2nd MB တန်း

(လွန်ခဲ့တဲ့ 5 decade က ငယ်ရွယ်နုပျို၊အပြစ်ကင်းပြီးချစ်စရာကောင်းတဲ့ အချိန်တွေကို ခဏဖြစ်ဖြစ်
ပြန်လည်ခံစားနိုင်ရအောင် သူငယ်ချင်းတွေရဲ့အမည်တွေကိုထဲ့ရေးထားတာကိုနားလည်ခွင့်လွှတ်ကြမယ်လို့
ထင်ပါတယ်။)
1st Year Jr and Sr တန်း ၂ နှစ်တက်ပြီးချိန်မှာတော့ 2nd year MB တန်းတက်ရပါတယ်။ Jr and Sr လို့မခွဲပါဘူး၊ စာတွေများလို့ပေါင်းပြီး တစ်နှစ်ခွဲတက်ရတာပါ။ preclinical  တန်းလို့လဲဆိုနိုင်ပါတယ်။ clinical ခေါ်တဲ့ လူနာတွေနဲ့မတွေ့ခင်ပြင်ဆင်ရတဲ့အချိန်ပေါ့။ ဒီအတန်းမှာ Physiology and Anatomy ဘာသာရပ် ၂ ခုသင်ရပါတယ်။ Physiology ဘာသာမှာ မနက်ဘက် lecture တက်ပြီး၊ညနေပိုင်း Physiolgist တွေရဲ့နံမည်တွေပေးထားတဲ့ အခန်းလေးတွေမှာ တစ်ခန်းကိုကျောင်းသား 20 နဲ့ tutorial ဆရာတစ်ယောက်ဆီ မနက်ကသင်လိုက်တဲ့ lecture တွေကိုပြန်ရှင်းပြတာရယ်။ Physiology နဲ့ဆိုင်တဲ့ practical တွေရယ်လုပ်ရပါတယ်။ ကျမတို့ အတန်းက roll no 61-80 ပါ။ ပထမ ပိုင်းမှာဆရာဦးသန်းတိုး နောက်ပိုင်း ဆရာမ ဒေါ်နွယ်နွယ်သိန်းပါ။ S4 (Sherrington) ပါ။ S1 -4 အထိရှိပါတယ်။ S3 နဲ့ S4 ကကပ်ရက်ပါ။ အတန်းချင်းကပ်သလို ကျောင်းသားချင်းလဲ ခင်မင်ရင်းနှီးကြပါတယ်။ S3 ကဆရာမက နောက်ပိုင်း ဒေါ် Kitty Pyo Nyein ပါ။ ကျမတို့ S4 ကကျောင်းသားတွေနဲ့ S3 ကျောင်းသား တွေပြိုင် စရာမရှိ ဆရာမခြင်းပြိုင်ကြပါတယ်။ ဒေါ် Kitty Pyo Nyein ကငယ်ရွယ်ပြီးတော်တော်လေးလှပါတယ်။ အထူးသဖြင့် ၀ိုင်းစက်ပြီးရွှမ်းလဲ့နေတဲ့မျက်လုံးတွေပါပဲ။ နားလေးနှစ်ဘက်က ရောင်ရောင်လေး ကားပြီး နေတာကြောင့် နဂါးမလေးမောင့်ချစ်သူလို့ မထိတထိပြောသူများလဲရှိပါတယ်။ ဒီလောက်ချော်လှတဲ့သူကို S4 ကျောင်းသား တွေအပြစ်ရှာပုံကတော့ နင်တို့ဆရာမက မနက်မနက်သူ့မေးစိရှာနေရတယ်တဲ့။ S3 ကကျောင်းသားတွေကလည်းအားကျမခံ နင်တို့ဆရာမကမနက် ဘက်မိတ်ကပ်လ်ိမ်းနေရတာ နဲ့ အချိန်ကုန်တယ်တဲ့။ ဆရာမ နစ်ယောက်သာသိလို့ကတော့ဒီကျောင်းသားတွေမလွယ်ဘူး။ စာတွေများ လွန်းလို့ကြံဖန်ပျော်ကြရှာတာထင်ပါတယ်။ ဒီအတန်းက တော်တော်နတ်ကြီးတာ။ ဒီအတန်းမှာစာတွေပိပြီး စိတ္တဇဆေးရုံရောက်တဲ့သူနဲ့၊ 2 F ထိပြီး ကျောင်းကနေအပြီးအပိုင် ထွက်ရတဲ့သူတွေလဲ အတန်းတိုင်း မှာ ရှိပါတယ်။


Physiology practical မှာလူကောင်းတွေရဲ့ စံ normal data တွေကို ရှာဖွေရပါတယ်။ အဲ့ဒီအတွက် သွေးဖေါက်ခံဖို့၊ဆီး collect လုပ်ဖို့ suject လုပ်မဲ့ volunteer လိုပါတယ်။ volunteer မရှိရင်တော့ မဲနှိက်ကြရပါတယ်။ ကျမတို့ထဲမှာ Peter Thura ကသွေးဖေါက်ခံဖို့တော့ သူ volunteer မလုပ်နိုင်ဘူး၊
ဆီး collect လုပ်ဖို့ အတွက်တော့ volunteer လုပ်မယ်လို့ပြောပါတယ်။ သူ့ကြောင့် ဆီး collect လုပ်ရမဲ့ practical တွေအတွက်စိတ်အေးကြရပါပြီ။ ကျေးဇူးပါ သူရ။


စောစောပိုင်း ဆရာဦးသန်းတိုးနဲ့တုံးက ဆရာက Physiology text ထဲကကျက်မှတ်ထား တဲ့စာတွေမေး လေ့ရှိပါတယ်။ ဆရာစာမမေးခင် ကျမတို့အချင်းချင်းဆွေနွေးကြပါတယ်။ သူရက ဘာကောက်ချက် ချ သလဲဆိုတော့ ငါညက စာဖတ်တာ ကြွက်တွေ၊ယုန်တွေ၊ခွေးတွေမှာစမ်းသပ်တာတွေနဲ့တင်ပြီးသွားတယ်။ လူဆီလဲရောက်ရော်ငါအိပ်ပျော်သွားတယ်တဲ့။ သူ့အလှဲ့ရောက်လို့ဆရာစာမေးတဲ့အခါ သူဖတ်ထား တဲ့ အတိုင်း တိရစ္ဆာန်တွေတစ်မျိုးပြီးတစ်မျိုးဆီမှာစမ်းတဲ့အကြောင်းတွေ ခရားရေလွှတ်ပြောတာ (သူရက စကားပြောလဲမြန်တယ်) နဲ့ဆရာကဖြတ်မေးတယ်။ သူရက သူ့ကိုအဲ့လိုဖြတ်မေးလို့မရဘူး အစကနေ ပြောမှရတယ်ဆိုပြီးဆက်ရွတ်တာ ဆရာလဲ ဘာမှ မတတ်နိုင်တော့ဘူး။ နောက်လဲ သူရကို စာမမေး ရဲတော့ဘူး။ (very intellgent Thura ) သူရက ကျမတို့အားလုံးထဲမှာ အငယ်ဆုံး။ သဘောလဲကောင်း
စိတ်လဲရှည်၊အနစ်နာလဲခံပါတယ်။ ရိုးလဲရိုးတယ်။ တစ်ခါတော့ ခုံပေါ်ထိုင်ပြီးအလှည့်ခံရမဲ့  volunteer လုပ်မဲ့သူမရှိတာနဲ့ မဲနှိက်ကြရပါတယ်။ အားလုံးနှိက်ပြီး ဘလာမဲတွေဖြစ်နေတာနဲ့ နောက်ဆုံးနှိက်ရမဲ့ သူရကို ကဲနှိက်စရာမလိုတော့ဘူး။ မင်း volunteer လုပ်ရမယ်လို့ ပြောတာကြားလိုက်ပါတယ်။ နောက်မှသိရတာ ဘဟန်တို့လူလည်ကျပြီးအားလုံး ဘလာမဲတွေလုပ်ထားပြီး သူရကိုနောက်မှ နှိက်ခိုင်း
တာတဲ့။ (သူရရေး ဘဟန် ယူ့ဆီလာလည်ရင် ခုံပေါ်ထိုင်နေတုံးလည့်လိုက်ပေတော့)။
သူရတို့က မောင်နှမ သုံးယောက်လုံး တစ်တန်းထဲ။ သူ့ညီမ ဆိုဖီက ကျမနဲ့ anatomy dissection မှာတစ်ဖွဲ့ထဲ။ 2003 America ကို ဘဟန်အလည်ခေါ်သွားတော့ မောင်နှစ်မ သုံး ယောက်လုံး တစ်ဝင်း ထဲမှာ ပျော်ပျော်ရွှင်ရွှင် နေ နေကြတာ ၀မ်းသာစရာတွေ့ခဲ့ရပါတယ်။




Physiology lecturer တွေထဲမှာ ဆရာမကြီး ဒေါ်သင်းသင်းလှိုင် ကိုမသိသူ မရှိပါဘူး။ ဆရာမကြီးကို
ကျောင်းသားအားလုံးချစ်ကြောက်ရိုသေကြပါတယ်။ ဆရာမကြီးက lectuer မှာ microphone မပါပဲ
သင်နိုင်လောက်အောင် အသံအောင်ပါတယ်။ ကျောင်းသားတွေတတ်စေချင်လွန်းလို့ အော်နေဆူနေပေမဲ့
သူ့ကျောင်းသားတွေ စာမေးပွဲကျမှာအလွန်ကြောက်ရှာတယ်တဲ့။ ဒါကြောင့်စာမေးပွဲမှာသူနဲ့ viva ဖြေရရင် အောင်ဖို့သေချာသလောက်ပဲတဲ့။ ကျမစာမေးပွဲဖြေဖို့ တစ်လလောက်အလိုမှာ အကြောက်လွန်ပြီး
ဘာစာမှ ဖတ်လို့မရ မှတ်လို့မရတဲ့အပြင် ဖတ်ပြီးသားတွေပါအားလုံးမေ့ကုန်တယ်။ ဘယ်လောက် တောင်ဆိုးလဲဆိုရင် သူငယ်ချင်းတွေက ဆရာမကြီး ဒေါ်သင်းသင်းလှိုင် လို့ပြောတာ ဒီနံမည်ကြားဘူး
ပါတယ်။ ဘယ်သူလဲလို့မေးမိထဲ့အထိပါပဲ။ သူငယ်ချင်းတွေကလဲစိုးရိမ်သွားတယ်။ စိတ္တဇဆေးရုံပဲ ပို့ရတော့မလားပေါ့။ ကျမလဲ စိတ်ညစ်နေလို့ဘာမှမထူးဘူး။ ဆေးကျောင်းရောက်ကထဲက ကျမကြိုက်တဲ့
ရုပ်ရှင်ရုံတွေဘက် မရောက်တာ (ကျောင်းပိတ်ရက်တောင်ရုပ်ရှင်မကြည့်ပဲ စာပဲလုပ်နေခဲ့ရတာ) အတိုးချကြည့်မယ်ဆိုပြီးရုပ်ရှင်ပဲ ကြည့်နေခဲ့တယ်။ ကံကောင်းထောက်မစွာ စာမေးပွဲခန်းမှာ အရင်ဖတ်ထားတဲ့ စာတွေပြန်ပေါ်လာလို့ စာမေးပွဲကို ချောမောစွာ viva မထိပဲအောင်ခဲ့ပါတယ်။


သြ စာမေးပွဲကြောက်တဲ့ သူငယ်ချင်းတစ်ယောက်ရှိသေးတယ်သူက ခင်မောင်ဝင်း။ final exam နားနီးတော့ သူက ခေါင်းပေါ်လက်အုပ်အုပ်ပြီးလမ်းလျောက်တယ်။ ဘာလို့လဲဆိုတော့ မတော်တဆ
ခလုပ်တိုက်လဲရင် ဖတ်ထားတဲ့စာတွေထွက်ကုန်မှာစိုးလို့တဲ့။

အမှတ်ရမိသော 1st MB Sr တန်းမှ practical များ

1st MB Sr တန်းတွင် နံနက်ပိုင်း lecture များတတ်ရပြီး ညနေပိုင်းတွင် physics နဲ့ inorganic chemistry
Practical များလုပ်ရပါတယ်။ physics Practical အနေနဲ့ မှန်ဘီးလူးများ၊ သံလိုက်များနဲ့ physic law တွေကိုလက်တွေ့လုပ်ကြရတာပါ။ တစ်ခါမှာ magnetic law နဲ့ပတ်သက်တဲ့ လက်တွေ့အနေနဲ့သံလိုက်
အိမ်မြှောင်နဲ့လက်တွေ့လုပ်ကြရပါတယ်။ ဒါပေမဲ့ သံလိုက်အိမ်မြှောင်ကိုဘယ်လိုမှ ချိန်လို့မရပါဘူး။
ဘယ်ရမှာလဲ သူငယ်ချင်းတစ်ယောက် (ထွန်းကျော်ငြိမ်း) က သူ့ခြေထောက်ရဲ့ခြေမနဲ့ခြေညှိုးကြားမှာ
သံလိုက်ခြောင်းကိုညှပ်ပြီး ကျမတို့အိမ်မြှောင်အောက်တဲ့တဲ့စာပွဲခုံအောက်ကနေလှုပ်နေလို့ပါပဲ။






အမှတ်ရမိတဲ့ chemistry Practical တစ်ခုကတော့ ပေးထားတဲ့ alkaline solution အတွက်လိုအပ်တဲ့
acid volume ကို titration လုပ်ပြီးရှာရပါမယ်။ ဘီကာထဲမှာ  ပေးထားတဲ့ solution ကိုထဲ့ပြီး burette ထဲက acid ကိုတစ်စက်ချင်းချ၊မွေပြီး ph indicator နဲ့ neutral point ကိုရှာခြင်းဖြင့် လိုအပ်တဲ့ acid volume ကိုရှာရပါတယ်။ acid ကို တစ်စက် ချင်းချနေပေမဲ့ acidic ဖြစ်သွားလို့ solution ထပ်ထဲ့ ရ ပါတယ်။ ဒါပေမဲ့ alkaline ဖြစ်သွားပြန်လို့ acid ထပ်ထဲ့ရပြန်ပါတယ်။ ဟော့  acidic ဖြစ်သွားပြန်ပြီ ။ဒါနဲ့ပဲ neutral point ကိုမရောက်နိုင်ပဲ အချိန်တွေ သာတစ်ဖြေးဖြေးကုန်လာပါတယ်။ titration လုပ်ရင်း မနက် ကျောင်းမလာ ခင်တွေ့ခဲ့တဲ့ မုန့်ဟင်းခါး ဆိုင်က အဒေါ်ကြီးကို ပြေးမြင်ေ၇ာင်မိပါသေးတယ်။ အဒေါ်ကြီးက မုန့်တွေများနေလို့ဟင်းရည် ထပ်တောင်းပါတယ်။ ဈေးသည်က ကြည်ကြည်ဖြူဖြူ ဟင်းရည်တွေ ထဲ့ ပေးလိုက်ပါတယ်။ အဒေါ်ကြီးက ဟင်းရည်တွေများသွားလို့ဆိုပြီး မုန့်ဖတ်ထပ်တောင်းပါတယ်။ ဒီတစ်ခါတော့ ဈေးသည်က စောင့်အောင့်ပြီး မုန့်ဖတ်နဲနဲထဲ့ပေးလိုက်ပါတယ်။ သြ ငါလဲဟို အဒေါ်ကြီး လိုဖြစ်နေပြီး။ acid များလိုက် alkaline များလိုက်နဲ့ ကျောင်းဆင်းချိန်လဲတော်တော် ကျော်နေပြီ  tutorial ဆရာမ မောင်းမထုတ်ခင် titration မလုပ်ပဲ ရပ်လိုက် ပါတယ်။ အဖြေကတော့ အနီးစပ်ဆုံးပေါ့။ အဖြေ မမှန်လို့ အမှတ်လျော့လည်း မတတ်နိုင် ကံမသကာလို့ပဲသဘောထား လိုက် ပါတယ်။ ကိုယ့်မှာသာ titration လုပ်လို့ချွေးတွေ တောင်ဆို့နေတယ်။ တစ်ချို့ကျတော့ ဘာမှ တောင်မလုပ်လိုက်ရပဲ။ အစောကြီးပြီးလို့ပြန်တောင်ပြန် ကုန်ပြီ တော်လိုက်ကြတာ။ လက်ဆ တော်တော် ကောင်းတာပဲလို့အောက်မေ့မိတယ်။ နောက်မှ သိရတာက သူတို့က titration  ကို သဘော လောက်ပဲလုပ်ပြီး။ ပေးထားတဲ့ ph ကနေ လိုအပ်တဲ့ acid ကိုထွက်ယူလိုက်တာတဲ့။ သြ  ဥာဏ်ကို လွှာသုံးတယ်ဆိုတာ ဒါပေါ့နော်။ အ တဲ့သူခံပေါ့။ ကျမ တစ်ယောက် တစ်နှစ်လုံး အ ခဲ့ တုံးခဲ့ပုံများ Practical နောက်ကျမှပြီးလို့ အဖေက စိတ်မရှည်ပဲ လာမကြိုတော့ဘူး။ ဒါနဲ့ main က ferry  ကား စီးပြန်တော့လည်း ပြန်တာနောက်ကျလို့ မစောင့်နိုင်လို့ဆိုပြီး မကြိုတော့ဘူး။ နောက်ဆုံး ပိတောက်လမ်းက မောပန်းနွမ်းနယ်စွာနဲ့ နံပါတ် 16 bus စီးပြီးပြန်ရပါတော့တယ်။ ကံကောင်းချင်တော့ ကိုယ့်လိုဥာဏ်ကြီးရှင် တာမွေမှာနေတဲ့ မ အ၀င်းနဲ့သူငယ်ချင်းဖြစ်ပြီး နှစ်ယောက်သာ ပြန်ဖြစ်ပါတော့တယ်။ ( bus ပေါ်ကဒုက္ခတွေနောက်မှသပ်သပ်
ေ၇းပါမယ်)





အဲ့ဒီ နေ့က Practical ကမောမောနဲ့ပြန်လာတာမို့ duty coat လဲလျော်ချင်စိတ်မရှိတာနဲ့ အိမ်နားက ဒိုဘီကုလား ဆီပို့လိုက်ပါတယ်။ ကုလားလေးက မနက်ဖန်လာယူဖို့ချိန်းပါတယ်။ duty coat သွား ရွေးတော့ duty coat  ဖြူဖြူလေး၊ဒိုဘီထိုးထားတာကော့်နေတာပဲ။ ဒါပေမဲ့ duty coat တစ်ခု လုံး ရစရာမရှိအောင် ပေါက်ပြဲနေ ပါတယ်။  ဟင် ဘယ်လိုဖြစ်တာလဲ။ ကိုယ့် duty coat မှဟုတ်ရဲ့လား သူများဟာများဖြစ်နေမလားလို့ကြည့် လိုက်တော့။ ကိုယ့်ဟာမှ ကိုယ့်ဟာ အစစ်ပါလို့ duty coat မှာထိုးတားတဲ့ နံမည်က သက်သေခံနေ တယ်လေ။ မနေ့ကငါပေးတုံးက အကောင်းပါဆိုတော့။ ကုလားလေးလဲ မျက်နှာငယ်နဲ့ အမ ကျနော် လဲမသိဘူး။ ကျနော် ကောင်းကောင်းလျော်ပါတယ်။ ဒါပေမဲ့လျော်လဲပြီးေ၇ာ် ဒီလိုဖြစ်သွား တာပဲလို့ပြောရှာတယ်။ ကျမလဲမကျေ မနပ်နဲ့ပေါက်ပြဲနေတဲ့ duty coat ယူပြန်လာခဲ့ပါတယ်။ ဒီ duty coat ကလွယ်လွယ်ရခဲ့တာမဟုတ်ဘူး။ ဆေးကျောင်းဝင်ခွင့် ရတဲ့ အတွက် ရပ်ကွက်ထဲမှာ ပေါ်ပလင်အနားပြာ ၂ ကိုက်ကို လျောက်လွှာတင်ပြီးဝယ်ခဲ့ရတာ။ လျောက်လွှာ တင်ရမယ်ဆိုတော့ ဟန်ကျတာပဲ။ ကိုယ့်လမ်း အပိုင်စား အမျိုးသမီးရဲ့ညီမ ကို ကိုယ် ဆယ်တန်းအောင်ပြီး ဆေးကျောင်းမ၀င်ခင် ကျောက်မြောင်းကျောင်းမှာလုပ်အားပေးစဉ်က သူ့ညီမ အတန်းကို သင်ပေးရတာ။ သူ့ညီမ ကနဲနဲ စာညံ့တာရယ် တစ်လမ်းထဲလဲနေကြတာမို့ ကိုယ်ကစေတနာပိုပြီး ကျောင်းသွား ကျောင်းပြန် တောင် အတူတူလုပ်ပေးပြီးအနီးကပ်သင်ပေးခဲ့တာလား။ အဆင်ပြေမယ်လို့ထင်တာ။ မှန်းချက်နဲ့နှမ်းထွက်က မကိုက်၊ အမှန်တကယ်လဲ ဖြစ်ပါရဲ့နဲ့။ လျောက်လွာကိုပယ်လိုက်တယ်။ ဒေါသဖြစ်လိုက်တာ။ အိမ်က အေးအေးနေတဲ့ အဖေတောင်ကြားသွားတယ်။ အဖေက ပြောတယ်။
သမီးသူ့ကိုစာသင်ပေးတုံးက ဒီ duty coat ရချင်လို့သင်တာလားတဲ့။ အဲ့ဒီတုံးက duty coat ဆိုတာဘာမှန်းတောင်မသိတာ။ ဘယ်ရချင်စိတ်လဲရှိမှာလဲလို့ပြန်ဖြေရင်း ဖေဖေပြောတဲ့ အဓိပ္ပါယ်ကို သဘောပေါက်ပြီး စိတ်ဆိုးတာ တွေ ပျောက်သွားပါတယ်။ ကျေးဇူးပါဖေဖေ။ ကိုယ့်ဖေဖေက သူများ တကာလိုဘုရားရှစ်ခိုးတာမတွေ့ရပေမဲ့ရင်ထဲမှာ ဘုရားတ၇ားတွေရှိနေတာပါလား။
(နောက်မှ စဉ်းစာမိတယ်။ မနေ့က titration လုပ်တုံးက duty coat မှာစင်ထားတဲ့ acid တွေကြောင့်
ပေါက်ပြဲ ကုန်တာကိုး။ )
မှားတဲ့အခါလဲ မှားပေမပေါ့။ (ဦးစံရှားကိုသတိရစွာဖြင့်)

ရင်ခုန်ခဲ့ရသောအချိန်များ

ခေါင်းစီးကြည့်ပြီး တစ်မျိုးအထင်မလွဲကြစေချင်ပါ။ အင်္ဂလိပ်စာ အလွန်ချာတဲ့ ကျမအတွက် အင်္ဂလိပ်စာ
တတ်ရတဲ့ အချိန်တွေဟာ အလွန်ရင်တုန်ပန်တုန်ဖြစ်ခဲ့ရတဲ့အချိန်တွေပါ။ အထူးသဖြင့် phonetics တို့ listening comprehension အချိန်တွေဆိုရင် ဘာတစ်လုံးမှနားမလည်ဘဲ စာမေးခံရမှာစိုးလို့ ရင်တွေ
တုန်ခါနေတဲ့အချိန်တွေပါဘဲ။ စာအမေးမခံရအောင် လူကြားထဲ မထင်ပေါ်အောင်လို့ မျက်နှာကိုဘာမှ
မချယ်သထားဘဲ အကျီ င်္ကိုလည်းအေ၇ာင်ဖျော့ဖျော့လေးဝတ် မျက်နှာကိုလည်း ခေါင်းသိပ်မငုံ့ သိပ်မမော့တဲ့ အနေအထားမှာ သတိထားနေခဲ့ပါတယ်။ အခုမှ ပြန်စဉ်းစားမိတယ်။ ဘာလို့များ အဲ့ဒီ အတန်းတွေကို စိတ်အပင်ပမ်းခံခြဲ့ပီးတက်ခဲ့ပါလိမ့် attendance အတွက် သူများကို sign ထိုးခိုင်း ရင် ရတာဘ။ဲ သြ ကိုယ့်မှာ sign ထိုးပေးမဲ့ သူငယ်ချင်းမှမရှိတာ။ ပြီးတော့ high scool ကျောင်းမှာတုံးက နှစ်စဉ်လိုလို တစ်နှစ်လုံးရက်ပျက်မရှိဘဲ အကျင့်စာရိတ္တကောင်းတဲ့ဆုတွေရနေကျမို့ကျောင်း ပြေး ရ ကောင်းမှန်းမသိခဲ့တာလဲ ပါ ပါလိမ့်မယ်။ ကြောက်ကြောက်ရွံ့ရွံ့နဲ့စာသင်ခန်း ထဲမှာထိုင်ခဲ့တဲ့အချိန် အတွင်းမှာ မှတ်မိတာတစ်ခုက ဒေါ်ခင်သီတာပါ။ ဆရာမကြီးက မြန်မာလည်းဆန်တယ်။ Modern လဲကျတယ်။
ဆံပင်အရှည်ထားပြီး ဆံပင်သန်အောင်ဝက်မှင်ဘီးနဲ့ဖြီးရကြောင်း၊သူကိုယ်တိုင်လည်းနေ့စဉ်ဖီးကြောင်း ပြောပါတယ်။ မျက်ခုန်းမွေးကိုတော့ အဲ့ဒီအချိန်က Modern ကျတဲ့သူတွေအတိုင်း အပြားကြီးကြီး ဆွဲထားပါတယ်။ တစ်နေ့တော့ သူဒေါသထွက်တဲ့အကြောင်းပြောပါတယ်။ အဖြစ်က အင်္ဂလိပ်စာ ဆရာတစ်ယောက် (နံနည်မမှတ်မိတော့ပါ။ အဲ့ဒီအချိန်ကခေတ်စားနေတဲ့ မင်းသားညွန့်ဝင်းနဲ့ဆင်ပြီး
ဆ၇ာကပို ပြီးဆတိုင်ကျပါတယ်။ stage ပေါ်မှာလမ်းလျောက်ရင်ကို အသံတွေမြည်းနေတာ။ )  ကို exercise စာအုပ်ထဲမှာ love letter ထဲ့ပေးလိုက်လို့တဲ့။ ဆရာက ဆရာမကြီးကိုတိုင်လို့ အဲ့ဒီကျောင်း သူရှိတဲ့ အခန်းကိုသွားဆဲ ခဲ့တာတဲ့။ ဒါပေမဲ့ ကျောင်းသားတွေ ဘာမှနားလည်ပုံမပေါက်ဘဲ ပါးစပ်အဟောင်း သား တွေဖြစ်နေတာနဲ့ သူ အင်္ဂလိပ်လိုဆဲခဲ့တာတွေကို မြန်မာလိုဘာသာပြန်ပေးခဲ့တယ်တဲ့ မှတ်ကရော်။
ကျမ ကတော့ အဲ့ဒီကျောင်းသူ တော်တော် အင်္ဂလိပ်စာတော်မှာဘဲလို့စဉ်းစားမိတယ်။ သူစာတော်လို့သာ
ဆရာ့ကို appreciate လုပ်နိင်တာပေါ့။ ကျမလိုသာဆို စာမေးခံရမှာကြောက်ပြီးရင်ခုန်နေရတာနဲ့အချိန်ကုန်နေတာ။
နောက်တစ်ခုက listening comprehension မှာ Henry Dunant အကြောင်းပါ။ ဘာတွေဖတ်သွား မှန်းမသိပါဘူး။ အခုမှ ကျော်ကြားတဲ့ Red Cross founder မှန်းသိတာပါ။ အင်္ဂလိပ်စာချာရုံတင်မဟုတ် general knowlege လဲ zero ဖြစ်တဲ့ကျမပါ။ ဟိုတုန်းက ကျမ စဉ်းစားမိတာက Henry ဆိုတာ လူနံမည်ဘဲ ဘာလို့ သူ ဒူးနန့်တဲ့အကြောင်းထဲ့ထဲ့ပြောနေရတာလဲ ? ကျမတို့ ဗမာကျောင်းက ဗမာ နံမည်တွေမှာ family name ဆိုတာ ရှိမှ မရှိဘဲ။
ဒီတစ်ခါတော့ နောက်ထပ်အရှက်ကွဲမှာစိုးလို့သွားမမေးခဲ့တာ အတော်မှန်သွားတယ်လို့ဆိုရပါမယ်။
နို့မို့ ဆရာ ROY လို နဖူးရိုက်ရုံမက ခွက်ထိုးခွက်လံ ရီဘဲ ရီလေမလား။ အလွန်သနားစရာကောင်းတဲ့ ကျောင်းသူ လို့ ဘဲထင်မလား။ တော်တော် ချာတဲ့ကျောင်းသူ ဘယ်လိုဆေးကျောင်းရောက်လာသလဲ လို့ဘဲတွေးနေမလား မသိပါဘူး။
သွားမမေးခဲ့လို့ထင်ပါတယ်။ ကျမ အင်္ဂလိပ်ဘာသာကို အောင်ရုံလေးအောင်ခဲ့ပါတယ်။ Supply မထိတာဘဲ ကံကေင်းတယ်လို့ဆိုရပါမယ်။