နတ်ဆရာ စားပေါက်ပါပဲ။

စဉ်းစားဆင်ခြင်နိုင်တဲ့ အသိဉာဏ်တွေတိုးတက်ကြပါစေ။

ဆရာဝန်ရဲ့ဒုက္ခ

စပ်စံထွန်းဆေးရုံကို ရောက်စ ဆရာဝန်သစ်တွေကို ဘယ်ဆရာဝန်မှမလုပ်ချင်တဲ့ ပြင်ပလူနာဌာနမှာ တာဝန်ချထားပါတယ်။ အဲ့ဒီမှာ လက်ထောက်ဆရာဝန် (AS-assistant surgeon) ဆိုတဲ့တာဝန် ထမ်းဆောင်ရပေမဲ့ ကိုယ်ကူညီ (assist) ရမဲ့ ဆရာဝန်ကြီး မရှိ သလို၊ ကိုယ် လက်ထောက်ရမဲ့ ဆရာဝန် ငယ် ဝေးလို့ အလုပ်သင်ဆရာဝန် (House surgeon) တောင်မရှိပါဘူး။ ကိုယ်တစ်ယောက်ထဲ တပင်တိုင် ကပြနေ ရပါတယ်။ ဆေးရုံ လာပြတဲ့ လူနာတွေရဲ့ တစ်ဝက်ကျော်က မြန်မာစကားမတတ်တဲ့ ရှမ်း၊ပအို့၊နဲ့တောင်သူတွေဖြစ်ပါတယ်။ ကျမကလည်း တိုင်းရင်းသားစကားမတတ်။ အတူကျတဲ့သူနာပြုက တိုင်းရင်း သားစကားတတ်ရင်တော့ ဟန်ကျ တယ်။ နို့မို့ဆိုရင်တော့ လူနာတစ်ယောက်ကို ၅ ယောက်စာလောက် အချိန်ကုန်တယ်။ ပြင်ပလူနာဌာနမှာက ပုံမှန်အတိုင်း မနက်ပိုင်းကို လူနာ ၅၀-၆၀ လောက်ကြည့်ရ တယ်။ ဈေးနေ့နဲ့ စုံရင် ၈၀-၁၀၀ နား ကပ်သွားပြီ၊ ရာသီအပြောင်း တုတ်ကွေးထချိန်၊ ရင်ကျပ်နာ (asthma) ထချိန်ဆိုရင်တော့ သေပေတော့ ထမင်းစားပိတ်ချိန်အထိ လူနာမဆဲဘူး။ ကျမတို့ အားအင်ကုန် ခမ်းသလို တစ်လစာရတဲ့ ဆေးလည်း တစ်ပတ်၊ ၁၀ ရက်နဲ့ကုန်တယ်။ တကယ့် အရေးကြီးလိုအပ်တဲ့ လူနာ အတွက် ဆေးမကျန်လို့မဖြစ်ဖူး။ ဆေးကလည်း တစ်လစာကုန်ရင် ထပ်မရဘူး။ ကိုယ့် ဘာသာ ကြည့်ရှင်းပဲ။ လူနာ အများစုကလည်း ဆေးထိုးမှ သောက်ဆေးပေးရင် မကြိုက်ဘူး။ သူတို့ ရောဂါ မပျောက်ဖူးလို့ထင်တယ်။ အဲ့ဒီတော့ သူနာပြုဆရာမနဲ့ ကျမနဲ့ အချိတ်အဆက်လုပ်တားရတယ်။ ဥပမာ တကယ်အားနည်းတဲ့ ဗီတာမင်ဆေးထိုးဖို့ လူနာဆိုရင် ကျမက ဆေးစာအုပ်မှာ Injection Burplex  လို့ရေးတဲ့အပြင်  (* star ) ပါထဲ့ရတယ်။ ဆိုလိုတာက Burplex အပြည့်ထိုးပေးဖို့။ (* star ) မပါရင် Burplex  လျော့ထိုးဖို့။ ဘယ်လောက်လျော့ရမလဲဆိုတာကတော့ သူ့မှာလက်ကျန် (Stock) ရှိတဲ့ Burplex  အရည်အတွက်ပေါ် မူတည်ပြီး သူလျော့လိမ့်မယ်။  

Burplex က ဗီတာမင်ဘီမို့ ရောဂါကြောင့်ဖြစ်ဖြစ်၊အစားအသောက်ကြောင့်ဖြစ်ဖြစ်လိုအပ်မှ ထိုး ရတာပါ။ မပြို့ မအံတဲ့သူမှာ ဆေးလုံးသောက်လည်း အတူတူပါပဲ။ ဆေးထိုးမှပျောက်မယ်လို့အဆွဲ ရှိတဲ့ လူနာတွေကို (Psychology) စိတ်ပိုင်းအရထိုးပေးတာပါ။ သောက်ဆေးအနေနဲ့လည်း တစ်ပတ်စာ ပေး လိုက်တာမို့ပျောက်မှာပါ။ Burplex ထိုးဆေးရောသောက်ဆေးရော အ၀ါရောင်ရှိတယ်။ တစ်ချို့လူနာက  အ၀ါရောင်မှတ်ထားတယ်။ ပြီးတော့ Burplex ထိုးဆေးက ဆေးဝင်သွားရင် အသားနာတယ်။ တစ်ချို့လူနာကျတော့ အသား နာတာကိုမှတ်ထားတယ်။

အရောင် မမှတ် ထားတဲ့သူ၊ နာမှန်းဘာမှန်းမသိတဲ့သူ၊ဆေးထိုးရရင်ပြီးရော်ဆိုတဲ့လူနာတွေတော့ အသားမနာတဲ့ B12  ထိုးပေးရတယ်။ တစ်ချို့လူနာကလည်း B12 ထိုးရမှဆိုတဲ့အဆွဲရှိတယ်။ B12 က အနီရောင်၊ အသားလည်းမနာဘူး။  အပြင်လူနာဌာနမှာလာပြတဲ့သူတွေထဲမှာ B12 တကယ်လို အပ် တဲ့ သူမရှိသလောက်ပါပဲ။ မွေးရာပါ B12 ကိုယ်ထဲကိုမစုပ်နိုင်တဲ့သူ (နိုင်ငံခြားမှာရှိပေမဲ့ မြန်မာပြည်မှာတော့ တစ်ယောက်မှ မတွေ့ဖူး သေးဘူး)၊ အစာအိမ်ဖြတ် တောက်ထားထာတဲ့သူ၊ဆီချိုရောဂါဖြစ်တာကြာနေ တဲ့ သူလောက်သာ B12 လိုတာပါ။ ဒါပေမဲ့ဘာကြောင့်မှန်းမသိ မြန်မာပြည်မှာ B12 ဆွဲလမ်းတဲ့သူတွေ တော်တော်များတယ်။ B12 ဆိုလို့ ကျမတို့ ဘက် (Batch) မှာ နဲနဲ ကြောင်နေတဲ့သူတစ်ယောက်ရှိတယ်။ သူက ငါ့ဆီမှာ B12 ကုန်နေတုံး လူနာတစ်ယောက်က B12 ထိုးချင်လို့ဆိုပြီးရောက်လာတယ်။ အဲ့ဒါနဲ့ငါလည်း B6 နှစ်လုံးထိုးပေးလိုက်တယ်တဲ့။ ဘုန်းကြီးရူးနဲ့ လှေလူး ဆိုတာ ဒါမျိုး ထင်တယ်။  B12 က B6 နှစ်လုံးပေါင်းထား တာမဟုတ်ပါဘူး။ ဗီတာမင်တွေကို A, B, C, D, E, F, K ဆိုပြီးသူတို့ရဲ့လုပ်ငန်းနဲ့သဘာဝမတူညီလို့ အက္ခရာခွဲပြီးသတ်မှတ်ထားတာပါ။ B မျိုးမှာမှ မျိုးစိတ် တွေများတာကြောင့် နံပါတ် တွေထပ် တပ်ပြီး B1, B2, …..B12 ရယ်လို့မှဲ့ခေါ်ထားတာပါ။  

ဆေးထိုးရင်အားရှိမယ်၊ကျန်းမာမယ်လို့ဆွဲနေတဲ့ ပအို့ထိုင်းရင်းသားတစ်ယောက် အကြောင်း ပြော ပြရအုံးမယ်။ သူက တောင်ကြီးဈေးထဲက အူချုပ်တဲ့ ချီဝယ်လာပြီး သူ့ကို အားရှိအောင်ထိုးပေး ပါဆိုပြီး ရောက်လာတယ်။ အဲ့ဒီချီက ဖန်ပြွန်ထဲမှာဆေးရည်နဲ့ဆိမ်ထားတာ။ သူ့ကိုလိမ်ရောင်းလိုက်တာ။ ကျမတို့မှာ သူနားလည်းအောင် မနည်းရှင်းရတယ်။ တော်သေးတယ် အဲ့ဒီနေ့က တာဝန်ကျတဲ့ ဆရာမလေးက ပအို့မလေးဖြစ်နေလို့။ ဆေးထိုးဆွဲတာ နဲ့ပတ်သက်ပြီး ကျမအဖွါးအကြောင်းပြောရအုံးမယ်။ အဖွါးက အစာကို လျော့စားတယ်။ ယခုခေတ်မမ တွေလို ယဉ်တစ်ကိုယ်မယ် (slim body) ဖြစ်ချင်လို့မဟုတ်ဘူး။ သူ့ကို အစား မက်တယ်လို့ အပြောခံရမှာစိုးတယ်။ ဖုတ်ဝင်တယ်လို့ထင်မှာလည်းကြောက်တယ်။ ဒါပေမဲ့ အားနည်းမှာလည်းကြောက်တယ်။ သူအားနည်းတယ်လို့ယူဆရင် သူ့ကိုအားဆေး (အကြောဆေး) ထိုး ပေးမှကြိုက်တယ်။ အသားဆေးဆို နာလို့ မကြိုက်ဘူး။ ကျမက အဖွါးလည်းအသက်ကြီးပြီး အန္တရာယ် လည်း မရှိလို့သူစိတ်ချမ်းသာအောင် တစ်လတစ်ခါ အကြောဆေး ထိုးပေးပါတယ်။ ကျမ တောင်ကြီးမြို့မှာ တာဝန်ကျတော့ အဖွါးရဲ့ ကျန်းမာရေးကို ကျမမောင် ဆရာဝန်က ဆက်လက် တာဝန် ယူတယ်။ သူက အဖွါး အစာ စားနိုင်တာပဲ။ ဘာလို့ဆေးထိုးမလဲ။ အစာသာ ၀၀ စားလို့ပြောတယ်တဲ့။ အဖွါးက (ဦးလေးအိမ် မှာနေပါတယ်) သူ့မြည်းကိုပြောမရတော့ သူ့အိမ်နားက ဆေးခန်းမှာသူ့ဘာသာ သွားထိုးတယ်။ ကျမ ရန်ကုန်ပြန်ရောက်တော့ အဖွါးက ပြောတယ်။ နင့်မောင်က ဆရာဝန်သာဖြစ်တယ်။ ဆေး မထိုးတတ် ဘူး တဲ့။ ကဲမှတ်ထား။

         အပြင်လူနာဌာနမှာ ဆေးထိုးချင်တဲ့လူနာတွေရဲ့ပြဿနာအပြင် နောက်ပြဿနာတစ်ခုက လူနာတိုင်း က နားကျပ်နဲ့စမ်းသပ်မှကြိုက်တယ်။ နားကျပ်ဆိုတဲ့အတိုင်း နားအမှေးပါးဆီကို အပြင်အသံ တွေ မ၀င်ပဲ  လူနာ ကိုယ်ထဲက နှလုံးခုန်သံ၊ အဆုတ်ထဲကို လေ၀င်တဲ့အသံတွေကို ကောင်းကောင်း ကြားရအောင် လုပ် ထားတာ။ လူနာ ၂၀ လောက်ကို နားကျပ် နဲ့နားထောင်ပြီးရင် နားတွေကိုနာနေတာပဲ။ လူနာ ၅၀-၁၀၀ သာ နားကျပ်နဲ့ နားထောင်ရလို့ ကတော့ နားကွဲထွက်မယ်။ ဒါပေမဲ့ လူနာအများစုက သဘော မပေါက်ဘူး။ ရှင်းပြလည်းလက်မခံဘူး။ အပြင်လူနာဌာနကိုလာပြတဲ့ လူနာအများစုကလည်း နားကျပ် နဲ့နားထောင်စ ရာ မလိုဘူး။ ဒါပေမဲ့ မကြေနပ်ပဲ ၁၅ပြားတန် (အဲ့ဒီအချိန်ကတန်းဖိုး) တံဆိပ်ခေါင်းနဲ့ တိုင်စာပို့ရင်လည်း အလကားနေရင်းဖြေရှင်းရတဲ့အလုပ်ရှုပ်တဲ့အပြင် မသိတဲ့သူတွေရဲ့အထင်မှားတာခံရအုံးမယ်။ ဒီပြဿနာ ကိုဘယ်လိုဖြေရှင်းရမှန်းမသိဖြစ်နေတုံး ခလေးအထူးကု ကွယ်လွန်သူ ဆရာဦးဝင်းမြင့်ရှေ့မှငြီးငြူမိတယ်။ ဆရာက ဘာမှမပူနဲ့ နားကျပ်ကို နားမှာချိတ်ရုံချိတ်ထား၊ ဘေးလူးက နားကျပ်တပ် ထား တယ်လိုမြင်မယ်။ ဒါပေမဲ့ နားပေါက်ဝမှာ လေလုံအောင် တပ်ထား တာမဟုတ်လို့ နားမနာဘူး။ လူနာလည်း စိတ်ချမ်းသာ။ ကိုယ်လည်းစိတ်ချမ်းသာပေါ့။ အဲ့ဒီလို နားကျပ်နားမှာချိတ်တားပြီး ဟန်မပျက်လူနာ့ ရင်ပတ် ပေါ် ထောက် ပေမဲ့ ဘာသံမှ မကြားရဘူး။ ဒါကြောင့် တစ်ရက်ကြီး တစ် နည်းသာ လို့ပြောတာကိုး။ ကျေးဇူး အထူး တင် ပါတယ် ဆရာ။ တစ်ခါတစ်ခါ အဲ့ဒီလိုထောက်ထားရင် မရီ၊မပြုံးမိအောင် တော်တော် သတိ ထားရတယ်။

         ဆေးရုံတင်ဖို့လိုတဲ့လူနာဆိုရင် ဆေးရုံတင်မှတ်တမ်းမှာ (Admission chart) လူနာရဲ့ ရောဂါ ရာဇ၀င် (History) ဘယ်အချိန်ကစဖြစ်တယ်။ ဘယ်လိုဖြစ်တယ်စသည်၊ စမ်းသပ်တွေ့ရှိချက်၊(Physical findings) ၊ ဖြစ်နိုင်သော ရောဂါ (များ) Diagnosis (Differential Diagnosis) စတာတွေအပြင် လူနာရဲ့ လိုအပ် လျှင် ဆက်သွယ်နိုင်မဲ့နေရပ်လိပ်စာပါရေးပေးရပါတယ်။ တစ်နေ့ ပအို့အမျိုးသားလူနာကို အဖိုး ဘယ်မှာနေသလဲ လို့မေးတော့ အံ့သြတဲ့ မျက်နှာနဲ့ အိမ်မှာနေတယ်လေတဲ့။ ဟုတ်ပေသားပဲ။ ဘယ်သူမှ ဇရပ်မှာမှ မနေတာ။ ဒီမိန်းမ ဆရာဝန်ဖြစ်နေပြီး ဒီလောက်တောင်မသိဘူး။ အင်းဘယ်လိုမေးရပါ့။ ဘယ်ကလာလဲ ဆိုရင် အိမ်ကလာတယ်လို့ထပ်ဖြေရင် အခက်။ အိမ်လိပ်စာလို့ မေးရင်။ ပေါက်ပေါက်ဆုတ်နဲ့ ကဇွန်ရွက်လို့တော့ မဖြေတန်ပါဘူး။ ဒါက နောက်တောက်တောက်လူတွေပဲ ပြောတာပါဆိုပြီး အရဲစွန့်မေးတော့မှ အဖြေမှန် ရပါတော့တယ်။ 

          အခုနှစ်ပေါင်း ၄၀ နီးတာတောင်မှတ်မိနေတဲ့ ပအို့စကားတစ်ခုက ဘိန်းဘိန်း။ ဘိန်းဘိန်းဆိုတာ အိပ်ရာမှာ အိပ်လို့ပြောတာ။ ဘိန်းတစ်အားဆို။ ပက်လက်အိပ်ခိုင်းတာ။ ရန်ကုန်ရောက်တော့ သူငယ်ချင်းတွေကိုပြောပြတော့ ။ လူနောက်တွေက ရူရူ လို့ လိုက်ပြောကြတယ်။

ရှမ်းပြည်မှာတွေ့ဖူးတဲ့ တိုင်းရင်းသားတွေထဲမှာ ကျမအချစ်ဆုံးက ပအို့တွေပဲ။ သူတို့က ခလေးတွေလိုပဲ အရမ်းရိုးသားတယ်။ ပအို့မလေးတွေနဲ့ ခလေးတွေဆို ပါးနီ မဆိုးရပဲ ပါးလေးတွေ နီနေကြတယ်။ အသား တွေဖြူပြီးသဘာဝအတိုင်းလှကြတာ။ ဒါကြောင့် သဘာဝအလှမြင်တတ်တဲ့ သူငယ်ချင်း နှစ်ယောက် ပအို့သူနာပြုနဲ့ ရှမ်းသူနာပြုတွေနဲ့ ဖူးစားဆုံသွားကြတယ်။ နောက်ပြီး ဟုတ်ကဲ့ အစား သြ သြ လို့ထူးတာကိုက တော်တော် နားထောင်လို့ကောင်းတယ်။

     

မိန်းမ

   “လူမှာအမျိုး၊ ကြက်မှာအရိုး”  “ငှက်ပျောပင်စိုက်၊ မိလိုက်ဖပါ” ဆိုတဲ့စကားတွေကို လူတိုင်းလိုလို ကြားဖူး ပါလိမ့်မယ်။ ဆိုလိုတဲ့ အဓိပ္ပါယ်ကတော့ လူတစ်ယောက်အတွက် သူဆင်းသက်လာခဲ့တဲ့မျိုးရိုးက အလွန်အရေးကြီးတယ်လို့ ဆိုလိုတာပါ။

   လူကောင်းသူကောင်း မျိုးရိုးသန့်က မွေးဖွါးလာတဲ့သူဟာ လူကောင်းသူကောင်းလေးဖြစ်ပြီး။ လူဆိုး လူမိုက်တွေက မွေးဖွါးလာတဲ့သူက လူဆိုးလူမိုက်ဖြစ်မယ်လို့ ဆိုလိုတာပါ။

   ဒါပေမဲ့မျိုးရိုးတစ်ခုထဲကြောင့် လူကောင်းသူကောင်းမဖြစ်နိုင်သလို လူဆိုးလူမိုက်         တစ်ယောက်လည်းမဖြစ်နိုင်တာကို သူတော်ကောင်းတွေ ဆီရောက်သွားလို့ သူတော်ကောင်းဖြစ်သွားတဲ့ ကျေးနှင့်လူဆိုးသူခိုးတွေဆီရောက်သွားလို့ ဆိုးသွမ်းသွားတဲ့ ကျေးညီနောင်နဲ့ ဥပမာ ပေးကြပါတယ်။
“ရွှေပင်နားတော့ ရွှေကျေး၊ ငွေပင်နားတော့ ငွေကျေး၊” လို့ လဲစာဖွဲ့ကြပါတယ်။

     အဲ့ဒါ ဘာဖြစ်လို့လဲဆိုတော့ လူတစ်ယောက်(၀ါ) သတ္တ၀ါတစ်ကောင်ရဲ့ အမူအကျင့်၊ စိတ်ထားတွေဟာ ရုပ်ခန္ဓာပေါ်တွင်သာမက စိတ်ခန္ဓာ နှစ်မျိုးလုံးပေါ်မှာမူတည်နေလို့ပါပဲ။

          ဒါကြောင့် ဓမ္မဘေရီ ဆရာတော် အရှင်ဝီရိယ(တောင်စွန်း) ရဲ့တန်ဖိုးရှိလှတဲ့ ပဋ္ဌာန်းတရား တော်၊  ကမ္မပစ္စည်းအခန်းမှာ၊ “ဗီဇနဲ့ ပတ်ဝန်းကျင်” ဘယ်ဟာအဓိကကျသလဲ ဆိုတဲ့ ပြဿနာကို သပြေကန် ဆရာတော် အရှင်ဝါသေဋ္ဌာဘိဝံသ မထေရ်ကြီးကို ကိုးကားပြီး ပစ္ဆိမဘဝိကပုဂ္ဂိုလ်ဆိုတဲ့ မုချသေချာတဲ့ ဆုကြီးပန် နိယတပစ္ဆိမဘဝိက များမှာသာ ဗီဇက ပိုအရေးကြီးပြီး၊ဆုကြီး ပန်မဟုတ်တဲ့ အနိယတ ပစ္ဆိမဘဝိက ပုဂ္ဂိုလ် များမှာတော့ ပတ်ဝန်းကျင်က ပိုအရေးကြီး တယ်လို့ ရှင်းလင်းပြထားပါတယ်။

ကျမ အခုဖေါ်ပြမဲ့ မျိုးရိုးဗီဇ (Genetics) ဆိုတာကတော့ အဲ့ဒီလောက်မရှုပ်ထွေး၊ မခက်ခဲပါဘူး။ ဘာဖြစ်လို့လဲဆိုတော့ ရုပ်သက်သက်ကိုသာသိတဲ့ သိပ္ပံပညာရှင်တွေရဲ့ တွေ့ရှိချက်မို့ပါပဲ။

   ကျမတို့ရဲ့ရုပ်လက္ခဏာတွေဟာ အမိအဖတို့ရဲ့ မျိုးရိုးဗီဇ (Genes) တွေကရတာဖြစ်ပြီး၊ ကျမတို့ရဲ့ ပဋိသန္ဓေခဏကစပြီး ကိုယ်ခန္ဓာရဲ့ အစေ့ (Nucleus) ပါတဲ့ဆဲ(Nucleated cell) ထဲက Nucleus ထဲမှာရှိတဲ့၊ ခရိုမိုဇုံး (Chromozone) လို့ခေါ်တဲ့ မုန့်ကြိုးလိင်လို၊ အရာတွေ ပေါ်မှာသိမ်းဆည်း ထားပါတယ်။ လူမှာ ခရိုမိုဇုံး  ၂၃  စုံရှိပါတယ်။ တစ်ခြမ်းက အမိဆီကရပြီး၊ ကျန်တစ်ခြမ်းကတော့ အဖေဆီကရပါတယ်။ ခရိုမိုဇုံး ၂၃  စုံထဲက၊ တစ်စုံက လိင်နဲ့ပတ် သက်တဲ့လက္ခဏာတွေ (Sex  Chromozone) ဥပမာ၊ အမျိုးသမီး၊ အမျိုးသားဖြစ်စေတဲ့ ဗီဇ ကိုသယ်ဆောင်ပါတယ်။ ကျန် ခရိုမိုဇုံး ၂၂ စုံကတော့ ကျန်တဲ့ လက္ခဏာတွေ ဥပမာ။မျက်စိ၊ နှလုံးစသည်တို့နဲ့ပတ်သက်လို့ ကိုယ်ခရိုမိုဇုံး (Autosomes)  လို့ခေါ်ပါတယ်။

   လက္ခဏာတစ်ခုချင်း ဥပမာ၊ မျက်လုံးပြာတာ၊ ညိုတာ အတွက်ကတော့ ခရိုမိုဇုံးတွေ ပေါ်မှာရှိတဲ့ မျိုးရိုးဗီဇ (Gene) တွေကလုပ်ဆောင် ပါတယ်။လူမှာ မျိုးရိုးဗီဇပေါင်း နှစ်သောင်းသုံးထောင်ခန့်ရှိပါတယ်။

    အမျိုးသမီးတစ်ယောက်မှာ ကိုယ်ခရိုမိုးဇုံး ၂၂ စုံနဲ့ (XX) လို့ခေါ်တဲ့ လိင်ခရိုမိုဇုံးတစ်စုံ ရှိပြီး။ အမျိုးသားတစ်ယောက်မှာတော့ ကိုယ်ခရိုမိုးဇုံး ၂၂ စုံနဲ့ (XY) လို့ခေါ်တဲ့ လိင်ခရိုမိုဇုံး တစ်စုံ ရှိပါတယ်။ အဖရဲ့ မျိုးဥ (Sperm) တွေမှာ ကိုယ်ခရိုမိုဇုံး၂၂ ကြိုးနဲ့ (X) လိင် ခရိုမိုဇုံးပါတဲ့ အဖမျိုးဥရယ်၊  ကိုယ်ခရိုမိုဇုံး၂၂ ကြိုးနဲ့ (Y) လိင် ခရိုမိုဇုံး ပါတဲ့ အဖမျိုးဥရယ် လို့နှစ်မျိုးရှိပါတယ်။
      အမိရဲ့မျိုးဥ (ovum) မှာတော့ကိုယ်ခရိုမိုဇုံး၂၂ ကြိုးနဲ့ (X) လိင်ခရိုမိုဇုံးပါတဲ့အမ မျိုးဥ တစ်မျိုးထဲ သာ ရှိပါတယ်။
(Y) လိင်ခရိုမိုဇုံးပါတဲ့အဖမျိုးဥနဲ့ (X) လိင်ခရိုမိုဇုံးပါတဲ့ အမမျိုးဥပေါင်းမိတဲ့အခါ ကိုယ်ခရိုမိုဇုံး၂၂စုံနဲ့ (Y) (X) လိင်ခရိုမိုဇုံး ပါတဲ့ အမျိုးသားဖြစ်လာပါတယ်။
(X) လိင်ခရိုမိုဇုံးပါတဲ့အဖမျိုးဥနဲ့ (X) လိင်ခရိုမိုဇုံးပါတဲ့ အမမျိုးဥပေါင်းမိတဲ့အခါ ကိုယ် ခရိုမိုဇုံး၂၂စုံနဲ့ (X) (X) လိင်ခရိုမိုဇုံး ပါတဲ့အမျိုး သမီး ဖြစ်လာ ပါတယ်။

သိပ္ပံပညာရှင်တွေက ဘာဖြစ်လို့ တစ်ချို့မှာ (X) လိင်ခရိုမိုဇုံးပါတဲ့အဖမျိုးဥနဲ့ပေါင်းပြီး တစ်ချို့ကျတော့ (Y) လိင်ခရိုမိုဇုံးပါတဲ့အဖမျိုးဥနဲ့ပေါင်းရ တာလဲဆိုတာကိုမသိကြတာမို့ ကျပန်း၊ ကြုံရာ၊အလျဉ်းသင့်သလို (Random) ပဲလို့ အလွယ်တကူဖြေ ကြပါတယ်။

   မြတ်စွာဘုရားရဲ့ အတိုင်းမသိ ကြီးကျယ်မြင့်မားလှတဲ့ ဉာဏ်တော်ကြောင့်ဗုဒ္ဓဘာသာဝင်တွေက တော့သိကြရပါတယ်။ သူလုပ်ခဲ့တဲ့ ကံ (၀ါ) သင်္ခါရ တွေနဲ့  အမျိုးသမီး ဘ၀ကို ခင်တွယ်တဲ့ တဏှာ ကြောင့် အမျိုးသမီးဘ၀ရပြီး၊ အမျိုးသား ဘ၀ ကိုခင်တွယ်တဲ့တဏှာကြောင့် အမျိုးသားဘ၀ကို ရကြရတာပါ။

အကြောင်း သိတာကြောင့် လိုချင်တဲ့အကျိုး ကိုလည်းအလွယ်တကူ လုပ်ဆောင်နိုင်ပါတယ်။ ဆိုလိုတာက ယောကျာ်းဘ၀လိုချင်ရင် ယောကျာ်း ဘ၀ကိုခင်တွယ်၊ မိန်းမ ဘ၀ကိုလို ချင်ရင် မိန်းမဘ၀ ကိုခင်တွယ်တဲ့ စိတ်ညွှတ်ရုံပါလဲ။ ဒါပေမဲ့ တစ်ခုသတိထားရ မှာက ကိုယ်လုပ်ခဲ့တဲ့ အကုသိုလ် ကံ (၀ါ) သင်္ခါရတွေရဲ့ ဖျက်စီးခြင်းကို မခံရအောင်သူတစ်ပါး သားမယား (အမျိုးသားရော၊ အမျိုးသမီးရောကို ဆိုလိုပါတယ်)ကို မဖျက်စီးဖို့ ပါပဲ။

      အဲ့ဒီ ကာမေသုမိစ္ဆာစာရကံ ကျူးလွန်ရင်တော့၊ မိန်းမပီပီသသ၊ ယောကျာ်းပီပီသသ မဖြစ်နိုင်ပါဘူး။ များသောအားဖြင့် ဗုဒ္ဓဘာသာတွေအသိလွဲ နေတာက၊ အမျိုးသမီးဘ၀ ကနိမ့်ကျတဲ့ဘ၀ ဒါကြောင့်မို့ ကုသိုလ်ကံ နည်းလို့ မိန်းမဖြစ်ရပြီး၊ မိန်းမဘ၀ ဟာခွေးထီး လောက်မှမမြတ်ဘူးလို့ ကိုယ့်ကို ၉လလွယ်ပြီး အသက်စွန့် ဖွါးခဲ့တဲ့ ကိုယ့်မိခင်ရဲ့ မျက်နှာကိုမှ မထောက် နှိမ့်နှိမ့် ချချပြောတဲ့အထိ အသိမှားနေကြပါတယ်။ တကယ်သိရမှာက ခွေး (အထီးဖြစ်ဖြစ် အမဖြစ်ဖြစ်) ဆိုတာတိရစ္ဆာန်၊ တစ်နည်းအပါယ်ဘုံသား၊ အကုသိုလ်တွေလုပ်ခဲ့ လို့ဖြစ်ရတာ။ အထူးသဖြင့် အ၀ိဇ္ဇာ (၀ါ) မောဟများပြီး၊ ဉာဏ်နည်းခဲ့လို့ပါ။ လူဆိုတာ (ယောကျာ်းဖြစ်ဖြစ်၊ မိန်းမဖြစ်ဖြစ်) ကုသိုလ်ကောင်းမှုတွေကြောင့် ဖြစ်ရတာဆိုတာကို ရည်ရည် လည်လည် သိသင့်ပါတယ်။

  ဒီအကြောင်းနဲ့ ပတ်သက်ပြီး ဓမ္မဘေရီဆရာတော် အရှင်ဝီရိယ(တောင်စွန်း)ရဲ့ ကမ္မပစ္စည်း အခန်းမှာ မြတ်ဘုရားရဲ့ပါရမီဖြည့်ဘက် ယသော်ဓရာကို ဥပမာထား ဖြေရှင်းထားပါတယ်။  ယသော်ဓရာအလောင်းဟာ အဂ္ဂသာဝကကြီးတွေတောင် တစ်သင်္ချေ နဲ့ ကမ္ဘာတစ်သိန်း ပါရမီ ဖြည့်ကျင့်ကြပေမဲ၊့ သူမကတော့ မြတ်စွာဘုရားနဲ့ အတူတူ လေးသင်္ချေနဲ့ ကမ္ဘာတစ်သိန်းဖြည့် ကျင့်ခဲ့တာမို့ မြတ်ဘုရားကလွဲရင် ကုသိုလ်အများ ဆုံးဖြစ်ပါတယ်။ ထိုနည်းအတူ ပါရမီရှင်ရဟန္တာမကြီးတွေလဲ ကုသိုလ်တွေများလွန်လို့ အားလုံး ယောက်ျားတွေ ဖြစ်ကုန်မှာပေါ့လို့ ဓမ္မဓိဋ္ဌာန်ကျကျ ရှင်းပြထားပါတယ်။

      တကယ်ကတော့ လူယောက်ျားပီပီသသ၊ လူမိန်းမပီပီသသဖြစ်ဖို့က လူဖြစ်ထိုက်တဲ့ကုသိုလ်တွေနဲ့ ပြည့်စုံမယ်။ ယောက်ျား (၀ါ) မိန်းမဘ၀ ကိုလိုချင်တဲ့ တဏှာရှိပြီး၊ အဲဒီ ကုသိုလ်ကံ ကိုဖျက်စီး နောက်ယှက်မဲ့ အကုသိုလ်ကံတွေ မပါဖို့ လိုတယ်လို့ ပြောရပါမယ်။

    ယောက်ျားတွေဟာ မိန်းမတွေထက် ခွန်အားဗလ ပိုပြီး သန်မာတယ်ဆိုတာ လူတိုင်း အသိပါ။ အမျိုးသမီးတစ်ယောက် ဘယ်လောက်ပဲ သန်မာသန်မာ၊ အမျိုးသားတစ်ယောက်ကို အလဲမထိုးနိုင်ပါဘူး။  ဒီအရည်အချင်းကြောင့် မိန်းမဘ၀နဲ့ဘုရား၊ ပစ္စေကဗုဒ္ဓါ၊ မဟာဗြဟ္မာ တို့မဖြစ်နိုင် တာပါ။ အားလုံးသိတဲ့အတိုင်း ဘုရား၊ပစ္စေကဗုဒ္ဓါ၊ မဟာဗြဟ္မာဖြစ်ဖို့ဆိုတာ အလွန် ပြင်းထန်တဲ့ ဈန်သမထကို လေ့ကျင့်ကြရတာမို့ ကာယခွန်အား သိပ်မကောင်းတဲ့မိန်းမခန္ဓာ နဲ့ မကျင့်နိုင်လို့ပါ။ ကုသိုလ်နည်းလို့ မဟုတ်ပါဘူး။

ထင်ရှားတဲ့ ကိုယ်ကာယ တည်ဆောက်မှုနဲ့ ပတ်သက်တဲ့ နောက်သာဓက တစ်ခု ပြရ ရင် ယောက်ျားတွေ ဘာဖြစ်လို့ ကိုယ်ဝန်မဆောင်နိုင်တာလဲ။

        မြတ်စွာဘုရားလို စကြာဝဠာတစ်ခုလုံး အတိုင်းမသိ သာလွန်မြင့်မြတ်တဲ့ သားကောင်း သားမြတ် ရတနာကို ဘာဖြစ်လို့ မြင့်မြတ်တဲ့ ယောက်ျားသားဖြစ်တဲ့ ဖခမည်းတော်က ကိုယ်ဝန် မဆောင်ပဲ၊ နိမ့်ကျ ပါတယ်ဆိုတဲ့၊ အကုသိုလ်ရှင် မယ်တော်ကိုယ်ထဲမှာ ဆောင်ရတာလဲ။ ရှင်းရှင်း လေပဲ ယောက်ျားတွေမှာ ကိုယ်ဝန်ဆောင်နိုင်တဲ့ သားအိမ် ခေါ်တဲ့ ရုပ်ကြီး မရှိလို့ ပဲပေါ့။

အကြောင်းတိုက်ဆိုင်လို့ ဆေးလောကမှာ စမ်းသပ်ခဲ့တဲ့ သုတေသန လေးတစ်ခု ပြောပြချင်ပါတယ်။ ယောက်ျားတွေမှာ သားအိမ် မရှိပေမဲ့ ၀မ်းခေါင်းရှိတယ်။မိန်းမတွေလို ပဲကိုယ်ဝန် ဆောင်နိုင်ရမယ်ဆိုပြီး (Fertilized ovum) အဖို၊ အမ မျိုးပေါင်းပြီးအောင်မြင်တဲ့ သန္ဓေသားကို ယောက်ျားတစ်ယောက် ရဲ့  ၀မ်း ခေါင်းထဲမှာ တွဲကပ်ပေးလိုက်ပါတယ်။

     လတော်တော်ကြာကြာအထိသန္ဓေသားဟာ အူနံရံက သွေးတွေစုပ်ပြီး ကြီးထွားလာပါတယ်။ ထူးခြားတဲ့ အကြံနဲ့ သူ့ရဲ့ လုပ်ဆောင်ချက် အောင်မြင်တယ်ဆိုပြီး သုတေသန ပညာရှင်ကြီး ၀မ်းသာလို့မဆုံးခင် သန္ဓေသား တွယ်ကပ်ထားတဲ့အူနံရံတွေ ပါးပြီး ပေါက်မဲ့ အခြေအနေ၊ အစမ်းသပ်ခံတဲ့ (Volunteer) စေတနာရှင်ရဲ့ အသက် အန္တာရယ်ကြောင့် သန္ဓေသားကို အမြန်ဆုံး ခွဲထုတ်လိုက် ရပါတော့တယ်။

မဟာကရုဏာရှင် မြတ်ဘုရားမှာ သေးသိမ်တဲ့ နိမ့်ကျတဲ့ လူလူချင်း အဆင့်အတန်း ခွဲခြား တာမရှိပါဘူး။ ဒါကြောင့်ဗုဒ္ဓဘာသာမှာ အမျိုးသား အမျိုးသမီး ခွဲခြားမှုမရှိပါဘူး။

   စေတီတော်တွေမှာ မိန်းမမသွားရဆိုတာ၊ ဘုရားပညတ်တဲ့ဥပဒေမဟုတ်ပါဘူး၊ ဘုရားလူကြီးတွေ လုပ်ထားတဲ့ ဥပဒေလို့ မဟာစည်ဆရာတော်ဘုရားဖြေကြားထားတာ ဖတ်ရဘူးပါတယ်။ အသဲပိုပြီး မူယာမာယာများတတ်တဲ့ များစွာသော မိန်းမတွေကြောင့် ပြဿနာ မဖြစ်အောင်ဘုရားလူကြီးတွေက  ကြိုတင်ကာကွယ်တဲ့အနေနဲ့ အန္တာရယ်ရှိနိုင်တဲ့ နေရာတွေ၊ သဲထိပ်ရင်ဖိုဖြစ်နိုင်တဲ့ နေရာတွေကို မိန်းမတွေ မသွားအောင် ကြိုတင်တား မြစ်ထားတာပါ။
 
 မြတ်ဘုရားက မိန်းမတွေမကောင်းကြောင်း ဟောတယ်လို့ စွပ်စွဲချင်ပါသေးသလား။ မြတ်ဘုရားရဲ့ သာသနာကို စောင့်ရှောက်ရမဲ့ရဟန်းတွေဟာ အာသဝေါကင်းကွာတဲ့ ရဟန္တာတွေ မဟုတ်သလို နွား(ကန်တော့နော် လူပြောသူပြော စကားမို့နား လည် လွယ်အောင်သုံးတာပါ) တွေ လဲမဟုတ်လို့ သူတို့ရဲ့ အကြီးမားဆုံး ရန်သူဖြစ်တဲ့ မြူဆွဲဖျက်စီးမဲ့ မိန်းမတွေရဲ့  အန္တာရယ်တွေက ကင်းဝေးအောင်သတိပေး ဟောရတယ်ဆိုတာ သိဖို့လိုပါတယ်။

   မိန်းမကောင်း မိန်းမမြတ်တွေကို မြတ်ဘုရားက အဂ္ဂသာဝကတွေနဲ့ တန်းတူ  အဂ္ဂသာဝိကာတွေ အနေဲ့ချီးမြှောက်တော်မူတာ အားလုံးအသိပါပဲ။
အရှင်အာနန္ဒာအလောင်းတော် ဘ၀က ကာမေသုမိစ္ဆာစာရကံတွေ ကျူးလွန်ခဲ့လို့မိန်းမ ဖြစ်ခဲ့ရတယ်လို့ ဆိုလိုချင်ပါသလား။

     အရှင်အာနန္ဒာ အလောင်း ကာမေသုမိစ္ဆာစာရကံတွေကျူး လွန်ပြီးတဲ့ နောက်ဖြစ်ရတဲ့ ဘ၀တွေကို သေသေချာချာ လေ့လာမယ်ဆိုရင် ။ အထီးတိရစ္ဆာန်ဖြစ်တဲ့ ဘ၀တွေမှာ သူ့ရဲ့အထီးလက္ခဏာဖြစ်တဲ့ ဂွေးဥကို ကိုက်ဖြတ်ခံရခြင်း၊ သင်းကွပ်ခံရခြင်းဆိုတဲ့ ၀ဋ်ကြွေး တွေခံစားရဖို့ ဖြစ်လာရတယ်လို့ထင်ပါတယ်။ အမျိုးသမီးဖြစ်ရတာလည်း အဲ့ဒီအချိန်က  အမျိုးသားတွေက အမျိုးသမီးတွေကိုသာ တပ်မက်တဲ့ အာသာ ရှိပြီး ဖျက်စီးကြလို့ပါ။

အခုခေတ်လို အမျိုးသားတွေကိုပါ အာသာရှိမယ်ဆိုရင်တော့ အမျိုးသားတွေဖျက်စီး ခံရမဲ့ အခြောက်ဖြစ် မယ်ထင်ပါတယ်။

ကာမေသုမိစ္ဆာစာရကံ၏ဆိုးကျိုး(ချမ်းမြေ့ဆရာတော်အရှင်ဇနကာဘိဝံသ)။
သူ့လင်သူ့မယား၊မရှောင်ရှားပဲ၊ပြစ်မှားလေမူ၊
ထိုသည့်သူကား၊ရန်သူပေါများ၊ချစ်သူရှား၏၊     
ယောက်ျားမပြီ၊မ မပြီပဲ၊မကြည် ဣနြေ္ဒ၊ 
ကျက်သရေမရှိ၊ဟိရီမကပ်၊သြတ္တပ်ကင်းကွာ၊
အင်္ဂါချို့တဲ့၊ရှိန်စော်မဲ့၍၊ချို့တဲ့ဥစ္စာ၊ဆင်းရဲရှာ၏။
ကွဲကွာ ချစ်သူ၊သောကဆူလျက်၊စိတ်ပူပြင်းပြ၊
ဆိုးကြောင့်ကြနှင့်၊လားရ ဒုဂ္ဂတိ၊ဆင်းရဲဖိသည်၊
ရ၏ဆိုးကျိုးများစွာတည်း။

     ကာမေသုမိစ္ဆာစာရကံ တွေကျူးလွန်ခဲ့ရင်တော့ ယောက်ျားမဟုတ်၊ မိန်းမ မဟုတ်တဲ့ သူတွေဖြစ်မှာပါပဲ။ အဲ့ဒီလိုလူတွေကို သူတို့ရဲ့အပြင်ပန်း လက္ခဏာတွေအရ သိနိုင်သလို။ အပြင်ပန်း အရမသိရပဲသူတို့ရဲ့ လိင်အင်္ဂါ တွေကြည့်မှ သိတာမျိုး၊ တစ်ချို့ဆိုသူတို့ရဲ့လိင်ခရိုမို ဇုံးတွေ အထိကြည့် ရပါတယ်။

    ယခုအခါ ဥရောပလို တိုင်းပြည်တွေမှာ (Homosexual) ခေါ်တဲ့လိင်တူခြင်း ဆက်ဆံတဲ့ မြန်မာလို(အခြောက်၊ အချစ်တော်) လို့ ခေါ်တဲ့ သူတွေများလွန်းလို့သူတို့ကိုလူကောင်း (normal)တွေလို့ သတ်မှတ်ရပြီး ဥပဒေအရ လက်ထပ်ခွင့်တို့၊ ခလေးမွေးစား ခွင့်တွေတောင် ပေးနေရတာ အားလုံးအသိပါ။
ကျမတို့ ဆေးကျောင်းသူ ဘ၀က အဲ့ဒီလို လိင်တူချင်း စိတ်ဝင်စားတဲ့သူ တွေကို (sexual perversion) သဘာဝ မဟုတ်သော လိင်ဆန္ဒာများ အနေနဲ့ သင်ခဲ့ရတာပါ။
 
 ကျမတို့မြန်မာနိုင်ငံမှာ ကံကောင်းထောက်မစွာ အဲ့ဒီလောက်မဆိုးသေးတာကို အား လုံးအသိပါ။ ဘာဖြစ်လို့လဲလို့စဉ်းစား ကြည့်တဲ့အခါ။ သူတို့တွေဟာ ကာမေသုမိစ္ဆာစာရကံ ကို မစောင့်ဆည်းကြတာကို တွေ့ရပါတယ်။ အိမ်ထောင်သည်ရော ဘာရောဂရုမစိုက်ပဲ၊ ကိုယ့် ခံစားမှုကို ရှေ့တန်းတင်တာကို တွေ့ရ ပါတယ်။ ဘယ်လောက်ထိအခြေအနေဆိုးနေသလဲဆိုရင် သွေးမစပ်လို့ကတော့ ကိုယ့်မိထွေး၊ ကိုယ့်မတ် တွေနဲ့ တောင်ဖေါက်ပြားဖို့ ၀န်မလေးကြ တာကိုကြားသိနေရပါတယ်။ ဖခင်အရင်းဖြစ်သူကလည်း ကိုယ့် သားသမီးကို ဖျက်ဆီးတယ်တဲ့ မကြားဝန့် မနာသာပါပဲ။

    ကျမပါရီရောက်စက ပြင်သစ်အမျိုးသားနဲ့ အိမ်ထောင်ကျတဲ့မြန်မာအမျိုးသမီး တစ်ယောက်က သူ့အမျိုးသားဟာ သူမအပြင် အခြောက်နဲ့လည်း ဆက်ဆံကြောင်း၊ သူ့မိထွေး နဲ့လည်းဆက်ဆံကြောင်း သူ့ပတ်ဝန်ကျင်က အမျိုးသမီးတွေနဲ့ဆက်ဆံတာကတော့ မရေ မတွက်နိုင်ဘူးတဲ့။ ကျမလုံးဝ မယုံခဲ့ပါဘူး။ သူ့အမျိုးသားက သူ့ကိုဂရုမစိုက်လို့ နဲနဲ ချောင်နေ တယ်လို့ ထင်ခဲ့တာ။ ပြင်သစ် စကား အတော်အတန် နားလည်တော့မှ သူမပြောတာ ဟုတ် မှန် နေတာသိ ရပါတော့တယ်။ လင်စံအရွေးမှားလို့ လင်ခွေး ထက် ဆိုးတဲ့ သူ ကြောင့်ချောင်တောင်တောင်ဖြစ်သွားရတာကို ကြေကွဲ ၀မ်းနည်းစွာသိလိုက်ရပါတော့တယ်။

လွန်ခဲ့တဲ့နှစ် ၂၆၀၀၀ လောက်ထဲက မြတ်ဘုရားဟောတော်မူခဲ့ပါတယ်။ လူတွေပျက် စီးခြင်းသုံးပါး ရှိတယ်တဲ့။
၁။အဓမ္မရာဂ (လူအကျင့်မဟုတ်သောတပ်မက်မှု)။ အမိ၊မိကြီး၊မိထွေးစသည့်မသင့်လျော်သော ပုဂ္ဂိုလ်များ၌ဖြစ်သောရာဂ။
၂။ဝိသမလောဘ=သင့်လျောသောအရာဝတ္ထုတို့၌အလွန်အကဲဖြစ်သောလောဘ။
၃။မိစ္ဆာဓမ္မ= ယောက်ျားအချင်းချင်း၊မိန်းမအချင်းချင်းတဏှာရာဂဖြစ်ခြင်းတို့ပါပဲ။ အခုနှစ်ဆယ့် တစ်ရာစုမှာဖြစ်မှာတွေကိုကြိုဟောခဲ့တာပါ။

  ယောက်ျားတွေရဲ့ ကိုယ်ကာယအားဟာမိန်းမတွေထက် သဘာဝအရ ပိုသာတာမို့ နိုင်ငံတကာ အမျိုးသမီးအားကစားပြိုင်ပွဲတွေမှာ၊ အမျိုးသမီး စစ်စစ် (လိင်ဗီဇအရ အမျိုးသမီး စစ်စစ်) ဖြစ်ရပါ့မယ်။
၁၉၉၅ လောက်ကထင်ပါတယ်။ မြန်မာ အမျိုးသမီးအားကစားမယ်တစ်ဦး စင်္ကပူမှာ ကျင်းပတဲ့ဒေသတွင်း အပြေးပြိုင်ပွဲမှာ ပဌမဆွတ်ခူးပါတယ်။ ဆုတံဆိပ် ဆွတ်ခူးတယ်ဆိုတော့ အမျိုးသမီးစစ်မစစ် သိရအောင် သူမရဲ့  ခရိုမိုဇုံးတွေကို စစ်ဖို့ တောင်းဆိုပါတယ်။ အဲ့ဒီအချိန်က အစွမ်းထက်တဲ့ (DNA) နည်းတွေ မပေါ် သေးတော့ ၊ ရှေးဟောင်း နည်းအရ အားကစားသမားရဲ့ အာခေါင်ထဲက ဆဲအချို့ကို ၀ါဂွမ်းနဲ့သုတ်ယူပြီး ဓါတ်ခွဲခန်းမှာ မွေးရပါတယ်။ မွေးထားတဲ့ ဆဲတွေရဲ့ ခရိုမိုဇုံးတွေကို အဆတစ်ထောင်ချဲ့ရင် မြင်နိုင်အောင် ကြီးထွားလာ အောင်လုပ်ရပါတယ်။  နောက် ကြီးနေတဲ့ ခရိုမိုဇုံးတွေကို ဆေးဆိုးပြီး၊ ဓါတ်ပုံ ရိုက်ပြီး ကြည့်ရ ပါတယ်။ အဲ့ဒီလို စစ်ဆေးဖို့ အချိန်အနည်းဆုံး တစ်ပတ်ခန့်ကြာပါတယ်။

မြန်မာအားကစားသမားတွေ ဆုနဲ့လွဲသွားမှာစိုးလို့ စင်္ကပူမှာ ဆေးစစ်တဲ့ အဖြေကို မစောင့်ပဲ ဆုတံဆိပ် ပိုက်ပြီး ခတ်မြန်မြန် ပြန်ပြေးလာကြပါတယ်။

အဲ့ဒီကိစ္စဖြစ်ပြီး နောက်ပိုင်း နိုင်ငံတကာပြိုင်ပွဲဝင်မဲ့ အမျိုးသမီးအားကစား သမားတိုင်းကို အမျိုးသမီး စစ်စစ်ဖြစ်ကြောင်း လိင်ဗီဇ စစ်ချက်ကို ကျမဌာနက ခရိုမိုဇုံးစစ်တဲ့  တာဝန်ယူရတာမို့။  အားကစားသမား များအပြင်၊ လိင်ပြဿနာဖြစ်နေတဲ့ အမျိုးသမီးတွေကိုလည်း မီးရပ်နဲ့သားဖွား ဆရာဝန်ကြီးတွေက တောင်းဆို လာရင်စစ်ဆေးပေးပါတယ်။

တစ်ချို့မှာ အမျိုးသမီးအင်္ဂါရော အမျိုးသားအင်္ဂါရော နှစ်မျိုးလုံးပါပါတယ်။ အဲ့ဒီလို အခါမျိုးမှာ လူနာရဲ့ ဗီဇလိင်ကို စစ်ဆေးရပါတယ်။ သူ့ဗီဇအတိုင်း သူ့ရဲ့လိင်အင်္ဂါတွေကို ခွဲစိပ် ကုသပေးပါတယ်။

    တခါကသီတာဆိုတဲ့ လူနာတစ်ဦးကို သူ့ယောက်ျားက အမျိုးသမီးနဲ့သား ဖွါးဆရာဝန် ဆီခေါ်သွားပြလို့၊ ဆရာဝန်က စစ်ဆေးကြည့်လိုက်တဲ့အခါ မဖွံ့ဖြိုးတဲ့အမျိုး သမီးအင်္ဂါ ရောအမျိုးသားအင်္ဂါရောရှိပြီး၊ သားအိမ်မရှိတာနဲ့ သူမရဲ့လိင်ဗီဇ သိချင်လို့ ပို့လိုက်တဲ့လူနာပါ။ အမျိုးသမီးဗီဇ ရှိတယ်ဆိုရင်၊ သူ့ယောက်ျားကလည်း ဆက်လက်ပေါင်းသင်းမယ်ဆိုရင်၊ ဆက်ဆံနိုင်ဖို့ ခွဲစိပ်ကုသ ပေးမှာဖြစ်ပါတယ်။

    မျိုးဥတွေဖြစ်စေတဲ့သားမျိုးအိပ် (Ovary) နဲ့ သန္ဓေသားကြီးထွားဖို့သားအိမ် (Uterus) ကိုတော့ ခွဲစိပ် ကုသလို့မရတာကြောင့် သား သမီး တော့ မရနိုင်ပါဘူး။ ခလေးမလေးက ၁၇-၁၈ အရွယ် မိန်းခလေးပါ၊ သူ့မိခင်က သူ့ မွေးတဲ့ အချိန်မှာပဲ သေဆုံးသွားပါတယ်။သူ့ဖခင် ကလည်းသူငယ်ငယ် ကပဲ ဆုံးပါးသွားပါ တယ်။ သူ့မှာအကို ၉ ယောက်ရှိပါတယ်။ အကိုတွေ ကြားမှာကြီးပြင်းလာရတော့၊ မိန်းမ ဓမ္မတာလာတာလဲ မသိ၊ ကိုယ်အင်္ဂါစုံမှန်း မစုံမှန်းလဲ မသိပဲ၊ အိမ်ထောင်ကျ မှသိရတော့တာပါ။ ဒါတောင် သူ့အမျိုးသားက ခေတ်ပညာတတ်ပြီး၊ ဆေးပညာ ဗဟုသုတ ရှိတဲ့သူမို့။ ပညာ နည်းပြီး၊တစ်ယူသန်တဲ့သူသာဆိုရင် အနှိပ်ဆက်ပဲ ခံရမလား။ လူထူး လူဆန်း ဆိုပြီး ပိုက်ဆံ ပဲရှာခိုင်းမလား မသိပါဘူး။
  
ကျမတို့ငယ်ငယ်က မေမေကပြောဘူးပါတယ်။ ခလေးတစ်ယောက် မွေးတိုင်းမေမေ ပဌမဆုံး ကြည့်တာက၊ အင်္ဂါစုံမစုံပဲတဲ့။ မေမေတို့ခေတ်က လက်သယ်ဆိုသူတွေနဲ့  အိမ်မှာမွေး ကြတာပါ။

      မွေးပြီးခလေးရေချိုးပေးတဲ့ အခါ၊ လက်သယ် (၀ါ) မေမေရဲ့အမေက မိန်းခလေးဆိုရင် (ကန်တော့နော်) မီးရပ်လမ်းကြောင်းပွင့်မပွင့်နဲ့ ယောက်ျားလေးဆိုရင် ကပ်ပယ်အိတ် ထဲ မှာ ဂွေးစေ့နှစ်လုံး ရှိမရှိ စမ်းသပ်ကြောင်းပြောပါတယ်။

   ဒီအချက်တွေဟာခလေးတွေရဲ့ ရှေ့ရေးအတွက် အလွန်အရေးကြီးပါတယ်။ အခုခေတ်မှာ ခေတ်ပညာ တတ်ပါတယ်ဆိုတဲ့ တစ်ချို့ဆို မီးရပ်သား ဖွါးဆရာမတွေတောင် ဒီအကြောင်းတွေမသိတာတွေ၊ မစမ်းမိတာ တွေကြောင့်ဒုက္ခရောက်ကြတဲ့ သီတာလို လူနာတွေအများကြီးပါ။ ရှေးလူကြီးတွေရဲ့ ပညာနဲ့ အကျင့် ကောင်းတွေကို ထိမ်းသိမ်းရမှာပါ။

မနန်းစိုး၊မနန်းစံလို နှစ်ယောက်ပူးနေတဲ့ ခလေးနှစ်ယောက် (Simian  twins)ကိုရွာ ကလက်သယ်က အောင်အောင်မြင်မြင် မွေးပေးခဲ့တာကို ထောက်ခြင်းဖြင့် မြန်မာ့လက်သယ်တွေရဲ့ ပညာကို အထင်သေးလို့ မရပါဘူး။ တကယ်ကျွမ်းကျင်သူနဲ့ ရမ်းကုကိုတော့ ခွဲခြားသိဖို့လိုအပ်ပါတယ်။

   အမျိုးသမီးတွေမှာ မီးရပ်လမ်းကြောင်းမပွင့်ရင်၊အရွယ်ရောက်လို့ ဓမ္မတာလာတဲ့အချိန် ဓမ္မတာသွေး တွေအပြင်မထွက်နိုင်ပဲ၊ သေဆုံးသည်အထိ ဒုက္ခရောက်နိုင်ပါတယ်။ ဒါကိုမြန်မာ အမျိုးသမီးတွေ အဓိပ္ပါယ် ကောက်မှားပြီး ဓမ္မတာမှန်မှန်မလာရင် သွေးတွေဝမ်းထဲမှာကျန်နေပြီး သေနိုင်တယ်လို့ ထင်ကြပါတယ်။
   
မွေးကာစမှာ အသားတွေက နုညံ့နေတာကြောင့် အပ်နဲ့တောင် ဖေါက်လို့ရပါတယ်။ ကျမတို့ ငယ်စဉ်က မေမေကရေချိုးစဉ် အပ်ကိုမီးကင်ပြီး (ပိုးသတ်ပြီးသားဖြစ်သွားပါတယ်) နားပေါက် ဖေါက်ပေးပါတယ်။ ခလေးက နာတောင်မနာလို့ ငိုရမှန်းတောင် မသိပါဘူးတဲ့။

အမျိုးသားတွေမှာ ဂွေးစေ့နှစ်လုံးကနေ အဖိုမျိုးဥတွေ ထုတ်ပါတယ်။ အဖိုမျိုးဥ တွေက ကိုယ်အပူ ချိန် 37 C ရှိတဲ့ဝမ်းဗိုလ်ထဲ မှာဆိုရင် သေပါတယ်။ ဒါကြောင့်ဂွေးစေ့နှစ် လုံးဟာအပူချိန်နည်းတဲ့ ကပ်ပယ်အိတ်မှာ ရှိရတာပါ။  တကယ်လို့ နှစ်ခုစလုံး အပြင်ကို မရောက်လာဘူး၊ ၀မ်းထဲမှာပဲရှိတယ်ဆိုရင်။ ခလေးမရနိုင် ပါဘူး၊ အသက်ကြီးလာရင်လဲ ၀မ်းခေါင်းအပူချိန် ကြောင့် ဂွေ့စေ့ကင်ဆာဖြစ် နိုင်ပါ တယ်။ 

       ဒီအကြောင်းနဲ့ပတ်သက်ပြီး လွမ်းမောစရာကောင်းတဲ့ ဇတ်လမ်းလေး တစ်ခုရှိ  ပါတယ်။
ဆေးကျောင်းသားတစ်ယောက်မှာ သူအလွန်ချစ်တဲ့ဇနီးမယားရှိပါတယ်။ သူ့ဇနီးကလည်း မိန်းမကောင်း မိန်းမမြတ်လေးပါ။ သူ့ကိုလည်း အလွန်ချစ်ပါတယ်။

      တစ်နေ့မှာ  သူ့ဇနီးကကိုယ်ဝန်ရှိ နေကြောင်း ၀မ်းသာအားရ ပြောပါတယ်။ ဆေးကျောင်းသားခမြာ   ၀မ်းသာရမည့်အစား သိပ်စိတ်ဆင်းရဲ သွားပါတယ်။ ဘာဖြစ်လို့လဲဆိုတော့သူ့ရဲ့ ကပ်ပယ်အိပ်ထဲမှာ ဂွေးဥ နှစ်လုံးလုံး မရှိပါဘူး။ သူ့ ဇနီးကိုလည်း မေးရမှာ မမေးရက်နဲ့၊ စိတ်ပင်ပန်းမှု ကိုအပြင်းအထန် ခံစားရင်း နောက်ဆုံး မခံစား နိုင်တဲ့တစ်နေ့မှာ အဆုံးစီရင် သွားပါတယ်။

   သူ့အလောင်းကို ခွဲကြည့်တဲ့အခါမှာ၊ ၀မ်းခေါင်းတွင်းက သူ့ဂွေးဥတွေဟာ အပူချိန်များပေမဲ့  မျိုးဥတွေကို ထုတ်နေတာကို အံသြစွာ တွေ့ကြရပါတယ်။ အဲ့ဒီ အချိန်ကစပြီး ဆေးပညာမှာဘယ်တော့မှ (always) အမြဲတမ်းဆိုတဲ့ စကားကို မသုံးပဲ (almost always) များသော အားဖြင့် ဆိုတဲ့ စကားပဲသုံးပါတယ်။ ဆိုလိုတာက တစ်ချို့ လူတွေမှာချွင်းချက်ရှိ နိုင်တယ်၊ ဘယ်တော့မှ ကံသေကံမ မပြောနိုင်ဘူး ဆိုတာကို သိစေဖို့ပါ။

    ကျမရဲ့ သူငယ်ချင်း ဆရာဝန်မ တစ်ယောက်ရဲ့အမျိုး လူပျိုကြီးတစ်ယောက်၊  အသက် ၄၀ မှာဝမ်းထဲက ဆင်းမလာတဲ့ (ဂွေးဥက ၀မ်းတွင်း မှာဖြစ်ပြီး မွေးခါနီးလောက်မှ ကပ်ပယ်အိပ်ထဲကို ဆင်းလာပါတယ်)။ ဂွေးဥကင်ဆာ ဖြစ်ပြီးသေဆုံးသွားပါတယ်။ သူ့ဂွေး ဥတွေ အပြင်မှာမရှိဘူး ဆိုတာသိပေမယ့်၊ ရှက်ပြီး မပြတာကြောင့်၊ ရှောင်နိုင်တဲ့ ကင်ဆာကြောင့် မသေသင့်ပဲ သေခဲ့ရတာပါ။

   ဟီရိသြတ္တပ္ပဆိုတာကို မြန်မာတွေ အဓိပ္ပါယ်ကောက် လွဲနေကြတယ်ထင်ပါတယ်။ သူ့အဓိပ္ပါယ်က အကုသိုလ်လုပ်ရမှာ ၊ပြောရမှာ၊ ကြံရမှာကို ရှက်ရ၊ ကြောက်ရမှာပါ။ ကုသိုလ် လုပ်ရမှာ၊ ပြောရမှာ၊ ကြံရမှာကို ရှက်ရ၊ ကြောက်ရမှာမဟုတ်သလို၊ အခုလို ကိုယ့်ကျန်းမာရေး နဲ့ပတ်သက်တဲ့ ကိစ္စတွေမှာ ရှက်ဖို့ ကြောက်ဖို့မဟုတ်ပါဘူး။

ကျန်းမာရေးဗဟုသုတတွေရကြပြီးကျန်းမာရွင်လန်းကြပါစေ။