အစိမ်းရောင်ဝတ်စုံနဲ့ခုံးကောင်

Recepi suggested by Boursin

copy from Medisite a la un

                                   

10cl de Boursin^® Cuisine Shallot & Chives

4 large scallops

100g of small shrimps

4 Zucchini

1 carotte

10 sprigs of Chervil

1 teaspoon of pink peppercorns

Salt

  pepper

 

၎ ယောက်စာ

ပြင်ဆင်ချိန်  ၃၀ မိနစ်
ချက်ချိန်   ၁၅ မိနစ်

                                                                                       

                                                                                        

 ပြင်ဆင်ပုံ                                                                                    

၁။ မုံလာဥနီများကို အခွံခွါ၊ရေဆေးပြီးပါးပါးလှီးပါ။ courgettes (အပြင်ပိုင်းကသခွါးသီးနှင့်တူသောခ၀ဲသီး)ကိုအခွံမခွါပဲထိပ်နှစ်ဖက်လှီး၊ရေဆေးပြီးအခွံခွါသောပစ္စည်းဖြင့်အပြားလေးများဖြစ်အောင်ခြစ်ထားပါ။

                   

၂။ ဆားအနည်းငယ်ခတ်ထားသောရေဆူထဲသို့မုံလာဥနီနဲ့courgettes များကို ၃-၄ မိနစ်ခန့်ထဲ့ပြုပ်ပြီး၊ရေအေးအေးတွင်ခေတ္တထားပြီးနောက်ဆယ်ထားပါ။ ဤသို့ပြုခြင်းဖြင့် အသီးအရောင်များမပြောင်းပဲ ပေါင်းသည့်အခါ နူးလွယ် စေ ပါသည်။

၃။ courgettes အပြား ၆-၇ ခုကို cross လုပ်ပြီးချပါ။ ပြုပ်ထားသော မုံလာဥနီ၊ပုဇွန်ငယ်၊ခုံးကောင်
လက်ဖက်ရည်ဇွန်းတစ်ဇွန်းစာ Boursin^® Cuisine Shallot & Chives၊ ဆား၊ Chervil၊ pink peppercorns၊pepperတို့ကိုထဲ့ပြီးအထုပ်ကလေးဖြစ်အောင်လုပ်ပါ။
 

၅။ ၎င်းအထုပ်များကို အိုးတစ်ခုတွင်ထဲ့၍ ၁၀ မိနစ်ပေါင်းပါ။

၆။ ပေါင်းထားသော အထုပ်များပေါ်တွင် Chervil၊ baies roses များတင်ပြီးအလှဆင်နိုင်ပါသည်။
 

မှတ်ချက်။
အထုပ်များကို ချက်ပြုပ်ရာတွင်သုံးသော ပလပ်စတစ် Film တွင်ထုပ်၍ပြုပ်ပါက ပုံစံ မပျက်အောင် လုပ်ရ လွယ်ပါသည်။
 

   ကျမ ဟင်းလုံးဝ မချက်တတ်ပါ။ ငယ်စဉ်အခါက အဖေ့ကို half-boil ကြက်ဥကျော်ပေးရာ ဆားမထဲ့မိ၍
အဖေက ကျမဟင်းချက်မယ်ဆိုရင် မချက်ဖို့တောင်းဆိုပါတယ်။ ပြောမရရင်တော့ အပြင်ထွက်စားမယ်လို့ပြောပါတယ်။ ဟင်းချက် ၀ါသနာမပါသည့်အပြင် စိတ်မရှည်ဘဲ အဆင့်ဆင့် ချက်ရမည်များကိုမစောင့်ဘဲ
ထဲ့တတ်ခြင်းနဲ့ ဟင်းမမည်းတတ်ခြင်း(စားသည့်အခါတွင်တော့ အလွန်ဂျီးများတတ်ပါတယ်) တို့ကြောင့် ကျမချက်သည့်ဟင်း ကျမပင် မစားချင်ပါ။ ဒီမကောင်းတဲ့အကျင့်က နိုင်ငံခြားရောက်တော့ အလွန် ဒုက္ခ ရောက်ပါတယ်။ ၁၉၈၆-၈၈ ခုနှစ်ဂျပန်သွားရတော့ ပရောဖက်ဆာက တိုကျိုမြို့မှာ နိုင်ငံ တကာက စားသောက်ဆိုင်တွေရှိတယ်ဆိုပြီးရှာတာ မြန်မာစားသောက်ဆိုင်ရှာမတွေတာနဲ့ယိုးဒယားဆိုင်ပဲ သွား အားပေးလိုက်ရပါတယ်။ ပြင်သစ်နိုင်ငံ ပါရီမှာတော့ ယခုထက်ထိ မြန်မာစားသောက်ဆိုင်မရှိသေးပါ။ ကျမက ချက်တာပြုပ်တာသာမတတ်တယ်။ မြန်မာအစာမှခုံမင်ပါတယ်။ မနက်စာဆိုလည်း မုံ့ဟင်းခါးတို့
အကျော်တို့၊ကောက်ညှင်းပေါင်းတို့စားချင်တာ၊ ပေါင်မှုန့်ဆိုမကြိုက်ဘူး။ ငယ်စဉ်က မေမေကချက်ဖို့ အချိန်မရလို့ပေါင်မုန့်/ကိတ်မုန့် ကော်ဖီပဲစားလိုက်ပါဆိုရင် ကျမ စိတ်ကောက်တော့တာဘဲ။ ကျမက ချော်ကလက်ထက်၊ထန်းညက်ကပိုအရသာရှိတယ်လို့ထင်တယ်။ တခါခါစဉ်းစားမိတယ်။ အရင်ဘ၀တွေက ကိုယ်မကြိုက်တာတွေလှူခဲ့မိလို့များ အခုလို ကိုယ်မကြိုက်တဲ့အစားအစာတွေကြားထဲရောက်နေသလားလို internet ခေတ်မှာ အချက် အပြုပ်ကျွမ်းကျင်သူတွေရဲ့ ပိုစ့်တွေကြောင့်မြန်မာအစာတွေကို အာသာပြေ ကိုယ့်ဘာသာချက်စား နိုင်လို့အားလုံးကိုကျေးဇူးတင်ပါတယ်။ ဒီပိုစ့်လေးက အချက် အပြုပ်ကျွမ်းကျင် သူတွေမိမိတို့ဥာဏ်ရွှင်သလောက် မြန်မာ့နည်းမြန်မာ့ဟန်နဲ့လက်စွမ်းပြနိုင်အောင်တင်ပြလိုက်တာပါ။

ပျော်ရွှင်ချမ်းမြေ့နိုင်ကြပါစေ။



ကျမ်းကိုး
Medisite a la une. Recipe of Catherine Madani

စိတ်ဘယ်မှာရှိသနည်း ?

စိတ်သည်အဘယ်မှာတည်ရှိသနည်း ? သိပ္ပံပညာရှင်တို့ယူဆသကဲ့သို့ဦးနှောက်သည်စိတ်ဖြစ်သလော ?
ဦးနှောက်တွင် ကိုယ်ခန္ဓာအစိတ်အပိုင်းအသီးသီးကိုထိန်းချုပ်သောအာရုံကြောအဖွဲ့အစုအမျိုးမျိုးတို့     
စုဝေးတည်ရှိနေကြသည်ကားမှန်၏။ သို့သော်ဦးနှောက်သည် စိတ်၏အလုပ်ရုံတစ်ခုသာဖြစ်ပြီး စိတ် မဟုတ်ပါ။ ဦးနှောက်သည်စိတ်ဖြစ်ခဲ့လျှင်ဘ၀သစ်တစ်ခု၌ဦးနှောက်သစ်ဖြစ်ပေါ်ရသဖြင့် မည်သူတစ်ဦး တစ်ယောက်မျှအတိတ်ဘ၀ကိုမမြင်၊မသိနိုင်ပါ။ ယခုမူ အတိတ်ဘ၀ကို မြင်၊သိနိုင်သောဇာတိဿရဥာဏ်ရ လူဝင်စားများအမြောက်အမြားရှိသည်သာမက၊ အိပ်မွေ့ချ၍အသက်လျော့ချသောနည်း (age-degression hypnosis) ဖြင့်လူတိုင်းလောက်ကို ငယ်စဉ်တောင်ကျေးကလေးဘ၀နှင့်အတိတ်ဘ၀ကိုမြင်သိ အောင် ပြုလုပ်နိုင်၏။ အတိတ်ဘ၀ကိုမြင်သိသည်ဆိုရာ၌ ကာယကံရှင်၏ စိတ်အထင်ဖြင့် ပြောပြ ခြင်းမျိုး မဟုတ်ဘဲထိုအတိတ်ဘ၀၌ကျင်လည်ခဲ့ရသည့် အထောက်အထာများကိုခိုင်ခိုင်လုံလုံ သိပ္ပံနည်း ကျကျ သုတေသီတို့စုံစမ်းသိရှိရခြင်းမျိုးဖြစ်ပါသည်။

        ထို့အပြင်စိတ်ချင်းဆက်သွယ်ခြင်း (telepathy)၊စိတ်စွမ်းအားဖြင့်ဝတ္ထုပစ္စည်းများကိုရွေလျားစေခြင်း (Psychokinesis)၊အနာဂတ်ဖြစ်ရပ်များကိုကြိုတင်သိမြင်ခြင်း (precognition)၊သူတစ်ပါးတို့၏စိတ်အကြံ များကိုသိရှိခြင်း(ပရစိတ္တ၀ိဇာနန)၊ဝေးလံဖုံးကွယ်နေသောအရပ်၌ရှိသည့်ရှုခင်းများကိုမြင်သိနိုင်ခြင်း(စက္ခုအဘိညာဏ်)၊ဝေးလံသောအရပ်မှအသံကိုကြားသိနိုင်ခြင်း(သောတအဘိညာဏ်)၊တန်ခိုး အမျိုးမျိုး ဖန်ဆင်းနိုင်ခြင်း(က္ကုဒ္ဓိဝိဓအဘိညာဏ်)စသောစိတ်၏တန်ခိုးသတ္တိများသည်လူ့လောက၌ ယနေ့တိုင် ထင်းရှားရှိနေကြ၏။ ထူခြားဆန်းကြယ်လှသောစိတ်၏စွမ်းရည်သတ္တိများကိုဦးနှောက်သီအိုရီ (Brain Theory) ဖြင့်မဖြေရှင်းနိုင်ရုံမျှမက အခြားမည်သည့်သိပ္ပံသီအိုရီ (Science Theory) များဖြင့်လည်း မဖြေရှင်းနိုင်ပါ။ စိတ်၏ထူးခြားမှုအားလုံးကိုမြတ်ဗုဒ္ဓ၏အဘိဓမ္မာကသာရှင်းပြနိုင်သည်။ အဘိဓမ္မာ၏ မြင်ကွင်းကျယ်(The great panorama of Abbidhamma) တွင်စိတ်၊စေတသိတ်တို့၏ လှုပ်ရှားမှုများကို အတိုင်းသားမြင်တွေ့နိုင်၏။ နာမ်စွမ်းအင်တစ်ရပ်ဖြစ်သည့်ကံတရားဖြင့်သတ္တ၀ါအမျိုးမျိုးဖြစ်ပေါ်ပုံ၊ သေဆုံးပုံ၊ဘုံအမျိုးမျိုးဖြစ်ပေါ်ပျက်စီးနေပုံများကိုပေါ်လွင်ထင်းရှားစွာမြင်တွေ့နိုင်သည်။
  မြတ်ဗုဒ္ဓ၏သဗ္ဗညုတဥာဏ်တော်ကားအလွန်သိမ်မွေ့သည့် စိတ်၊စေတသိတ် သဘောတရား များကို မြင်တွေ့ရုံသာမက ၎င်းတို့၏လုပ်ငန်းတာဝန်များ၊အချင်းချင်းဆက်နွယ်နေမှုများအား ပင်လယ် အတွင်း စီးဆင်းလာသောမြစ်အပေါင်းမှရေများကို ခွဲခြားပြသကဲ့သို့အဘိဓမ္မာတရားတော်တွင် ရှင်လင်း ဟောပြ ထားပါသည်။
      အကျဉ်းအားဖြင့်ဖေါ်ပြရသော်...
  သိတတ်သောစိတ်သည် အများထင်သကဲ့သို့တစ်ခုတည်းရှိနေသည်မဟုတ်။ အလိုလို သိနေသည် လည်းမဟုတ်။ တစ်ချိန်လုံးသိနေသည်လည်းမဟုတ်။ ခန္ဓာကိုယ်တွင်းတစ်နေရာ၌ ကိန်းအောင်း နေသည်လည်းမဟုတ်။

         စိတ်သည်အာရုံကိုသိတတ်သောသဘောဖြစ်သည်။ စိတ်သည်မျက်စိ၌လည်းတည်သည်။ နား၌လည်း တည်သည်။ နှာခေါင်း၌လည်းတည်သည်။ လျှာ၌လည်းတည်သည်။ ခန္ဓာကိုယ်တစ်ခုလုံး၌ပြန့်နှံ့နေသည့်ကာယပသာဒခေါ်ကိုယ်အကြည်ဓါတ်တို့၌လည်းတည်သည်။ နှလုံးသား အတွင်း၌ လည်း တည်သည်။

           အာရုံတည်းဟူသောအတိုက်ဓါတ်နှင့် အခံဓါတ်တည်းဟူသော ပသာဒရုပ်အကြည်ဓါတ်တို့
တိုက်သည့်အခါ သိမှုဟူသောစိတ်ဖြစ်ပေါ်လာသည်။ ဥပမာအားဖြင့် မီးခြစ်အိမ်ဟူသော အခံဓါတ်နှင့် 
မီးခြစ်ဆံ တည်းဟူသောအတိုက်ဓါတ်တို့ပွတ်တိုက်သည့်အခါ မီးတောက်ဖြစ်ပေါ်လာ၏။ ထိုမီး တောက်သည် နဂိုမူလ မီးခြစ်အိမ် ၌ရှိသည်လည်းမဟုတ်။ မီးခြစ်ဆံ ၌ရှိသည်လည်းမဟုတ်။  မီးခြစ်အိမ် နှင့်မီးခြစ်ဆံ ပွတ်တိုက်သည့်အခါမှသာပေါ်လာသည်။ ထို့အတူ စက္ခုပသာဒခေါ် မျက်စိ အကြည်ဓါတ်၌ အဆင်းအာရုံ တိုက်ခတ်သောအခါ မြင်သိစိတ်သည် မျက်စိအကြည်ဓါတ်၌ ဖြစ်ပေါ်လာသည်။  သောတပသာဒခေါ် နားအကြည်ဓါတ်၌အသံအာရုံတိုက်ခတ်သည့်အခါကြားသိစိတ်သည် နားအကြည် ဓါတ်၌ဖြစ်ပေါ်သည်။ ဃာနပသာဒခေါ်နှာအကြည်ဓါတ်၌ အနံ့အာရုံ တိုက်ခတ်သည့်အခါ နံသိစိတ်သည် နှာအကြည်ဓါတ် ၌ ဖြစ်ပေါ်သည်။ ဇီဝှာပသာဒခေါ် လျှာအကြည်ဓါတ်၌ အရသာ အာရုံ တိုက်ခတ်သည့် အခါ အရသာသိစိတ်သည် လျှာအကြည်ဓါတ်၌ဖြစ်ပေါ်သည်။ ကာယပသာဒ ခေါ် ကိုယ်အကြည်ဓါတ်၌ အထိအတွေအာရုံ တိုက်ခတ် သည့်အခါ ထိသိစိတ်သည် ကိုယ်အကြည်ဓါတ်၌ ဖြစ်ပေါ်သည်။ မနောဒွါရ ခေါ်သော ဘ၀င်စိတ်၌ ဓမ္မာရုံ အပါအ၀င်အာရုံ-၆ ပါးတို့အနက် တစ်ပါးပါး တိုက်ခတ် သည့်အခါ
မနောဝိညာဉ်ခေါ်အာရုံသိစိတ်သည် ဟာဒယ၀တ္တု၌ဖြစ်ပေါ်သည်။

            စိတ်တို့သည်ဖြစ်ပေါ်ပြီးနောက်ကြာရှည်စွာမတည်ဘဲပျက်စီးကြသည်။ မျက်စိတစ်မှိတ်လျှပ်တစ်
ပြက်အချိန်တွင်း၌စိတ်ပေါင်းကုဋေတစ်သိန်းမကဖြစ်ပျက်သွားသည်။ ထိုကြောင့်စိတ်တစ်ခု၏ သက်တမ်း သည် တစ်စက္ကန့်၏ကုဋေတစ်သိန်းပုံတစ်ပုံခန့်သာရှိသည်။ စိတ်ဖြစ်ပေါ်ခိုက်ခဏကို ဥပါဒ်ခဏ ဟုခေါ်၏။
စိတ်တည်နေခိုက်ခဏကို ဌီခဏ ဟုခေါ်၏။ စိတ်ပျက်ခိုက်ခဏကို ဘင်ခဏ ဟုခေါ်၏။ ထို ဥပါဒ်-ဌီ-ဘင် သုံးချက်ကို စိတ္တခဏတစ်ခု (၀ါ) စိတ်တစ်ခု ဟုခေါ်သည်။ ဤမျှတိုတောင်းသောအချိန်ကာလကို သိပ္ပံပညာရှင်များမတွေးမိကြသေးပေ။ အတိုတောင်းဆုံး ကင်မရာ တစ်ခု၏အလင်းတံခါးဖွင့်ချိန် (shutter speed) သည် တစ်စက္ကန့်၏နှစ်ထောင်ပုံတစ်ပုံခန့်သာရှိသည်။

(စာရေးသူ။ နှစ်ဆယ်ရာစုနှောင်းပိုင်းတွင်တွေ့ရှိသော nanotechnology (nm) တွင် တစ်မီတာကို ဆယ်ကုဋေ တပ်မံ၍အသေးစိတ်ခွဲခြားနိုင်သဖြင့် shutter speed ကို တစ်စက္ကန့်၏ သောင်းခြောက် ထောင်ပုံတစ်ပုံအထိ တိုတောင်းနိုင်လာသည်။ အစွမ်းထက်သော မှန်ဘီးလူးများဖြင့် ဒြပ်များ၏အသေးဆုံး ဟိုက်ဒရိုဂျင် အက်တွမ် ကိုမြင်နိုင်လာသည်။ ဒြပ်များ၏အက်တွမ် များသည် 1-100nm အရွယ် များ ဖြစ်သည်။ အစွမ်းထက်သော computer များကလည်း စာများ၊ဓါတ်ပုံများကိုလျှင်မြန်စွာပို့ပေးနိုင်သည်။
သို့ရာတွင်အလွန်အစွမ်းထက်သော computer တစ်ခုသည် အများဆုံး
1 TB/s = 1,000,000,000,000 byte/second သာပို့ပေးနိုင်သည်။ 1 KB/s ပို့နိုင်မှ အက္ခရာ 100 ကိုတစ်စက္ကန့်ပို့နိုင်သဖြင့် အများဆုံးပို့နိုင်သည်မှာ တစ်စက္ကန့်တွင် အက္ခရာ 1,000,000 သာ ရှိသေး သည်။)

       တစ်ဘ၀၏မထမဦးဆုံးဖြစ်သောစိတ်ကိုပဋိသန္ဓေစိတ်ဟုခေါ်သည်။ ထိုနောက် ဆက်တိုက်ဖြစ်သော စိတ်ကိုဘ၀င်စိတ်ဟုခေါ်သည်။ ဘ၀၏နောက်ဆုံးဖြစ်သောစိတ်ကိုစုတိစိတ်ဟုခေါ်သည်။ ၎င်းစိတ် သုံးမျိုးလုံးသည် ဟာဒယ၀တ္တုကိုမှီ၍ယခင်ဘ၀သေဆုံးချိန် မရဏသန္နာဇော အခါကယူခဲ့သော အာရုံကို အာရုံပြုသည်။ ပဋိသန္ဓေစိတ်၊ဘ၀င်စိတ်၊စုတိစိတ်တို့သည် ဤဘ၀ဖြစ်ပေါ်ရန် အကျိုးပြု လိုက်သော ကုသိုလ်ကံ၏ ၀ိပါက်စိတ်တို့ဖြစ်သည်။ လူဖြစ်စေသော ၀ိပါက်စိတ် ၉-မျိုးရှိသည်။ ပဋိသန္ဓေစိတ်၊သည်နောက်ဘ၀ကိုဖြစ်စေသည်။ ဘ၀င်စိတ်သည်အသက်ရှင်စဉ် ဘ၀ဆက်လက်တည်ရှိရန် ဆောင်ရွက် သည့်အပြင် စိတ်၌ အာရုံထင်ရန်တံခါးပေါက်လည်းဖြစ်သည်။ ဘ၀င်စိတ်ယူနေသောအလွန်သိမ်မွေ့သည့် မရဏသန္နာဇော အာရုံကိုကျွန်ပ်တို့မသိနိုင်။ အကြည်ဓါတ်တစ်ခုခု၌ ပြင်ပအာရုံတစ်ခုခုတိုက်ခတ်လာ သောအခါ ဘ၀င်စိတ်သည် မရဏသန္နာဇော အာရုံကိုစွန့်လွှတ်၍အာရုံသစ်သို့ဦးလှည့်၏။ အာရုံသစ်ကို သိရှိစေသော စိတ်အစဉ်အတန်းကိုဝီထိစိတ်များဟုခေါ်သည်။ ပြင်ပအာရုံကိုသိမှုပြီးလျှင် ဘ၀င်စိတ် များ ပြန်ဖြစ်သည်။ ထိုကြောင့်ကျွန်ပ်တို့တွင် ၀ီထိစိတ်နှင့် ဘ၀င်စိတ်များ အဆက် မပြတ် တစ်ခုပြီးတစ်ခု ရေအလျှင်စီးသကဲ့သို့ဆက်လက်ဖြစ်ပေါ်နေကြသည်။ ဤသည်ပင်လျှင် ဘ၀ဖြစ်သည်။ သံသရာဖြစ်သည်။


ကျမ်းကိုး
၁။ ဒေါက်တာမင်းတင်မွန်၏တက္ကသိုလ်အဘိဓမ္မာ။
၂။ wikipedia.


အောက်ပါတို့ကို ဓမ္မလက်ဆောင်ဆိုဒ် မှကူးယူဖေါ်ပြပါသည်။

ရေနှင့်တူသောစိတ် 

စိတ်ဟူသည်ရေနှင့်တူ၏။ ရေသည်မြေပေါ်သို့လောင်းလိုက်သော် နိမ့်ရာသို့သာ စီးဆင်းတတ်မြဲဖြစ်သည်။ မြင့်ရာသို့စီးဆင်းစေလိုပါက အတားအဆီးပြု လုပ်ပေး ရသည်။ ထို့အတူ၊ စိတ်သည် အတား အဆီး မရှိလျှင် မကောင်းသည့် အာရုံထံသို့သာ သွား တတ်၏။
<အရှင်ဇနကာဘိဝံသ (ချမ်းမြေ့ဆရာတော်)၏ စိတ်ယဉ်ကျေးက ချမ်းသာရ တရားတော်>  

မြို့နှင့်တူသောစိတ် 

စိတ်သည် မြို့ကဲ့သို့ ဖြစ်သည်။ မြို့တွင်တန်ဖိုးရှိသော ပစ္စည်း များ ရှိသဖြင့် လုံခြုံအောင် ထိန်းသိမ်းစောင့်ရှောက်ရန် လိုအပ် ၏။ တန်ဖိုးရှိသော စိတ်ကောင်းစိတ်မြတ်များ ပျက်စီးမသွားစေ ရန်စောင့်ရှောက်ရမည်။ စိတ်ကို လုံခြုံအောင် ထားနိုင်သည် နှင့်အမျှ တရားလျင်မြန်စွာရနိုင်သည်။ စိတ်မလုံခြုံပါမူ သူခိုး ဓါးပြများနှင့်တူသော လောဘ၊ ဒေါသ၊ မောဟ တို့ဝင် လာပေ လိမ့်မည်။
<ဒေါက်တာအရှင် ပညိဿရ၏ မြေအိုးပမာ ဤခန္ဓာ တရားတော်> 

မျောက်နှင့်တူသောစိတ်  

မျောက်သည် အငြိမ်မနေ အမြဲလှုပ်ရှားဆော့ကစား နေတတ်သည်။ အငြိမ်မနေသည်မှာ စိတ်၏ သဘာဝဖြစ်သည်။ ငြိမ်အောင်ပြုလုပ် ရလည်း ခက်၏။

<ဒေါက်တာအရှင်ပညိဿရ၏ စောင့်ထိန်းကျင့်မှ တရားရ တရားတော်> 

 

ပုထုဇဉ်စိတ်သည် မျောက်စိတ်နှင့် တူသည်။ ခဏခဏ
ပြောင်းလဲသောကြောင့်ဖြစ်သည်။
<ဦးဝိမလ (မိုးကုတ်ဆရာတော်)၏ အရှုခံစိတ် ၁၃မျိုးကို အရှု ဉာဏ် မောဟစိတ်နှင့် ဝိပဿနာရှုနည်းတရားတော်> 

ငါးနှင့်တူသောစိတ်

စိတ်သည် ငါးနှင့်တူ၏။ ရေတည်းဟူသော တည်ရာမှ ထုတ် ဆောင်ကာ ကုန်းပေါ်၌ တင်ထားသော ငါးသည် တဆတ်ဆတ် တုန်၍ တဖျတ်ဖျတ်ခုန် နေတတ်သည်။
စိတ်သည်လည်း ခန္ဓာ ငါးပါး ကိလေသာကို ပယ်ဖျက်ရန် ကမ္မဋ္ဌာန်းအာရုံ၌ ပစ်တင်ထားသည်ရှိသော် တဆတ်ဆတ်တုန်၊ တဖျတ်ဖျတ်ခုန် လျက်နေ၏။

<အရှင်ဇနကာဘိဝံသ (ချမ်းမြေ့ဆရာတော်)၏ စိတ်ယဉ်ကျေးက ချမ်းသာရ တရားတော်> 

ဖြစ်ပြီးပျက်တတ်သောစိတ်

အပ်ဖျားထိပ်တွင် တင်ထားသည့် မုန်ညင်းစေ့ပမာ စိတ်သည်
ဖြစ်ပြီဆိုသည်နှင့် တစ်ပြိုင်နက် ပျက်သွားတတ်သည်။
<ဦးသုမင်္ဂလ၏ သင်္ကြန်သင်တန်း(၄) တရားတော်>

Posted by ဉာဏ်ဦး၊ အေးဆက်

ယောဂီတွင်ရှိရမည့်စိတ်

၁။ အမိုးဆက်သော အိမ်နှင့်တူသည့် စိတ်ရှိရမည်။

အိမ်သည်အမိုးဆက်မနေလျှင် ကွာသည့်နေရာမှ မိုးရေ၀င်ပြီး အိမ်ပျက်စီးတတ်၏။ အမိုးဆက်မှ အိမ်လုံသည်။ အမှတ်သတိ ဆက်နေသော ယောဂီ၏ စိတ်တွင် လောဘ၊ ဒေါသ၊ မောဟ တည်းဟူသော ကိလေသာ ၀င်ရောက်နှိပ်စက်နိုင်ခြင်းမရှိ။

၂။ ကြွက်နှင့်တူသော စိတ်ရှိရမည်။

ကြွက်သည် မည်သည့်နေရာသို့သွားသည်ဖြစ်စေ အစာတည်း ဟူသော ဦးတည်ချက်တစ်ခုကိုသာထား၍ သွားသည်။ ယောဂီသည်လည်း ဝိပဿနာအမှတ်ဖြစ်အောင် ကြိုးစားမည်ဟူသော စိတ်သာရှိရမည်။

၃။ ထီးနှင့်တူသော စိတ်ရှိရမည်။

ထီးသည် အထက်မှာသာ အမြဲရှိရသည်။ ယောဂီ၏ စိတ်သည် လည်း ကိလေသာကို အနိုင်ယူ နိုင်ရမည်။

၎။ ပင့်ကူနှင့်တူသော စိတ်ရှိရမည်။

ပင့်ကူသည် အိမ်ဖွဲ့ကာ အလယ်တွင် ငြိမ်သက်စွာ စောင့်လျက်
နေ၏။ ပင့်ကူမျှင်တွင် အကောင်ငြိသော် ထွက်ပြီး ဖမ်းဆီးစား
သောက်သည်။ ယောဂီသည် ဒွါရ ၆-ပါးတွင် ဖွဲ့ယှက်ထားသော ကွန်ယက်သို့  ဝင်ရောက်လာသည့် ကိလေသာများကို ဖမ်း သတ် နိုင်ရမည်။

၅။ မီးနှင့်တူသော စိတ်ရှိရမည်။

မီးသည် လောင်စာကြီးသည် သေးသည် မဟူအကုန်ရှို့ မြိုက်
လောင်ကျွမ်းစေသည်။ ယောဂီ၏ စိတ်သည် ကိလေသာမှန်
သမျှ အကုန်ပယ်သတ်နိုင်ရမည်။

၆။ ကင်းမြီးကောက်နှင့်တူသော စိတ်ရှိရမည်။

ကင်းမြီးကောက်သည် အမြီးထောင်ထားသည်။ လာထိသော် အဆိပ်ဖြင့် ပစ်လွှတ်တတ်သည်။ ယောဂီသည် ဝိပဿနာဉာဏ် အမြီးထောင်ထားပြီး ၀င်လာသမျှ ကိလေသာများကို တိုက်ဖျက်ရမည်။

၇။ မျှော့နှင့်တူသော စိတ်ရှိရမည်။

မျှော့သည် အသားစိုင်ကို ခိုင်မြဲစွာစုပ်တွယ်ထားသည်။ ယောဂီ
သည် ထင်ရှားရာ အာရုံကို မိမိရရ ဆုပ်ကိုင်ပြီး မဂ်ဉာဏ်ကို ဆွဲကိုင်ရမည်။

<အရှင်ဆန္ဒာဓိက၏ ကိုယ့်စိတ်ကိုယ်စစ် တရားတော်>

Posted by ဉာဏ်ဦး၊ အေးဆက်

 

အလိမ် မခံရအောင်

လွန်ခဲ့သော အနှစ် ၃၀ ခန့်ကရန်ကုန်ဆေးသုတေသနဌာနမှာတာဝန်ထမ်းဆောင်နေစဉ် အထက်တန်း သုတေသနအရာရှိ ဆရာဝန်ဒေါ်မမနဲ့တွေ့ဆုံခဲ့ပါတယ်။ သူမဟာလူချမ်းသာသော အသိုင်းအ၀ိုင်းမှ ကြီးပြင်းခဲ့ (သူမ၏အဖွါးဖြစ်သူက ရပ်ကွက်တွေမှာနေထိုင်တဲ့သူတွေကိုအပေါင်း အသင်းမလုပ်ချင်ဘူးတဲ့) ပြီး၊ ဥာဏ်လဲထက်မြက်တဲ့အတွက် နိုင်ငံခြားပညာတော်သင်ဝင်ရောက်ပြိုင်ရာတွင်လည်းအရွေးခံခဲ့ရပါတယ်။

နိုင်ငံခြားသွားခါနီးလာရောက်နှုတ်ဆက်တဲ့အခါ သူမရဲ့နားမှာ စိန်နားကပ်အစား မဲမဲအလုံး တစ်ခုကို ရွေကွပ်ပြီး၊ပြောင်းဝတ်ထားပါတယ်။ နဲနဲထူးဆန်းနေတာနဲ့မေးကြည့်တော့ သူမ ကိုးကွယ်တဲ့ ဘုန်းကြီးက ပေးထားသော ဓါတ်လုံး ဖြစ်ကြောင်း။ နိုင်ငံခြားသွားမှာမို့နားကပ်လုပ်ပန်ထားခြင်းဖြစ်ကြောင်း။ သူ့ဆရာတော်လုပ်ပေးလို့သူ့မိတ်ဆွေ ဘယ်သူဖြင့် Director General ကနေ၀န်ကြီးဖြစ်သွားကြောင်း၊ သူမ၏သူငယ်ချင်းဆရာဝန်လင်မယားရဲ့သားဖြစ်သူ မွေးစဉ်က နေမကောင်းဖြစ်၍ ကလေးဆေးရုံ တင်ထားရကြောင်း၊အနောက်တိုင်းဆေးစစ်မှုအမျိုးမျိုး ပြုသော်လည်း ဘာရောဂါမှရှာမတွေကြောင်း၊ရောဂါရှာမရ၍ဘာဆေးကုရမှန်းလဲမသိကြောင်း၊ဆေးရုံပေါ်တင်ထားပြီး (symptomatic treatment) ခံစားနေရတာသက်သာအောင်သာပြုလုပ်ထားရသဖြင့် ၎င်း၏ ဆရာတော်ထံသွားလျောက်ရာ ဆရာတော်က စက္ကူအဖြူတစ်ရွက်ပေးလိုက်ပြီး၊၎င်းစက္ကူကိုမီးရှို့ပြီး ပြာကိုရေဖျော်ပြီး ခလေးကို တိုက်ခိုင်းကြောင်း၊အချိန်မီလျှင်ကလေးအသက်ရှင်မယ်လို့လဲပြောလိုက်ကြောင်း။ ထိုစက္ကူကိုမီးရှို့လိုက်ရာမြန်မာ အက္ခရာများထူးဆန်းစွာပေါ်လာတယ်လို့ပြောပါတယ်။

သူမကထပ်မံပြောပြသည်မှာ သူမ၏ဆရာတော်က ဗျည်း (consonant) အောင်ထားလို့ဒီလိုဖြစ်ရတာလို့ရှင်းပြပါတယ်။ ဗျည်းအောင်ဖို့အတွက်အလွန်သမာဓိကောင်းရကြောင်းလဲပြောပါတယ်။ ဒီအကြောင်း ကြားရတော့ ကျမငယ်ငယ်က (ball pen မပေါ်သေးလို့၊မှင်ထဲ့ရေးတဲ့ ဖေါင်တိန်တွေ သုံးပါတယ်။) ဖေါင်တိန်ထဲကို သစ်သီးရည်တွေထဲ့ရေးတာ၊ရှာလကာရေထဲ့ရေးတာတွေသတိရမိ ပါတယ်။ ရှာလကာရေ (acetic acid) ထဲ့ရေးရင် ရေထဲ့ရေးသလို ရေဆိုနေတုန်းစာတွေတွေ့ရပေမဲ့ ရေခြောက် သွားတဲ့အခါ ရေးထားတဲ့စာတွေပျောက်သွားပြီး ဘာမှဖတ်လို့မရတော့ပါဘူး။ ဒါပေမဲ့ အဲ့ဒီစာကို အပူပေးလိုက်ရင် ရေးထားတဲ့စာတွေပြန်ပေါ်လာပြီးပြန်ဖတ်လို့ရပါတယ်။ ဒီနည်းကို မီးကောင်ပေါက်တွေ ရီးစားစာကို အဖေအမေ မသိအောင်အပေးအယူလုပ်တဲ့အခါမှာသုံးကြပါတယ်။ စာဖတ်ချင်တဲ့အခါ စာကို မီးပူတိုက် လိုက်ရုံပါပဲ။ ဒီနည်းကို ဒေါ်မမတစ်ယောက်မသိရှာပါလား၊ သူမရဲ့အသိုင်းအ၀ိုင်းမှာ နိုင်ငံခြား ကလာတဲ့ အနောက်တိုင်းစက်ရုပ်တွေနဲ့ကစားခဲ့ရတာမို့ ကျမတို့လိုပေါက်ပေါက်ရှာရှာသဘာဝပစ္စည်း တွေနဲ့မကစားခဲ့ရလို့ထင်ပါတယ်။ ဒီအကြောင်းတွေမေ့နေတာ မနေ့က  စုံထောက် ဇတ်လမ်းတစ်ခုမှာ အပြင်လူနဲ့လုံးဝတွေ့ခွင့်မရှိတဲ့ ထောက်ကျနေတဲ့လူဆိုးက ထောင်တဲမှာငှါးလို့ရတဲ့ စာအုပ်က စာရွက်မှာ ကျင်ငယ်ရေနဲ့စာရေးပြီးအပြင်နဲ့ဆက်သွယ်တာကိုတွေ့လိုက်ရလို့ဒီအကြောင်း တွေပြန်သတိရမိပြီး၊ဒေါ်မမလို အလိမ်မခံရအောင်ရေးသားခြင်းဖြစ်ပါတယ်။

လူကောင်းတစ်ယောက်ရဲ့ကျင်ငယ်ရေဟာ pH 4.6 က 8 အထိရှိနိုင်ပါတယ်။ pH 7 ဆိုရင် neutral ဖြစ်ပြီး၊ သူ့ထက်နည်းရင် အက်စစ် (acidic) ဖြစ်ပါတယ်။ အသားစားတာများရင် အက်စစ် ဖြစ်ပါတယ်။ အသီးအနှံ့စားတာများရင် တော့ pH မြင့်စေတာမို့အက်စစ် မဖြစ်ပါဘူး။ အစားအသောက်အပြင်ဆေးများ၊ရောဂါများကြောင့်လည်း ကျင်ငယ်ရေရဲ့  pH ပြောင်းလဲနိုင်ပါတယ်။

ဒယ်အိုးဆရာတော်က ဓါတ်လုံးဆောင်ရင်လေး၊ ပွတ်ရင်ပြောင်၊ ရေစိမ်သောက်ရင်သေးပေါက်လို့အမှန်တရားတွေကို ပွင့်ပွင့်လင်းလင်းဟောတော်မူပါတယ်။

အလိမ်အညာခံရခြင်းမှကင်းကြပါစေ။

မြန်မာစကားလုံးလေးတွေရဲ့နောက်ကွယ်ကလေးနက်သောအဓိပ္ပါယ်များ။

မြန်မာစကားတွေရဲ့နောက်ကွယ်မှာ လေးနက်တဲ့အဓိပ္ပါယ်တွေရှိပါတယ်။ များသောအားဖြင့် ဗုဒ္ဓဘာသာက ဆင်းသက်တာများပါတယ်။ နေ့စဉ် ကျမတို့တစ်တွေစကားတွေဖေါင်နေအောင်ပြော နေကြပေမဲ့ ကိုယ်ပြောတဲ့စကားရဲ့အဓိပ္ပါယ်ကိုမသိကြတာများပါတယ်။ ဥပမာ။

၁။ တိရစ္ဆာန် ဆိုတာ အိပ်၊စား၊ကာမဂုဏ်ခံစားခြင်းဆိုတဲ့ သုံးမျိုးကိုသာသိတဲ့ သတ္တ၀ါကိုခေါ်တာပါ။
၂။ လူ့တိရစ္ဆာန် ဆိုတာ (အိပ်၊စား၊ကာမ၊ ဤသုံးဝတွင်လူနဲ့နွားဟာ မခြားတူတူ၊လူ လူ တစ်ခုထဲထူး၊အသိဥာဏ်တရား။) ဆိုတဲ့သီးချင်းစာသားထဲကလို အိပ်၊စား၊ကာမဂုဏ်ခံစားခြင်းကိုသာသိရင် လူဖြစ် နေပေမဲ့ လူအစစ်မဖြစ်သေးတဲ့သူတွေကိုဆိုလိုတာပါ။
၃။ ရှေးကအဘိဓမ္မာသိကြတဲ့ သူတွေက တိဟိတ် တိရစ္ဆာန် ဆိုပြီး နာမ၀ိသေသန (adjective) တတ်ပြီး တောင်ပြောကြပါတယ်။ ဘာဖြစ်လို့လဲဆိုတော့ တိရစ္ဆာန် ဆိုတာကောင်းတဲ့ ဟိတ် သုံးပါးဖြစ်တဲ့ အလောဘ၊အဒေါသ၊အမောဟ တစ်ခုမှမပါဘဲပဋိန္ဓေနေကြတဲ့သူတွေမို့ပါ။
၃။ ကာမပိုင်ယောက်ျား ဆိုတာ ယောကျာ်းတိုင်းကိုပြောတာမဟုတ်ပါဘူး။ သူမရဲ့ ကာမဂုဏ်ကို
တရားဝင်ပိုင်ဆိုင်တဲ့ယောက်ျားကိုပြောတာပါ။
၎။ မသိမသာ ဆိုတဲ့စကားကို မထင်ရှားတဲ့အပြောအဆို၊အပြုအမှု တွေမှာ သုံးကြ ပါတယ်။ ရပ်ရွာအရေး ဆောင်ရွက်ခဲ့တဲ့သူ ဆိုရင် တစ်ရပ်လုံးတစ်ရွာလုံးကသိကြပါတယ်။ ဒါပေမဲ့ရပ်အကျိုးရွာအကျိုး မဆောင် ရွက်တဲ့သူဆိုရင် ဘယ်သူမှ မသိကြပါဘူး။ အဲ့ဒီလိုလူသေတဲ့အခါ ဘယ်သူမှ မသိတဲ့ မသာအလောင်း။ အတိုချုံးတော့  မသိ မသာ ဖြစ်သွားပါတယ်။
၅။ ကျေးဇူးကန်းသည်။ ကန်းတယ်ဆိုတာ မမြင်တာပါ။ မိမိအပေါ်ပြုထားဖူးသော ကျေးဇူးတရား များကိုမမြင် တဲ့အတွက် ကျေးဇူးရှင်အပေါ် မလုပ်သင့်တာတွေ လုပ်ကြ တာကိုဆိုလိုတာပါ။
၆။ ကမ်းတက်သည် (spoilt)။ လိုက်လျောမှုကိုအခွင့်ကောင်းယူပြီး ပိုမိုအခွင့်အရေးယူခြင်း။ မြစ်၊ချောင်း၊
သမုဒ္ဒရာရေတွေဟာ သဘာဝအားဖြင့် ကမ်းကိုကျော်ပြီးမတက်ပါဘူး။ သဘာဝမဟုတ်ဘဲ ကျော်တက် ရင် တော့ ရေကြီးခြင်းစတဲ့ အန္တရာယ်တွေနဲ့တွေ့ကြုံပါလိမ့်မယ်။ ဒီလိုဘဲ အခွင့်ကောင်းပိုယူမိရင်အန္တရာယ်
တွေ့ပါလိမ့်မယ်။
ရ။ ကံတူအကျိုးပေး။ ကံမ နိယာမအရ ကံတစ်ခုကိုပြုလုပ်လိုက်ပြီဆိုရင်၊အဲ့ဒီကံရဲ့ ကောင်းကျိုး၊ဆိုးကျိုးတွေကို ခံစား ရပါမယ်။ မိသားစုတစ်စု၊ဒါမှမဟုတ် ကား၊ရထားစတာတွေနဲ့အတူသွားသူတွေ အတူတူအန္တရာယ်တစ်ခုခုနဲ့ရင်ဆိုင်ရတာဟာရှေးဘ၀တွေကပြုခဲ့တဲ့ကံတွေတူကြလို့အကျိုးတူ ခံစား ရတာပါ။
၈။ ကံကုန်သည်။ လူ့ဘ၀ရဖို့အတွက်လုပ်ခဲ့တဲ့ ကုသိုလ်ကံတွေကုန်သွားရင် လူအနေနဲ့ဆက်လက် ရှင်သန်လို့မရတော့ပါဘူး။ ဒါကြောင့် ကံကုန်တယ်ဆိုတာ သေဆုံးတယ်ဆိုတာထက်  ပိုပြီး အဓိပ္ပါယ်
လေး နက်ပါတယ်။
၉။ ကျွန်းကိုင်းမှီ  ကိုင်းကျွန်းမှီ (mutual reliance)။ ကျွန်းတစ်ခုရပ်တည်နေဖို့ဒီကျွန်းမှာပေါက်နေတဲ့ ကိုင်းပင်တွေက ထောက်ပံ့ပါတယ်။ ကိုင်းပင်တွေဆက်လက်ရှင်သန်ဖို့အတွက်လဲ ကျွန်းရှိမှဖြစ်ပါတယ်။ ဒါကြောင့်တစ်ဦးနဲ့တစ်ဦးအပြန်အလှန်အမှီသဟဲပြုကြတဲ့အခါမှာအသုံးပြုပါတယ်။
၁၀။ ပေါ့ဆ သည်။ ပေါ့တယ်ဆိုတာ မလေးနက်တာ၊ ဆ တယ်ဆိုတာ အလေးချိန် ဘယ်လောက်ရှိ သလဲဆိုတာ လက်ပေါ်တင်ပြီးမှန်းဆကြည့်တာ။ ဒါကြောင့် မတိကျဘူး။ အားလုံးချုံလိုက်တော့ လေးနက်မှုတိကျမှု မရှိဘူးလို့အဓိပ္ပါယ်ရပါတယ်။

လေးနက်တဲ့အဓိပ္ပါယ်တွေနဲ့ဖွဲ့စည်းထားတဲ့မြန်မာစကားတွေကိုထိန်းသိမ်းတဲ့အနေနဲ့ အဓိပ္ပါယ် မရှိတဲ့ ဗန်းစကားတွေ (slang) မပြောဆိုခြင်းဖြင့်  ကာကွယ်စောင့်ရှောက်ကြပါဆို့

ဆက်လက်ဖေါ်ပြပါမည်။

အခြားသောမြန်မာစကားများအပြင်။  စာလုံးပေါင်း အမှားများ၊ အဓိပ္ပာယ်ဖွင့်ဆိုချက်အမှားများ၊ တွေ့ရှိပါက comment ပေးခဲ့ခြင်းဖြင့် အားပေးကြပါလို့။